JOSHUA 11:6 - BIVHILI KHETHWA Mafhungo Madifha

⁶ Muṋe washu a vhudza Joshua a ri, “U songo vha ofha. Matshelo nga tshifhinga hetshino ndi ḓo vha ndo vha vhulaha vhoṱhe ndi tshi lwela Vhaisraele. U holefhadze bere dzavho, u fhise gariki dzavho dza nndwa.”

JOSHUA 11:6 Iomraidhean Croise

2 SAMUELE 8:4

Dafita a thuba vhanameli vha bere dza nndwa vha 1 700 na vhahali vha 20 000 vha tshimbilaho nga milenzhe. A sia bere dzi no lingana u kokodza gariki dza ḓana, dziṅwe dzoṱhe a dzi holefhadza.

2 MAHOSI 6:16

Muporofita a fhindula a ri, “Ni songo ofha tshithu, vhane vha ima na riṋe vha fhira vhane vha ima na Vhaaramu.”

2 KORONIKA 20:16

Matshelo ni bve ni yo lwa navho. Vha ḓo vha vha tshi khou gonya nga Phara ya Tsitsi, ni ḓo vha wana hune govha ḽa guma hone phangani ya Jeruele.

DZIPHISALEMA 46:10

“Dzikani ni ḓivhe uri ndi Nṋe Mudzimu, ndi fhira dzitshakha, ndi fhira na ḽifhasi!”

DZIPHISALEMA 46:11

Muṋe washu Mudzimu Mulangazwoṱhe u na riṋe, Mudzimu wa Jakopo ndi Ene dzhavhelo ḽashu.

DZIPHISALEMA 46:9

U fhedza dzinndwa u swika he shango ḽa guma; u vunḓekanya vhura, a thathekanya mafumo, zwiṱangu zwa maswole a zwi fhisa nga mulilo.

MIRERO 20:7

A no thetshelesa Mudzimu u tshila vhutshilo vhu sa solisei; na vhana vhawe vha ḓo vha na mashudu.

YESAYA 30:16

ni ri, ‘Aiwa, ri ḓo shavha nga dzibere.’ Ndi zwone, ni ḓo shavha! Ni ri, ‘Ri ḓo namela bere dza luvhilo.’ Ndi zwone, vha ni pandamedzaho na vhone vha na luvhilo.

YESAYA 31:1

Vhane vha tsela Egipita vha tshi ṱoḓa u tikedzwa vha ḓo zwi vhona! Vha khou ḓitika nga maanḓa a mmbi ya Egipita – dzibere na dzigariki dza nndwa na vhahali, hone a vha sedzi Mukhethwa wa Israele, kana vha vhudzisa Muṋe washu arali a tshi zwi takalela.

ESEKIELE 39:9

“ ‘Vha no dzula miḓini ya Israele vha ḓo bva vha yo dzhia izwo zwihali vha zwi ita khuni vha vhasa mulilo ngazwo: zwiṱangu na zwipileli na vhura na misevhe na migopi na mafumo. Vha ḓo zwi vhasa ha vhuya ha fhela miṅwaha miṱanu na mivhili.

HOSIA 14:3

Vhaashuru vha nga si ri tshidze, a ri tsha ḓo namela bere dza nndwa. A ri tsha ḓo dovha ra amba na zwithu zwe ra vhumba nga zwanḓa zwashu ra ri, ‘Midzimu yashu’, ngauri ndi Iwe une wa khathutshela tsiwana.”

NAHUMI 2:13

Muṋe washu Mulangazwoṱhe u ri, “Ndi khou lwa na iwe. Ndi ḓo fhisa gariki dzau dza nndwa ha duba vhutsi, pfumo ḽi ḓo ḽa ndawana dzau. A thi nga u sieli tshine wa ḓo ponda fhano shangoni. Maipfi a vhaḓinḓa vhau ha tsha ḓo dovha a pfala.”

DOTORONOMIO 7:16

Hone tshakha dzoṱhe dzine Muṋe washu a ḓo ni kumedza dzone ni pfi ni dzi lozwe; ni songo dzi khathutshela, ni songo luvha midzimu yadzo, i sa ḓo vha tshikwekwe tsha u ni fasha.

JOSHUA 10:8

Muṋe washu a vhudza Joshua ri, “U songo vha ofha. Ndo no ḓi vha kumedza zwanḓani zwau. A hu na na muthihi wavho ane a ḓo kona u imedzana na iwe.”

JOSHUA 11:5

Mahosi hayo oṱhe a ṱanganya mmbi dzao, vha ḓa vhoṱhe vha ṱoka mishasha maroromani a Miromo uri vha lwe na Vhaisraele.

JOSHUA 11:7

Ndi hone Joshua na vhanna vhawe vhoṱhe vha tshi vha tshoṱhela vha songo humbula, henefho maroromani a Miromo.

JOSHUA 11:9

Joshua a vha ita zwe Muṋe washu a laya: o holefhadza bere dzavho, a fhisa gariki dzavho dza nndwa.

JOSHUA 3:5

Joshua a dovha a vhudza vhathu a ri, “Ḓikumululeni Muṋe washu ngauri matshelo u ḓo ni itela maḓembe.”

VHARANGAPHANḒA 20:28

Finiasi ṅwana wa Eliasara ṅwana wa Aroni e ene a shumelaho Muṋe washu henefho. Vha vhudzisa vha ri, “Ri dovhe ri gonye ri yo lwa na vha hashu vhathu vha Benyamini kana ri songo ya naa?” Muṋe washu a fhindula a ri, “Iyani. Matshelo ndi ḓo vha kumedza zwanḓani zwaṋu.”

VHARANGAPHANḒA 7:9

Vhusiku honoho Muṋe washu a laya Gidioni a ri, “Takuwa u yo dia maswina, ndi ḓo vha kumedza zwanḓani zwau.

1 SAMUELE 11:9

Vha vhudza vhaḓinḓa vho rumiwaho vha ri, “Vhudzani vhanna vha Jabeshe kha ḽa Giliadi ni ri, ‘Matshelo ḓuvha ḽi tshi ṱavha ni ḓo vha no lamukiswa.’ ” Ḽa vha dakalo.