JOSHUA 14:12 - BIVHILI KHETHWA Mafhungo Madifha

¹² Zwino-ha, nga vha mphe shango heḽo ḽa muvhundu ḽe Muṋe washu a mpfulufhedzisa musi houḽa we nṋe na vhanna vhanga ra ḓisa vhuṱanzi. Ro vha vhudza zwenezwo ra ri lushaka lwa miswonḓa lune lwa pfi Vhaanaki vha henefho, nahone miḓi yo tangedzwa nga mitsheṱo. Khamusi Muṋe washu u ḓo vha na nṋe, nda vha thatha vha ṱuwa, nga he Muṋe washu a amba.”

JOSHUA 14:12 Iomraidhean Croise

2 MAHOSI 19:4

Khamusi Muṋe washu Mudzimu waṋu u ḓo pfa maipfi oṱhe a mulangammbi we muṋe wawe khosi ya Ashuru a mu ruma uri a ḓe a nyefule Mudzimu a tshilaho, a mu lifhedze maipfi e a pfiwa nga Muṋe washu Mudzimu wavho. Zwenezwo nga vha rabelele tsalela dzine dza kha ḓi tshila.’ ”

2 KORONIKA 14:11

Ndi hone Asa a tshi rabela Muṋe washu Mudzimu wawe a ri, “Muṋe washu, a hu na a no nga Iwe ane a nga farisa a shayaho nungo a tshi lwa na wa maanḓa. Yawee Muṋe washu, Mudzimu washu, ri farise, hufha ri tshi ḓitika nga Iwe, ro ḓa u lwa na mmbi hei khulu nga dzina ḽau. Yawee Muṋe washu, Iwe u Mudzimu washu, u songo tenda muthu a tshi u kunda.”

DZIPHISALEMA 44:3

A vho ngo wana shango nga ḽavho pfumo, a vho ngo kunda nga tshavho tshanḓa; ndi nga maanḓa au na tshanḓa tshau, ndi nga lupenyo lwa tshifhaṱuwo tshau, nge wa vha takalela.

DZIPHISALEMA 60:12

Rí na Mudzimu ri ḓo lwa sa vhahali, Ene u ḓo kandekanya maswina ashu.

NUMERI 13:28

Hone vhathu vhane vha dzula khaḽo vha ro vha na maanḓa, miḓi yavho ndi mihulu vhukuma nahone yo tangedzwa nga mitsheṱo. Ro ita na u vhona vhaḓuhulu vha Anaki vha miswonḓa henefho.

NUMERI 13:33

ra ita na u vhona miswonḓa henefho, vha lutsinga lwa Anaki. Ra pfa ri vhaṱuku sa nzie, na vhone vha vhona ro tou ralo.”

NUMERI 21:34

Muṋe washu a vhudza Mushe a ri, “U songo mu ofha. Ndo u kumedza ene na vhathu vhawe vhoṱhe na shango ḽawe. U mu ite zwenezwo zwe wa ita Sihoni khosi ya Vhaamori, we a vha a tshi vhusa Hesheboni.”

VHAROMA 8:31

Zwino ri nga dovha ra ri mini? Arali Mudzimu a tshi ima na riṋe, ane a nga kha ḓi ri pikisa ndi nnyi?

DOTORONOMIO 1:28

Ri kha ḓi gonyelani? Vha hashu vho yaho u tandula shango vho ri kula miraḓo vha tshi ri: Vhathu vha henefho vho anda, vha a ri fhira; mitsheṱo ya miḓi yavho i ṋanga makole; ro ita na u vhona miswonḓa, vhana vha Enaki.’

DOTORONOMIO 9:1

“Vhaisraele, thetshelesani! Ni vho wela Jorodani zwino uri ni dzhene shangoni ḽaṋu ni thathe tshakha khulu dzi no ni fhira nga maanḓa ni ḓidzhiele miḓi yavho mihulu yo tangwaho nga mitsheṱo i ṋanzwaho makole.

DOTORONOMIO 9:3

Hone ḓivhani ṋamusi uri Muṋe washu Mudzimu waṋu ndi Ene a no ni ranga phanḓa sa mulilo u fhisaho zwoṱhe; Ene u ḓo vha kunda tshoṱhe vha ni luvha, na vha lozwa na dzhia mashango avho kathihi fhedzi unga Muṋe washu o ni vhudza.

VHAFILIPI 4:13

Muṋe washu u mpha maanḓa nda kona zwoṱhe hezwo.

VHAHEBERU 11:33

vhe nga lutendo vha kunda mivhuso, vha vhea milayo kwayo, vha wana zwe Mudzimu a vha fulufhedzisa, ndau dzi pondaho vha dzi thivha milomo,

JOSHUA 15:14

Khalebe o thatha vhaḓuhulu vha Anaka vha ṱuwa afho muḓini – vhone vha mutupo wa Sheshai na Ahimani na Thalamai.

VHARANGAPHANḒA 1:20

Hebroni ho ṋewa Khalebe nga he Mushe a vha laya, Khalebe a thatha vhaḓuhulu vhararu vha Anaki na vhana vhavho afho muḓini.

1 SAMUELE 14:6

Jonathani a vhudza muṱhanngana o mu hwalelaho zwihali a ri, “Iḓani ri wetshele mishashani ya mashuvhuru haaḽa. Khamusi Muṋe washu u ḓo ri farisa. A hu na tshine tsha kundisa Muṋe washu u tshidza vhathu, a nga vha tshidza nga vhathu vhanzhi, kana a vha tshidza nga vha si gathi.”