JOSHUA 1:9 - BIVHILI KHETHWA Mafhungo Madifha

⁹ Asizwo-ha, ndo u vhudza nda ri u vhe na nungo u ime wo khwaṱha! U songo ofha tshithu, u songo kulea nungo, Nṋe Yahavee Mudzimu wau ndi na iwe hoṱhe-hoṱhe hune wa ya.”

JOSHUA 1:9 Iomraidhean Croise

GENESI 28:15

Nṋe ndi na iwe, ndi ḓo u londola hoṱhe hune wa ya, nda u vhuisa shangoni heḽino. A thi nga u litshi; ndi ḓo vhuya nda khunyeledza zwe nda u fulufhedzisa.”

GENESI 39:2

Muṋe washu o vha e na Josefa, zwa mu nakela, a dzula muṱani wa muṋe wawe wa Muegipita.

GENESI 39:3

Muṋe wawe a zwi vhona uri Muṋe washu u nae, na u vhona uri Muṋe washu u mu nakisela zwoṱhe zwine a ita,

2 SAMUELE 13:28

Abisalomo a laya vhanna vhawe a ri, “Thetshelesani! Musi Amunoni o fura waini o takala, nda ni vhudza nda ri, ‘Vhulahani Amunoni!’ zwenezwo ni mbo ḓi mu vhulaha. Ni songo ofha tshithu, hufha no laiwa nga nṋe. Imani no khwaṱha.”

1 KORONIKA 28:20

Khosi Dafita a vhudza ṅwana wawe Solomoni a ri, “Khwaṱhani, ni vhe na nungo, ni shume mushumo hoyo. Ni songo ofha, ni songo kulea nungo; Mudzimu Muṋe washu Mudzimu wanga u na inwi. A nga si ni laṱedze, a nga si ni ṱutshele ha vhuya ha vuledzea mushumo woṱhe wa thembele ya Muṋe washu.

2 KORONIKA 15:7

Hone inwi ni khwaṱhe, ni songo kulea nungo, ngauri ni ḓo wana pfufho ya mushumo waṋu.”

DZIPHISALEMA 46:7

Muṋe washu Mudzimu Mulangazwoṱhe u na riṋe, Mudzimu wa Jakopo ndi Ene dzhavhelo ḽashu.

YESAYA 41:10

Ni songo ofha, ndi na inwi; ndi Mudzimu waṋu, ni songo ḽa mbilu; ndi ḓo ni ṋea nungo nda ni farisa, ndi ḓo ni tika nga tshanḓa tshanga tsha maanḓa.

YESAYA 43:1

Iwe Jakopo, Muṋe washu we a u sika u khou amba; iwe Israele, Muvhumbi wau u ri, “U songo ofha, ndi ḓo u lamukisa; ndo u vhidza nga dzina, u wanga!

YESAYA 43:5

“U songo ofha, ndi na iwe; ndi ḓo kuvhanganya vhana vhau vhubvaḓuvha na vhukovhela nda vha vhuisa hayani.

YESAYA 8:12

“Zwoṱhe zwine avha vhathu vha ri ndi tshimbevha, inwi ni songo ri ndi tshimbevha; zwine vha zwi ofha inwi ni songo zwi ofha na zwi tetemela.

DANIELE 10:19

a ri, “U songo ofha, mufunwa-nga-Mudzimu, mulalo u vhe na iwe, ivha munna, khwaṱha!” A tshi khou amba na nṋe nda pfa ndo khwaṱha nda dovha nda ri, “Amba muṋe wanga, ndo no vha na nungo.”

HAGAI 2:4

Hone zwino, iwe Zerubabele, u songo kulea nungo,’ hu amba Yahavee. ‘Iwe Joshua tshifhe muhulu ṅwana wa Jehotsadaka, u songo kulea nungo. Noṱhe inwi vhathu vha shango ni songo kulea nungo, shumani,’ hu amba Yahavee. U ri, ‘Nṋe ndi na inwi,’ hu amba Yahavee Mulangazwoṱhe.

HAGAI 2:5

‘Musi ni tshi pfuluwa Egipita ndo ni fulufhedzisa uri ndi ḓo ni fhelekedza. Na ṋamusi Muya wanga u tshee na inwi. Ni songo ofha tshithu.’

MISHUMO 4:19

Pitrosi na Johanisi vhone vha fhindula vha ri, “Ambani! Tshi re tshone phanḓa ha Mudzimu ndi tshifhio? Ndi u pfa inwi kana ndi u pfa Mudzimu?

DOTORONOMIO 1:21

Asizwo-ha, Muṋe washu Mudzimu waṋu u khou ni ṋea shango, gonyani-ha ni ḽi dzhie ḽi vhe ḽaṋu, nga he Muṋe washu Mudzimu wa vhomakhulukuku waṋu a ni vhudza; ni songo ofha, ni songo timatima.’

DOTORONOMIO 20:1

“Musi ni tshi bva pfumo ni tshi yo lwa na maswina aṋu, na vhona uri vha na bere na gariki dza nndwa, nahone vha a ni fhira nga u anda, ni songo vha ofha, hufha Muṋe washu Mudzimu waṋu e na inwi, ndi Ene we a ni pfulusa shangoni ḽa Egipita.

DOTORONOMIO 31:23

Ndi hone Muṋe washu a tshi laya Joshua ṅwana wa Nunu a ri, “Ndi iwe ane wa ḓo ranga Vhaisraele phanḓa wa vha swikisa shangoni ḽe nda vha fulufhedzisa; ima-ha u khwaṱhe, Nṋe muṋe ndi ḓo vha na iwe!”

DOTORONOMIO 31:28

Ndi zwone, rambani vhahulwane vhoṱhe vha matsinde aṋu na vharangaphanḓa vhaṋu ndi kone u vha vhudza mafhungo aya ndi vha vhudze uri ḽiṱaḓulu na ḽifhasi ndi ṱhanzi dzanga,

JOSHUA 1:10

Ndi hone Joshua a tshi vhudza vhakoma

JOSHUA 1:17

Ri ḓo vha thetshelesa unga ro vha ri tshi ḓi thetshelesa Mushe. Ri ri ngavhe Muṋe washu Mudzimu wavho a tshi vha navho unga o vha e na Mushe!

JOSHUA 1:18

Muthu ane a vha vhangisa kana a nyadza zwine vha ri vhudza u ḓo vhulawa. Vhone nga vha vhe na nungo vha ime vho khwaṱha!”

JOSHUA 10:25

Joshua a konou vhudza vhahulwane vhawe a ri, “Ni songo ofha, ni songo kulea nungo. Ivhani na nungo ni ime no khwaṱha, ngauri hezwo ndi zwine Muṋe washu a ḓo ita maswina oṱhe ane a lwa na inwi.”

JOSHUA 10:8

Muṋe washu a vhudza Joshua ri, “U songo vha ofha. Ndo no ḓi vha kumedza zwanḓani zwau. A hu na na muthihi wavho ane a ḓo kona u imedzana na iwe.”

JOSHUA 3:7

Muṋe washu a vhudza Joshua a ri, “Ṋamusi ndi ḓo thoma u u hulisa Vhaisraele vhoṱhe vha tshi zwi vhona, ndi hone vha tshi ḓo zwi ḓivha uri ndi na iwe sa zwe nda vha ndi na Mushe.

JOSHUA 6:27

Muṋe washu o vha e na Joshua, bvumo ḽawe ḽa pfala shangoni ḽoṱhe.

JOSHUA 8:1

Muṋe washu a vhudza Joshua a ri, “Dzhia vhahali vhoṱhe u gonye navho muḓini wa Ai. U songo ofha tshithu, u songo kulea nungo. Ndo u kumedza khosi ya Ai na vhathu vhayo na muḓi wayo na shango ḽayo.

VHARANGAPHANḒA 6:14

Ndi hone Muṋe washu a tshi mu lavhelesa a mu vhudza a ri, “Ṱuwa nga nungo dzau khulu dzine wa vha nadzo, u lamukise Vhaisraele zwanḓani zwa Vhamidiani. U ruṅwa nga Nṋe.”

1 SAMUELE 10:7

Musi zwiga izwo zwo no khunyelela, ni ite zwine na vhona zwi tshi ṱoḓea, ngauri Mudzimu u na inwi.