JOSHUA 10:11 - BIVHILI KHETHWA Mafhungo Madifha

¹¹ Musi Vhaamori vha tshi khou gidima vha tshi tsa nga phara vha tshi shavha mmbi ya Vhaisraele, Muṋe washu a vha ruthutha nga matombo mahulu a tshifhango u vhuya u swika Azeka. Vho vhulawaho nga matombo a tshifhango vho fhira vho vhulawaho nga Vhaisraele.

JOSHUA 10:11 Iomraidhean Croise

GENESI 19:24

Muṋe washu a nisela Sodoma na Gomora tsevhela i fhisaho i tshi bva ha Muṋe washu ṱaḓulu.

2 SAMUELE 18:8

Nndwa ya angaredza shango ḽeneḽo ḽoṱhe, musi wonoyo vho vhulawaho nga mupo vha fhira vho vhulawaho nga pfumo.

JOBO 38:22

Wo no vhuya wa dzhena tshisikuni tsha gabugu, kana wa vhona ḓulu ḽa tshifhango?

JOBO 38:23

Ndo zwi vhulungela musi wa khombo, maḓuvha a govholano na nndwa.

DZIPHISALEMA 11:6

Vhavhi u ḓo vha nisela masimbe a dugaho na tsevhela, mukovhe wavho ndi ḓumbu ḽi fhisaho shango.

DZIPHISALEMA 147:17

a nisa tshifhango tsha nga thombwana; ndi nnyi ane a nga konḓelela phepho yawe?

YESAYA 28:2

Muṋe wa zwoṱhe u khou ruma muhali wa maanḓa. U nga ḓumbu ḽa tshifhango, u nga muya u thuthaho, u nga mikumbela ya mvula i no kumba zwoṱhe, u ḓo u khurumedza wa wela fhasi.

YESAYA 28:21

Muṋe washu u ḓo lwa unga thavhani ya Pheratsimu, u ḓo sinyuwa unga govhani ḽa Gibioni, uri a ite zwine a ṱoḓa u ita – mishumo i sa ḓihwi nga muthu; u ḓo ṱhaphudza mushumo wawe – mushumo u sa ṱalukanywi nga muthu.

YESAYA 30:30

Muṋe washu u ḓo pfadza ipfi ḽawe ḽa maanḓa nga mbiti dzi fuḓaho na mulilo u fhisaho, na nga mikumbela ya maḓi na mibvumo na tshifhango.

ESEKIELE 13:11

Vhudza vhafhomi havho u ri, ‘Hu ḓo na mvula khulu, hu ḓo wa tshifhango, hu ḓo ḓa ḓumbu,

DOTORONOMIO 20:4

Muṋe washu Mudzimu waṋu u a ni fhelekedza uri a ni lwele a tshi lwa na maswina aṋu, u ḓo ita uri ni kunde.’

NZUMBULULO 11:19

Ndi hone nnḓu ya Mudzimu ngei ṱaḓulu i tshi vulwa, henefho nḓuni ha vhonala mbulungelo ya mulanga, ha vha na mavhengevhenge a dziphenyo na ngindi-ngindi ya mibvumo na mudzinginyo wa shango na tshifhango tshihulu.

NZUMBULULO 16:21

Vhathu vha welwa nga matombo mahulu a tshifhango a tshi bva lutomboni, ane ḽiṅwe na ḽiṅwe ḽao ḽa lemela khilogiramu dza 50. Vha sema Mudzimu nge vha welwa nga dambulo heḽo ḽa tshifhango, ngauri ḽo vha ḽi tshi ofhisa vhukuma.

VHARANGAPHANḒA 5:20

Ṋaledzi dzo lwa dzi lutomboni, dzo tshimbila nḓilani dzadzo dza lwa na Sisera.