JOSHUA 10:40 - BIVHILI KHETHWA Mafhungo Madifha

⁴⁰ Joshua a kunda shango ḽoṱhe. O kunda mahosi a mivhunduni na Negeve na midavhini i re tsini ha lwanzhe na midavhini ya vhubvaḓuvha. Ho ngo sia na muthihi a tshi tshila, vhoṱhe vho vhulawa. Hezwo ndi zwe Muṋe washu Mudzimu wa Israele a laya.

JOSHUA 10:40 Iomraidhean Croise

1 MAHOSI 15:29

Hezwi a tshi tou thoma u vhusa, a vhulaha vha nnḓu ya Jerobiamu vhoṱhe. Ho ngo siela Jerobiamu na muthihi zwawe we a sala a tshi tshila, o vha lozwa vhoṱhe, zwi tshi tevhedza ipfi ḽe Muṋe washu a ḽi amba nga mulomo wa muḓinḓa wawe, muporofita Ahia wa Shilo.

NEHEMIA 9:24

Vhana vhavho vha dzhia shango ḽa Kanana, Iwe wa kunda vhathu vha dzulaho henefho, wa ṋea vhathu vhau maanḓa a u ita zwine vha funa nga vhathu na mahosi a Kanana.

DZIPHISALEMA 9:17

Vhavhi vhoṱhe vha ḓo tsetsa vha guma nga vhudzulavhafu, khathihi na tshakha dzoṱhe dzine dza hangwa Mudzimu.

EKISODA 34:12

Ni songo vhuya na vhofha mulanga na vhathu vha shango ḽine na khou ya khaḽo, ngauri itsho tshi nga ḓo vha tshikwekwe tshine tsha ḓo ni fasha.

NUMERI 13:17

Mushe a tshi vha ruma u yo tandula shango ḽa Kanana a vha vhudza a ri, “Ni tshi bva fhano ni livhe devhula ni dzhene Negeve, ni konou livha mivhunduni.

DOTORONOMIO 1:7

Takuwani ni fare lwendo lwa u ya thavhani dza Vhaamori na thungo dza tshakha dzo ṋekanaho masakha navho, vha no dzula govhani ḽa Jorodani na dzithavhani na zwigodini na Negeve na tsini ha lwanzhe – shango ḽoṱhe ḽa Kanana khathihi na Libanoni, u swika mulamboni muhulu wa Yufuratha.

DOTORONOMIO 2:34

ra dzhia miḓi yawe yoṱhe nga tshifhinga tshenetsho, miḓi yoṱhe ra i kumedza Muṋe washu nga u i thutha, ra si litshe na munna na muthihi kana musadzi kana ṅwana á songo vhulawa.

DOTORONOMIO 7:24

U ḓo ni kumedza na mahosi avho na vha vhulaha, madzina avho a sala a si tsha pfala fhano fhasi. A hu na muthu ane a ḓo imedzana na inwi, ni ḓo vha fhedza vhoṱhe.

JOSHUA 10:35

Vha u thuba musi wonoyo, vha vhulaha vhathu vhoṱhe vha henefho, sa zwe vha ita Lakhishi.

JOSHUA 10:37

vha u thuba. Vha vhulaha khosi na vhathu vhoṱhe afho muḓini na ḓoroboni dzoṱhe dza henefho tsini. Joshua a ri uyo muḓi u lozwiwe tshoṱhe, sa zwe a ita Egiloni. A hu na we a siwa a tshi tshila afho muḓini.

JOSHUA 10:39

A u thuba na khosi yawo khathihi na ḓorobo dza henefho tsini. Vho vhulaha vhathu vhoṱhe henefho. Joshua a ita Debiri na khosi yawo zwe a ita Hebroni na Libina na khosi yawo.

JOSHUA 11:16

Joshua o thuba shango ḽoṱhe, shango ḽa mivhunduni na Negeve, na dzingu ḽoṱhe ḽa Gosheni khathihi na govha ḽa Jorodani.

JOSHUA 12:8

Mukovhe hoyo wo vha u tshi angaredza na shango ḽa mivhundu na midavhini i re tsini ha lwanzhe na govha ḽa Jorodani na midavhi yaḽo na Negeve. Shango heḽo ḽo vha ḽi tshi dzula Vhahithi na Vhaamori na Vhakanana na Vhapherisi na Vhahivi na Vhajebusi.

JOSHUA 18:21

Miḓi ya miṱa ya tsinde ḽa Benyamini yo vha i Jerikho na Bethe Hogola na Govha ḽa Ketsitsi

JOSHUA 6:17

Uyu muḓi na zwoṱhe zwi re ngomu hawo zwo fanela u lozwiwa tshoṱhe, zwi vhe nduvho ya Muṋe washu. Hu sale Rahaba wa phombwe na muṱa wawe fhedzi, nge a dzumba ṱholi dzashu.

JOSHUA 8:2

U ite muḓi wa Ai na khosi yawo zwenezwiḽa zwe wa ita muḓi wa Jerikho na khosi yawo, hone zwino, ni nga ḓi dzhia thundu dzawo na zwifuwo zwa vha zwaṋu. Ḓilugiseni uri ni lalele muḓi uyo vhá songo vhuya vha humbula, ni vha ḓe nga murahu.”

JOSHUA 8:27

Hone kholomo na thundu zwe zwa thubiwa henefho muḓini, Vhaisraele vho zwi dzhia nga he Muṋe washu a laya Joshua.

JOSHUA 9:24

Vhone vha fhindula vha ri, “Ro ita nga u ralo muṋe wanga, nge ra pfa uri vhukumakuma ndi ngoho uri Yahavee Mudzimu wavho o vhudza muḓinḓa wawe Mushe uri a ni ṋee shango ḽoṱhe, ni vhulahe vhathu vha no dzula khaḽo musi ni tshi swika. Ro vha ri tshi ni ofha, ro vha ri tshi ofha uri ri ḓo fa, ndi zwe ra ita nga u ralo.