JOSHUA 10:20 - BIVHILI KHETHWA Mafhungo Madifha

²⁰ Joshua na vhanna vha Israele vha vha vhulaha lu ofhisaho, ha ponyoka vha si gathi, vha shavhela ngomu mitsheṱoni ya muḓi wavho vha si vhulawe.

JOSHUA 10:20 Iomraidhean Croise

2 SAMUELE 20:6

Dafita a vhudza Abishai a ri, “Zwino Sheba ṅwana wa Bikhiri u ḓo ri ita zwo vhifhaho u fhira zwe ra itwa nga Abisalomo. Dzhiani vhanna vha mu londe, a sa ḓo wana miḓi i re na mitsheṱo a ri ponyoka a shavha.”

1 MAHOSI 20:21

Khosi ya Israele a swika a kunda mmbi ya dzibere na dzigariki, a tshinyadza Vhaaramu zwihulu.

2 KORONIKA 13:17

Abia na vhanna vhe a vha e navho vha kunda mmbi ya Israele, ha vhulawa vhanna vha Israele vha 500 000, vhone vhomakone.

JEREMIA 4:5

Zwi ḓivhadzeni Juda, ni zwi ṱavhele mukosi Jerusalema! Lidzani phalaphala shangoni ḽoṱhe! Ṱavhani mukosi zwi pfale ni ri, “Kuvhanganani! Kha ri shavhele miḓini hu re na vhudzumbamo!”

JEREMIA 8:14

“Vha ri, ‘Ri tshee ro dzulelani fhano? Nga ri kuvhangane ri shavhele miḓini i re na vhukhudo, ri yo lovhela hone! Hufha Mudzimu Muṋe washu o ita uri ri lovhe, o ri ṋea maḓi a re na mulimo uri ri nwe, nge ra mu khakhela.

DOTORONOMIO 20:16

Miḓi ya tshakha idzi ine Muṋe washu Mudzimu waṋu a ni ṋea uri i vhe yaṋu, khayo ni songo litsha tshithu na si vhulahe,

JOSHUA 10:10

Muṋe washu a ita uri Vhaamori vha tshi vhona mmbi ya Vhaisraele vha farwe nga nyofho. Vhaisraele vha vhulaha vhanzhi henefho Gibioni, vha vha pandamedza nga phara ya thavha ya Bethe Horoni, vha ḓi vha pandamedza vha sa vha litshi u vhuya u swika tshipembe Azeka na Makeda.

JOSHUA 10:19

hone inwi ni songo dzula hone. Ni pandamedze maswina, ni vha wele nga murahu; ni songo vha litsha vha dzhena miḓini yavho! Muṋe washu Mudzimu waṋu o vha kumedza zwanḓani zwaṋu.”

JOSHUA 10:21

Vhanna vhoṱhe vha Joshua vha humela khae mishashani ya Makeda hu si na o huvhalaho. Ho vha hu si na na muthihi afho shangoni we a vha a tshi nga fanywa u amba ḽivhi nga Vhaisraele.

JOSHUA 11:12

Joshua a thuba miḓi yoṱhe heyo na mahosi ayo, a tshi vhulaha vhathu vhoṱhe, nga he Mushe muḓinḓa wa Muṋe washu a laya.

JOSHUA 11:8

Muṋe washu a vha kumedza zwanḓani zwa Vhaisraele vha vha kunda; Vhaisraele vha vha wela, vha vha pandamedza vha vha swikisa devhula Misirifotho Maimi na Sidoni, thungo ya vhubvaḓuvha vha vha swikisa govhani ḽa Mitsipha. Iyo nndwa ya lwiwa u swika hu si tshee na na muthihi wa maswina o salaho a tshi khou tshila.

JOSHUA 8:24

Vhaisraele vho pandamedzelwaho phangani vha vhulaha maswina oṱhe henefhaḽa phangani he vha pandamedzelwa hone, vha konou humela Ai, vha vhulaha vhoṱhe vho salaho.