JOSHUA 13:14 - BIVHILI KHETHWA Mafhungo Madifha

¹⁴ Tsinde ḽa Livi, Mushe o vha a songo vha fha shango. Vhone vho vha vho fanela u wana mukovhe wavho wa nduvho dza zwiḽiwa dzine dza ṋekedzwa Muṋe washu Mudzimu wa Israele kha aḽiṱari, nga he Muṋe washu a vhudza Mushe.

JOSHUA 13:14 Iomraidhean Croise

ESEKIELE 44:28

A vha nga vhi na shango; Nṋe muṋe ndi ḓo vha ifa ḽavho. Ni songo vha ṋea shango kha ḽa Israele; Nṋe muṋe ndi ḓo vha mukovhe wavho.

ESEKIELE 44:29

Zwiḽiwa zwavho zwi ḓo vha nduvho ya thoro na tshiṱhavhelo tsha tshipfumelo na tshiṱhavhelo tsha mulifho. Zwoṱhe kha ḽa Israele zwo ṋekedzwaho Nṋe zwi ḓo vha zwavho.

DOTORONOMIO 10:9

Ndi zwe Vhalivi vha kundwa u wana mukovhe wa shango unga vhaṅwe Vhaisraele; mukovhe wavho ndi Muṋe washu Ene muṋe, unga Muṋe washu Mudzimu waṋu o vha vhudza.)

DOTORONOMIO 12:12

Ni zwi ṱhavhe henefho ni zwi ḽe ni takale phanḓa ha Muṋe washu Mudzimu waṋu ní na vhana vhaṋu vha vhatuka na vha vhasidzana, na vhashumi vhaṋu vha vhanna na vha vhasadzi, na Vhalivi vhane na dzula navho vha takale, ngauri vhone a vho ngo kovhelwa tshipiḓa tsha shango musi inwi ni tshi wana mikovhe yaṋu.

DOTORONOMIO 12:19

Ni vhone ni sa ḓo hangwa Vhalivi, maḓuvha oṱhe ane na dzula shangoni ḽaṋu.

JOSHUA 13:13

Hone Vhaisraele a vho ngo thatha vhathu vha Geshuru na Maakha; vho ḓi dzula kha ḽa Israele u swika na ṋamusi.

JOSHUA 13:15

Vha miṱa ya tsinde la Rubeni, Mushe o vha ṋea kupiḓa kwa shango uri ḽi vhe ḽavho.

JOSHUA 13:33

Huno tsinde ḽa Livi Mushe ho ngo vha ṋea shango. O vha vhudza uri mukovhe wavho ndi Muṋe washu Mudzimu wa Israele.

JOSHUA 18:7

Vhalivi vhone iḽo shango vha nga si kovhekane na inwi, mukovhe wavho ndi wa u vha vhotshifhe vha Muṋe washu. Vha matsinde a Gadi na Rubeni na hafu ya tsinde ḽa Manase vho no ḓi wana shango ḽavho vhubvaḓuvha ha Jorodani, ḽe vha ṋewa nga Mushe muḓinḓa wa Muṋe washu.”