JOSHUA 11:12 - BIVHILI KHETHWA Mafhungo Madifha

¹² Joshua a thuba miḓi yoṱhe heyo na mahosi ayo, a tshi vhulaha vhathu vhoṱhe, nga he Mushe muḓinḓa wa Muṋe washu a laya.

JOSHUA 11:12 Iomraidhean Croise

DOTORONOMIO 7:2

Yahavee Mudzimu waṋu u ḓo vha kumedza inwi, na vha kunda. Zwenezwo tshaṋu ndi u vha lozwa tshoṱhe, ni songo vhofha mulanga navho, ni songo vha khathutshela.

DOTORONOMIO 9:3

Hone ḓivhani ṋamusi uri Muṋe washu Mudzimu waṋu ndi Ene a no ni ranga phanḓa sa mulilo u fhisaho zwoṱhe; Ene u ḓo vha kunda tshoṱhe vha ni luvha, na vha lozwa na dzhia mashango avho kathihi fhedzi unga Muṋe washu o ni vhudza.

JOSHUA 10:20

Joshua na vhanna vha Israele vha vha vhulaha lu ofhisaho, ha ponyoka vha si gathi, vha shavhela ngomu mitsheṱoni ya muḓi wavho vha si vhulawe.

JOSHUA 10:28

Musi wonoyo Joshua a dia muḓi wa Makeda, a thuba na khosi yawo. A vhulaha vhathu vhoṱhe afho muḓini, ha si vhe na we a siwa a tshi tshila. Khosi ya Makeda a i ita zwe a ita khosi ya Jerikho.

JOSHUA 10:30

Muṋe washu a kumedza na uyo muḓi na khosi yawo zwanḓani zwa Vhaisraele. A ho ngo vha na we vha mu sia, vho vhulaha vhoṱhe. Na iyo khosi vha i ita zwe vha ita khosi ya Jerikho.

JOSHUA 10:32

Muṋe washu a kumedza Vhaisraele muḓi wa Lakhishi vha u kunda nga ḓuvha ḽa vhuvhili ḽa nndwa. A vho ngo sia na muthu na muthihi, vho vhulaha vhoṱhe afho muḓini, sa zwe vha ita Libina.

JOSHUA 10:35

Vha u thuba musi wonoyo, vha vhulaha vhathu vhoṱhe vha henefho, sa zwe vha ita Lakhishi.

JOSHUA 10:37

vha u thuba. Vha vhulaha khosi na vhathu vhoṱhe afho muḓini na ḓoroboni dzoṱhe dza henefho tsini. Joshua a ri uyo muḓi u lozwiwe tshoṱhe, sa zwe a ita Egiloni. A hu na we a siwa a tshi tshila afho muḓini.

JOSHUA 11:13

Hone Vhaisraele a vho ngo fhisa miḓi yo fhaṱwaho zwikwarani, we Joshua a fhisa ndi Hatsoro.

JOSHUA 11:15

Muṋe washu o vha o laya muḓinḓa wawe Mushe, Mushe a laya Joshua, Joshua a thetshelesa. Ho ngo siedza na tshithihi tshe Muṋe washu a laya Mushe.

JOSHUA 13:6

Hu katelwa na shango ḽoṱhe ḽa Vhasidoni, vhane vha dzula tshivhangani vhukati ha thavha dza Libanoni na Misirifotho Maimi. Vhathu vhoṱhe havho ndi ḓo vha thatha musi Vhaisraele vha tshi swika. U kovhekanye Vhaisraele iḽo shango nga mamvaṱe nga he nda u laya.

JOSHUA 21:44

Muṋe washu a ladza shango ḽavho ḽoṱhe, nga he a fulufhedzisa vhomakhulukuku wavho. Ho vha hu si na na muthihi wa maswina avho oṱhe we a vha a tshi kona u imedzana navho, ngauri Muṋe washu o vha kumedza maswina avho oṱhe.

JOSHUA 8:31

A i fhaṱa a tshi tevhedza ndayo dze Mushe muḓinḓa wa Muṋe washu a ṋea Vhaisraele, nga kuambele kwa Mulayo wa Mushe hu tshi pfi, “I vhe aḽiṱari yo fhaṱwaho nga matombo a songo vhaḓwaho nga musendo wa tsimbi.” Vha ṋekedza Muṋe washu zwiṱhavhelo zwa u fhisa khayo, vha ṋekedza na nduvho dza u konana nae.

JOSHUA 8:8

Nó no thuba uyo muḓi ni u fhise nga mulilo, nga he Muṋe washu a ri laya. Ni ite nga u ralo.”

JOSHUA 9:24

Vhone vha fhindula vha ri, “Ro ita nga u ralo muṋe wanga, nge ra pfa uri vhukumakuma ndi ngoho uri Yahavee Mudzimu wavho o vhudza muḓinḓa wawe Mushe uri a ni ṋee shango ḽoṱhe, ni vhulahe vhathu vha no dzula khaḽo musi ni tshi swika. Ro vha ri tshi ni ofha, ro vha ri tshi ofha uri ri ḓo fa, ndi zwe ra ita nga u ralo.