JOSHUA 11:3 - BIVHILI KHETHWA Mafhungo Madifha

³ A swikisa ipfi na ha Vhakanana masia oṱhe a mulambo wa Jorodani, na ha Vhaamori na Vhahithi na Vhapherisi na Vhajebusi vha re mivhunduni, na ha Vhahivi vhe vha vha vha tshi dzula tsindeni ḽa thavha ya Heremoni shangoni ḽa Mitsipha.

JOSHUA 11:3 Iomraidhean Croise

GENESI 31:49

Ḽiṅwe yo vha i tshi pfi Mitsipha (Tshiingamo), nge Labani a dovha a ri, “Ngavhe Yahavee a tshi ri londola nṋe na inwi musi ri kule na kule.

2 SAMUELE 24:16

Musi muruṅwa a tshi angaladza tshanḓa tshawe uri a lozwe Jerusalema, Muṋe washu a ṱungufhala nga iyo khombo, a vhudza muruṅwa we a vha a tshi khou lifhedza vhathu a ri, “Ndi zwone! Humisa tshanḓa tshau.” Muruṅwa wa Muṋe washu zwenezwo o vha e luvhatani lwa u fhulela lwa Arauna wa Mujebusi.

2 SAMUELE 24:7

Zwino vha livha tshipembe vha tshi ya muḓini wa Tiro wo tangeledzwaho nga mitsheṱo, vha fhirela miḓini yoṱhe ya Vhahivi na Vhakanana. Vha fhedza nga u ya Bierisheba tshipembe ha Juda.

1 MAHOSI 15:22

Ndi hone khosi Asa a tshi bvisa ndaela ya ya kha ḽoṱhe ḽa Juda uri hu si vhuye ha sala muthu, muṅwe na muṅwe a ye Rama a yo hwala matombo na matanda zwe Baasha a vha a tshi khou khwaṱhisa ngazwo muḓi. Khosi Asa a dzhia iyo thundu a khwaṱhisa ngayo Geba, kha ḽa Benyamini, a khwaṱhisa na Mitsipha.

1 MAHOSI 9:20

Ho vha ho sala vhathu vha si Vhaisraele, Vhaamori na Vhahithi na Vhapherisi na Vhahivi na Vhajebusi,

DZIPHISALEMA 133:3

Zwi nga ṅwando wa Heremoni une wa wela thavhani ya Tsioni! Ndi hone he Muṋe washu a fulufhedzisa mashudu – vhutshilo vhu sa gumi.

DZIPHISALEMA 89:12

Ndi Iwe wo sikaho devhula na tshipembe, Thaboro na Heremoni dzi fhululedza dzina ḽau.

LUIMBOIMBO 4:8

Ibvani henefho Libanoni, muselwa wanga, iḓani ri ṱuwe roṱhe! Itsani muṱumbani wa thavha ya Amana! Itsani thavha ya Seniri na thavha ya Heremoni, hune ha dzula ndau na nngwe!

JEREMIA 40:10

A vha nṋe ndi ḓo dzula Mitsipha nda ni imelela kha Vhakhaladia vhane vha ḓa ha riṋe, fhedzi inwi no fanela u fula nḓirivhe na mitshelo ya tshilimo na nyolivi, ni dzi hamule, mapfura ni shele nkhoni dzaṋu dza u vhulungela, na ḓidzulela miḓini ine na funa u dzula khayo.”

JEREMIA 40:6

Huno Jeremia a ya ha Gedalia ṅwana wa Ahikamu e Mitsipha a dzula nae na vhathu vhe vha siwa henefho shangoni.

JEREMIA 41:14

Vhathu vhoṱhe vhe Ishmaele a vha thuba Mitsipha vha rembuluwa vha ya ha Johanani ṅwana wa Karia.

JEREMIA 41:3

Ishmaele a vhulaha na Majuda vhoṱhe vhe vha vha vhe na Gedalia henefho Mitsipha, a vhulaha na vhahali vha Vhababele vhe vha vha vhe henefho.

NUMERI 13:29

Negeve hu dzula Vhaamaleke, zwivhangani hu dzula Vhahithi na Vhajebusi na Vhaamori; tsini ha Lwanzhe lwa Phandamashango, na u tsa na mulambo wa Jorodani, hu dzula Vhakanana.”

DOTORONOMIO 4:48

shango ḽavho ḽo vha ḽi tshi katela mivhundu yoṱhe u bva Aruere khunzikhunzini dza mulambo wa Arinoni u swika thavhani ya Heremoni ine ḽiṅwe ya pfi Sirioni,

DOTORONOMIO 7:1

“Yahavee Mudzimu waṋu u ḓo ṱuwa a tshi ni swikisa shangoni ḽe na livha khaḽo uri a ni ṋee ḽone ḽi vhe ḽaṋu. U ḓo pandela tshakha nnzhi vha ni shavha – Vhahithi na Vhagirigashi na Vhaamori na Vhakanana na Vhapherisi na Vhahivi na Vhajebusi – tshakha ṱhanu na mbili dzine dza ni fhira nga u anda na nga maanḓa.

JOSHUA 11:17

Iḽo shango thungo ya tshipembe ḽi thoma thavhani ya Halaka tsini ha Seiri u vhuya u swika Baali Gadi thungo ya devhula, govhani ḽa Libanoni, tshipembe ha thavha ya Heremoni. Joshua o lwa na mahosi a shango ḽeneḽo tshifhinga tshilapfu, hone a vha thuba vhoṱhe, a vha vhulaha.

JOSHUA 11:8

Muṋe washu a vha kumedza zwanḓani zwa Vhaisraele vha vha kunda; Vhaisraele vha vha wela, vha vha pandamedza vha vha swikisa devhula Misirifotho Maimi na Sidoni, thungo ya vhubvaḓuvha vha vha swikisa govhani ḽa Mitsipha. Iyo nndwa ya lwiwa u swika hu si tshee na na muthihi wa maswina o salaho a tshi khou tshila.

JOSHUA 13:11

Ḽo vha ḽi tshi katela na Giliadi na madzingu a Geshuru na Maakha na thavha yoṱhe ya Heremoni na ḽoṱhe ḽa Bashani u vhuya u swika Salekha.

JOSHUA 13:5

shango ḽa Vhagebali; ḽoṱhe ḽa Libanoni u ya vhubvaḓuvha, u bva Baali Gadi tshipembe ha thavha ya Heremoni u swika Pharani ya Hamathi.

JOSHUA 15:38

na Diliani na Mitsipha na Jokothiele

JOSHUA 15:63

Hone vhathu vha Juda vho vha vha sa koni u thatha Vhajebusi vhe vha vha vha tshi dzula Jerusalema. Vhajebusi vha kha ḓi dzula henefho na vhathu vha Juda.

JOSHUA 18:26

na Mitsipha na Khefira na Motsa

JOSHUA 3:10

Vhukumakuma ni ḓo ri ni tshi swika a thatha Vhakanana na Vhahithi na Vhahivi na Vhapherisi na Vhagirigashi na Vhaamori na Vhajebusi. Ndi hone ni tshi ḓo zwi ḓivha uri Mudzimu a tshilaho u na inwi,

VHARANGAPHANḒA 20:1

Zwenezwo Vhaisraele vhoṱhe, u bva Dani thungo ya devhula u swika Bierisheba thungo ya tshipembe, na u bva shangoni ḽa Giliadi thungo ya vhubvaḓuvha, vha bva unga munna muthihi vha kuvhangana phanḓa ha Muṋe washu Mitsipha.

VHARANGAPHANḒA 21:5

Vha vhudzisa vha ri, “Kani hu na tshigwada tsha matsinde a Israele tshi songo yaho guvhanganoni phanḓa ha Muṋe washu ngei Mitsipha?” (Ndi uri vho vha vho ana vho tou khwaṱhisa uri nnyi na nnyi a songo yaho Mitsipha a vhulawe.)

VHARANGAPHANḒA 21:8

Musi vha tshi vhudzisa arali hu na tshigwada tsha matsinde a Israele tshi songo yaho guvhanganoni ḽa Mitsipha, vha wana uri henefho ho vha hu si na na muthihi a no bva Jabeshe kha ḽa Giliadi;

VHARANGAPHANḒA 3:3

Vho salaho afho shangoni ndi vha miḓi miṱanu ya Vhafilista, na Vhakanana vhoṱhe na Vhasidoni na Vhahivi vhe vha vha vha tshi dzula thavhani dza Libanoni u bva thavhani ya Baali Heremoni u swika Pharani ya Hamathi.

VHARANGAPHANḒA 3:5

Ndi hone Vhaisraele vha tshi dzula vhukati ha Vhakanana na Vhahithi na Vhaamori na Vhapherisi na Vhahivi na Vhajebusi,

1 SAMUELE 10:17

Samuele a kuvhanganya Vhaisraele muḓini wa Mitsipha,