JOSHUA 12:6 - BIVHILI KHETHWA Mafhungo Madifha

⁶ Mahosi hayo mavhili o kundwa nga Mushe na Vhaisraele. Mushe muḓinḓa wa Muṋe washu o dzhia mashango avho a a ṋea matsinde a Rubeni na Gadi na hafu ya tsinde ḽa Manase uri ḽi vhe ḽavho.

JOSHUA 12:6 Iomraidhean Croise

1 MAHOSI 4:19

Gebere ṅwana wa Uri: shango ḽa Giliadi, he kale ha vha hu tshi vhusa Sihoni khosi ya Vhaamori na Ogo khosi ya Bashani. Shangoni ḽoṱhe ḽa Juda ho vha hu na muvhusi muthihi.

NUMERI 32:29

“Arali vhathu vha Gadi na Rubeni vha wela Jorodani vho shoma vho ranga mbulungelo ya Muṋe washu phanḓa, nahone arali vha ni farisa na kunda iḽo shango, izwo vha fheni ḽa Giliadi ḽi vhe ḽavho.

NUMERI 32:32

Ri ḓo wela seli ro ranga mbulungelo ya Muṋe washu phanḓa, ra dzhena shangoni ḽa Kanana ro fara mafumo, hone mukovhe washu wa shango une ra ḓo u wana u ḓo vha seli na ḽino ḽa Jorodani.”

NUMERI 32:33

Ndi hone Mushe a tshi amba na vhathu vha Gadi na Rubeni na hafu ya tsinde ḽa Manase ṅwana wa Josefa, a vha ṋea muvhuso wa Sihoni khosi ya Vhaamori na wa Ogo khosi ya Bashani, shango ḽoṱhe na miḓi yaḽo na mivhundu yo i tangaho.

JOSHUA 14:3

Shango ḽa vhubvaḓuvha ha Jorodani Mushe o vha o no ḓi ḽi ṋea matsinde maṅwe mavhili na hafu yao. Vhaḓuhulu vha Josefa vho bva matsinde mavhili, Manase na Efraimi. Vhalivi vhone Mushe ho ngo vha ṋea mukovhe wa shango. Vhone vho tou ṋewa miḓi ya u dzula na pfulo ya kholomo na nngu dzavho.

JOSHUA 18:7

Vhalivi vhone iḽo shango vha nga si kovhekane na inwi, mukovhe wavho ndi wa u vha vhotshifhe vha Muṋe washu. Vha matsinde a Gadi na Rubeni na hafu ya tsinde ḽa Manase vho no ḓi wana shango ḽavho vhubvaḓuvha ha Jorodani, ḽe vha ṋewa nga Mushe muḓinḓa wa Muṋe washu.”

JOSHUA 22:4

Zwino Muṋe washu Mudzimu waṋu o ladza shango ḽa Vhaisraele vha haṋu, unga o fulufhedzisa. Zwenezwo vhuelelani zwaṋu hayani, shangoni ḽe Mushe muḓinḓa wa Muṋe washu a ni ṋea seli ha Jorodani.