JOSHUA 11:16 - BIVHILI KHETHWA Mafhungo Madifha

¹⁶ Joshua o thuba shango ḽoṱhe, shango ḽa mivhunduni na Negeve, na dzingu ḽoṱhe ḽa Gosheni khathihi na govha ḽa Jorodani.

JOSHUA 11:16 Iomraidhean Croise

DZIPHISALEMA 105:44

A vha ṋea mashango a dzitshakha, vha vha maḽaifa a zwe vhaṅwe vha zwi bvela biko.

DZIPHISALEMA 78:55

O thatha dzitshakha phanḓa havho, a vha ṋea shango ḽa vha ifa ḽavho, a ṋea matsinde a Israele mahaya avho.

ESEKIELE 17:23

Ndi ḓo ḽi sima nṱha ha thavha ndapfu ya Israele. Ḽi ḓo mela matavhi ḽa aṋwa mitshelo, ḽa vha mukedara muhulu. Zwiṋoni zwa tshakha dzoṱhe zwi ḓo dzula khawo, zwivhumbwa zwoṱhe zwa phapha zwa awela murunzini wa matavhi awo.

ESEKIELE 36:8

Inwi dzithavha dza Israele, melani miri i aṋwe mitshelo i no ḓo ḽiwa nga vhathu vhanga vha Israele, ngauri hu si kale vha ḓo vhuya.

DOTORONOMIO 1:7

Takuwani ni fare lwendo lwa u ya thavhani dza Vhaamori na thungo dza tshakha dzo ṋekanaho masakha navho, vha no dzula govhani ḽa Jorodani na dzithavhani na zwigodini na Negeve na tsini ha lwanzhe – shango ḽoṱhe ḽa Kanana khathihi na Libanoni, u swika mulamboni muhulu wa Yufuratha.

JOSHUA 10:40

Joshua a kunda shango ḽoṱhe. O kunda mahosi a mivhunduni na Negeve na midavhini i re tsini ha lwanzhe na midavhini ya vhubvaḓuvha. Ho ngo sia na muthihi a tshi tshila, vhoṱhe vho vhulawa. Hezwo ndi zwe Muṋe washu Mudzimu wa Israele a laya.

JOSHUA 10:41

Joshua o vha kunda a dzhia ḽoṱhe u bva Kadeshe Barania thungo ya tshipembe u swika Gaza tsini ha lwanzhe, a angaredza dzingu ḽoṱhe ḽa Gosheni, na u ya devhula u vhuya u swika Gibioni.

JOSHUA 11:15

Muṋe washu o vha o laya muḓinḓa wawe Mushe, Mushe a laya Joshua, Joshua a thetshelesa. Ho ngo siedza na tshithihi tshe Muṋe washu a laya Mushe.

JOSHUA 11:2

na ha mahosi a dzulaho mivhunduni thungo ya devhula na govhani ḽa Jorodani tshipembe ha dzivha ḽa Khinirethe na midavhini i re tsini ha lwanzhe na u ṱutshela lwanzheni tsini ha Doro.

JOSHUA 11:21

Misi iyo Joshua a ṱuwa a yo lozwa lushaka lwa miswonḓa vhane vha pfi Vhaanaki vhe vha vha vha tshi dzula shangoni ḽa mivhundu, Hebroni na Debiri na Anabu na mashangoni oṱhe a mivhundu ya Juda na Israele. Joshua a vha lozwa tshoṱhe na miḓi yavho.

JOSHUA 12:8

Mukovhe hoyo wo vha u tshi angaredza na shango ḽa mivhundu na midavhini i re tsini ha lwanzhe na govha ḽa Jorodani na midavhi yaḽo na Negeve. Shango heḽo ḽo vha ḽi tshi dzula Vhahithi na Vhaamori na Vhakanana na Vhapherisi na Vhahivi na Vhajebusi.

JOSHUA 9:1

Mahosi oṱhe vhukovhela ha Jorodani vha pfa uri Vhaisraele vho kunda maswina avho. Ndi mahosi oṱhe a mashango a re mivhunduni na zwigodini na hoṱhe u navha na Lwanzhe lwa Phandamashango u swika Libanoni – ndi mahosi a Vhahithi na Vhaamori na Vhakanana na Vhapherisi na Vhahivi na Vhajebusi.