JOSHUA 10:5 - BIVHILI KHETHWA Mafhungo Madifha

⁵ Mahosi hayo maṱanu a Vhaamori – a Jerusalema na Hebroni na Jaramuthu na Lakhishi na Egiloni – vha ṱanganya mmbi dzavho, vha tanga muḓi wa Gibioni, vha u dia.

JOSHUA 10:5 Iomraidhean Croise

GENESI 15:16

Hu ḓo ri kha murafho wa vhuṋa, vhaḓuhulu vhau vha vhuelela henefhano, ngauri hezwino Vhaamori a vha athu khunyeledza vhuvhi havho.”

JEREMIA 34:7

musi mmbi ya khosi ya Babele i tshi khou dia muḓi wa Jerusalema na miṅwe miḓi ya Juda ye ya vha i tshi kha ḓi lwa, ndi Lakhishi na Azeka. Heyo miḓi mivhili ndi yone fhedzi yo tangedzwaho nga mitsheṱo ye ya vha yo sala kha ḽa Juda.

NUMERI 13:29

Negeve hu dzula Vhaamaleke, zwivhangani hu dzula Vhahithi na Vhajebusi na Vhaamori; tsini ha Lwanzhe lwa Phandamashango, na u tsa na mulambo wa Jorodani, hu dzula Vhakanana.”

JOSHUA 10:16

Mahosi maṱanu a Vhaamori o vha o ponyoka a shavha, vha yo dzumbama bakoni ḽa Makeda.

JOSHUA 10:6

Vhanna vha Gibioni vha isa fhungo ha Joshua mishashani ya Giligala vha ri, “Vha songo ri laṱa muṋe wanga! Nga vha ṱavhanye vha ḓe vha ri phalale! Nga vha ri lamulele! Mahosi oṱhe a Vhaamori a no dzula mivhunduni vho ṱanganya mmbi dzavho, vho ḓa u ri dia!”

1 SAMUELE 7:14

Miḓi yoṱhe ye Vhafilista vha vha vho dzhiela Vhaisraele ya dovha ya dzhiululwa nga Vhaisraele, u bva Ekroni u swika Gathi. Vhaisraele vha dzhiulula shango ḽavho ḽoṱhe ḽe ḽa vha ḽo dzhiwa nga Vhafilista. Na Vhaamori vho vha vha si tsha lwa na Vhaisraele.