JOSHUA 10:26 - BIVHILI KHETHWA Mafhungo Madifha

²⁶ Ndi hone Joshua a tshi vhulaha ayo mahosi maṱanu a tou vha nembeledza kha miri miṱanu, vha litsha zwitumbu zwavho henefho ḽa vhuya ḽa kovhela.

JOSHUA 10:26 Iomraidhean Croise

2 SAMUELE 21:6

Nga vha ri kumedze vhaḓuhulu vhawe vhaṱanu na vhavhili vha vhanna ri vha vhulahe, ri vha ṱane phanḓa ha Muṋe washu ngei Gibia muḓini wa Saulo, we a vha o nangwa nga Muṋe washu uri a vhe khosi.” Khosi ya fhindula ya ri, “Ndi ḓo ni kumedza vhone.”

2 SAMUELE 21:9

Dafita a vha kumedza Vhagibioni, vha vha vhulaha, vha vha ṱana tshikwarani phanḓa ha Muṋe washu. Vhoṱhe vhaṱanu na vhavhili vha fa, vhó vhulawa musi khaṋo ya bali i tshi thoma.

ESTERE 2:23

Mafhungo ayo a ṱoḓeseswa, ha wanala uri ndi ngoho, magota ayo mavhili a iswa thamboni. Mafhungo ayo oṱhe a ṅwalwa buguni dza muvhuso khosi i tshi zwi vhona.

DZIPHISALEMA 149:7

Ene u lifhedza dzitshakha, a laṱisa vhathu,

DZIPHISALEMA 18:41

Vho ṱavha mukosi vha shaya mulamuleli, vha vhidzelela Muṋe washu a si vha aravhe,

NUMERI 25:4

a vhudza Mushe a ri, “Dzhia vharangaphanḓa vhoṱhe vha Israele, u ite zwine nda u vhudza, u vha vhulahe u vha vhambe masiari tshivhangalala, ndi hone ndi si tsha ḓo sinyutshela Vhaisraele.”

MATIOSI 27:25

Vhathu vhoṱhe vha fhindula vha ri, “Mulandu wa malofha awe nga u vhe washu na vhana vhashu!”

JOHANISI 19:31

Majuda vha humbela Pilato uri vhathu vho vhambiwaho vha vunḓiwe milenzhe uri zwitumbu zwi ḓo kona u tsiswa kha zwifhambano. U vhuya vha ralo ndi uri ḽo vha ḽi tshi ḓo vuwa ḽi Sabatha, zwino vha tshi ofha uri zwitumbu zwi nga ḓo ṱwa zwifhambanoni ngayo, vhunga Sabatha yeneyo yo vha i khulwane.

VHAGALATA 3:13

Hone Khristo Ene o ri rengulula kha u teketelwa he ra ḓiovhela nga u kundwa u khunyeledza Mulayo, a vha muteketelwa nga mulandu washu. Maṅwalo na one a ri, “Ane a vhuya a tou nembeledzwa kha thanda, o teketelwa.”

JOSHUA 8:29

Joshua a nembeledza khosi ya Ai murini, a litsha tshitumbu tshawe henefho ḽa vhuya ḽa kovhela, a konou ri tshitumbu tshi ṱuwisiwe, tsha kudzwa fhasi muṋangoni wa khoro ya muḓi. Vha khokha matombo khatsho a ita thulwi khulu, na ṋamusi i tshee hone.

VHARANGAPHANḒA 8:21

Zeba na Tsalimunna vha vhudza Gidioni vha ri, “Nga vha ḓe vha ri vhulahe vhone vhaṋe. Munna u na nungo dza munna.” Ndi hone Gidioni a tshi takuwa a vha vhulaha, a bvula vhukunda ha musuku he ha vha vhu mitsingani ya gamela dzavho.

1 SAMUELE 15:33

Huno Samuele a ri, “Pfumo ḽau ḽo ṱangula vhasadzi vha sala vha si na vhana; na mme au u ḓo sala a si na ṅwana.” Samuele a remekanya Agaga nga banga phanḓa ha Muṋe washu henefho Giligala.