JOSHUA 12:7 - BIVHILI KHETHWA Mafhungo Madifha

⁷ Joshua na Vhaisraele vhone vho kunda mahosi oṱhe shangoni ḽa vhukovhela ha Jorodani, u bva Baali Gadi govhani ḽa Libanoni u swika thavhani ya Halaka thungo ya tshipembe tsini ha Seiri. Joshua iḽo shango o ḽi kovhekanya matsinde a Israele, a vha ṋea uri ḽi dzule ḽi ḽavho.

JOSHUA 12:7 Iomraidhean Croise

GENESI 14:6

Vhahori vha vha kunda zwivhangani zwa shango ḽa Seiri, u vhuya u swika Elepharani tsini ha phanga.

GENESI 32:3

Jakopo a ruma vhaḓinḓa vha mu ranga phanḓa vha ya ha mukomana wawe Esau shangoni ḽa Seiri kha ḽa Edomo.

GENESI 36:20

Ngevha vhana vha vhatuka vha Seiri wa Muhori, vhone vhadzulapo vha kale vha shango ḽa Edomo: Ndi Lothani na Shobala na Tsibioni na Ana

GENESI 36:30

na Dishoni na Etsere na Dishani. Hayo ndi one magota a Vhahori zwi tshi ya nga matsinde avho shangoni ḽa Seiri.

GENESI 36:8

Zwenezwo Esau, ene Edomo, a yo dzula makwarani a Seiri – ndi ḽone ḽa Edomo.

DZIPHISALEMA 135:11

Sihoni khosi ya Vhaamori, na Ogo khosi ya Bashani, na yoṱhe mivhuso ya Kanana,

DOTORONOMIO 2:1

“Ngavhuya ra takuwa ro livha phangani ri tshi tshimbila nga nḓila ya Lwanzhe lwa Dziṱhanga, nga he Muṋe washu a mmbudza, ra fhedza maḓuvha ri tshi khou mona na Thavha dza Seiri,

DOTORONOMIO 2:4

Zwino vhudza vhathu u ri: Hu si kale ni ḓo pfuka mikano ya vhakomana vhaṋu vhana vha Esau vha no dzula Seiri; vha a ni ofha, hone inwi ni sedzese.

JOSHUA 11:17

Iḽo shango thungo ya tshipembe ḽi thoma thavhani ya Halaka tsini ha Seiri u vhuya u swika Baali Gadi thungo ya devhula, govhani ḽa Libanoni, tshipembe ha thavha ya Heremoni. Joshua o lwa na mahosi a shango ḽeneḽo tshifhinga tshilapfu, hone a vha thuba vhoṱhe, a vha vhulaha.

JOSHUA 11:23

Joshua a thuba shango ḽoṱhe, nga he Muṋe washu a laya Mushe. Joshua a ḽi ṋea Vhaisraele ḽa vha ḽavho, a ḽi kovhekanya nga mikovhe, tsinde ḽiṅwe na ḽiṅwe ḽa wana mukovhe waḽo. Ndi hone vhathu vha tshi awela nndwa.

JOSHUA 3:17

Musi vhathu vha tshi khou tshimbila vha tshi wetshela seli nga ho omaho, vhotshifhe vho hwalaho mbulungelo ya mulanga ya Muṋe washu vha vha vhó ima mavuni o omaho vhukati ha mulambo vha sa sudzuluwi vhathu vhoṱhe vha vhuya vha wela seli.

JOSHUA 9:1

Mahosi oṱhe vhukovhela ha Jorodani vha pfa uri Vhaisraele vho kunda maswina avho. Ndi mahosi oṱhe a mashango a re mivhunduni na zwigodini na hoṱhe u navha na Lwanzhe lwa Phandamashango u swika Libanoni – ndi mahosi a Vhahithi na Vhaamori na Vhakanana na Vhapherisi na Vhahivi na Vhajebusi.