JOSHUA 11:22 - BIVHILI KHETHWA Mafhungo Madifha

²² A hu na na Muanaki na muthihi o siwaho shangoni ḽa Israele, he ha sala vha si gathi ndi Gaza na Gathi na Ashidodo.

JOSHUA 11:22 Iomraidhean Croise

1 MAHOSI 2:39

Huno ngavhuya ho no fhela miṅwaha miraru, ha shavha phuli mbili dza Shimei dza ya ha Akhishi ṅwana wa Maakha, khosi ya Gathi. Shimei a vhudzwa upfi, “Phuli dzavho dzi ngei Gathi.”

1 KORONIKA 18:1

Ngavhuya khosi Dafita a kunda Vhafilista, vha mu luvha, a vha dzhiela muḓi wa Gathi na miḓana yo u tangaho.

1 KORONIKA 8:13

Beria na Shema vho vha vhe ṱhoho dza miṱa ya vhe vha vha vho dzula muḓini wa Ayaloni vha thatha vhadzulapo vha muḓi wa Gathi.

2 KORONIKA 26:6

Uzia a bva pfumo a yo lwa na Vhafilista, a thutha mitsheṱo ya miḓi ya Gathi na Jabune na Ashidodo, a konou vusa miḓi tsini ha Ashidodo na huṅwe vhukati ha Vhafilista.

YESAYA 20:1

Saragoni khosi ya Ashuru o ruma mulangammbi wawe muhulwane u yo dia Ashidodo. Nangoho a ḓa a u thuba.

MISHUMO 8:40

Filipi ene a kanuka o no vha Ashidodo; u bva afho a dzhena miḓini yoṱhe a tshi enda a tshi funza mafhungo maḓifha a vhuya a swika Khisaria.

DOTORONOMIO 2:23

Vhaavi vhone vho vha vha tshi dzula miḓini yavho u swika Gaza, ha ḓa Vhakhafithori vhe vha bva Khafithori, vha vha thatha vha yo dzula shangoni ḽavho.)

DOTORONOMIO 9:2

Ni a zwi ḓivha uri hu na Vhaenaki, vhathu vhalapfu vha nungo khulu; no no ḓi pfa hu tshi pfi, ‘Ndi nnyi ane a nga imedzana na Vhaenaki?’

JOSHUA 10:41

Joshua o vha kunda a dzhia ḽoṱhe u bva Kadeshe Barania thungo ya tshipembe u swika Gaza tsini ha lwanzhe, a angaredza dzingu ḽoṱhe ḽa Gosheni, na u ya devhula u vhuya u swika Gibioni.

JOSHUA 15:14

Khalebe o thatha vhaḓuhulu vha Anaka vha ṱuwa afho muḓini – vhone vha mutupo wa Sheshai na Ahimani na Thalamai.

JOSHUA 15:46

na ḓorobo dzoṱhe u bva Ekroni u ya Lwanzheni lwa Phandamashango.

JOSHUA 15:47

Ha vha na Ashidodo na Gaza, na ḓorobo dzayo na miḓana yayo, u swika kudamboni masakhani a Egipita na khunzikhunzini dza Lwanzhe lwa Phandamashango.

VHARANGAPHANḒA 1:18

Muṋe washu a farisa vhathu vha Juda, vha dzhia shango ḽa dzithavhani. Hone vha si thube Gaza na Ashkeloni na Ekroni na mashango o i tangaho. Vhathu havho vha dzulaho tsini ha lwanzhe vho vha vhe na gariki dza nndwa dza tsimbi, ndi zwe vhathu vha Juda vha kundwa u vha thatha uri vha ṱuwe.

VHARANGAPHANḒA 3:3

Vho salaho afho shangoni ndi vha miḓi miṱanu ya Vhafilista, na Vhakanana vhoṱhe na Vhasidoni na Vhahivi vhe vha vha vha tshi dzula thavhani dza Libanoni u bva thavhani ya Baali Heremoni u swika Pharani ya Hamathi.

1 SAMUELE 17:4

Ha ḓa ngweṋa i tshi bva mishashani ya Vhafilista. O vha a tshi pfi Goliada, wa muḓi wa Gathi. Vhulapfu hawe ho vha vhu tshi hovhelela mitha tharu.

1 SAMUELE 5:1

Musi Vhafilista vho no thuba mbulungelo ya Mudzimu Ebenezere, vha i hwala vha i isa Ashidodo,