JOSHUA 1:8 - BIVHILI KHETHWA Mafhungo Madifha

⁸ U ite uri misi yoṱhe ni tshi nnduvha bugu ya mulayo i vhalwe. I gude vhusiku na masiari, u vhone uri u tevhedze zwoṱhe zwo ṅwalwaho khayo. Ndi hone zwi tshi ḓo u nakela wa zwi kona.

JOSHUA 1:8 Iomraidhean Croise

GENESI 24:63

Muṅwe musi nga madekwana a vha a tshi khou ḓitshimbilela zwawe. A tshi posa maṱo a vhona gamela dzi tshi khou swika.

2 KORONIKA 26:5

O shumela Mudzimu misi Zakaria a tshi kha ḓi tshila, ndi ene we a vha a tshi mu laya uri a ofhe Mudzimu. Musi a tshi shumela Muṋe washu, Mudzimu o vha a tshi ita uri zwi mu nakele.

DZIPHISALEMA 119:11

Ipfi ḽau ndi ḓo ḽi vhulunga mbiluni yanga, uri ndi si vhuye nda u khakhela na kathihi.

DZIPHISALEMA 119:15

Ndi ḓo dzula ndi tshi elekanya ndaela dzau, nda sedza nḓila dzau.

DZIPHISALEMA 119:97

Mulayo wau ndi u funa hani! Ḓuvha ḽoṱhe ndi elekanya wone fhedzi.

DZIPHISALEMA 119:99

Ndi ṱalukanya u fhira vhafunzi vhanga vhoṱhe, nge nda dzula ndi tshi elekanya nyeletshedzo dzau.

DZIPHISALEMA 19:14

Zwine nda amba na zwine nda humbula nga zwi vhe zwi takadzaho Iwe Muṋe washu, bako ḽanga ḽa u khuda, Mulamuleli wanga.

DZIPHISALEMA 40:10

A tho ngo dzumba mafhungo a vhuvhuya hau mbiluni yanga; ndo bula nda ri, u a fulufhedzea, u a tshidza; vhathu vhau vhoṱhe vhó kuvhangana a tho ngo vha dzumbela vhuthu hau na u fulufhedzea hau.

MIRERO 3:1

Ṅwananga, u songo hangwa pfunzo yanga, mbilu yau nga i vhulunge ndayo dzanga;

YESAYA 59:21

Muṋe washu u ri, “A vha Nṋe, mulanga une nda vhofha na iwe ngoyu: Muya wanga a re kha inwi na maipfi anga e nda longa mulomoni wau, ha nga bvi mulomoni wau, na milomoni ya vhana vhau ha nga bvi, na milomoni ya vhana vha vhana vhau, lini na lini. Ho amba Nṋe Yahavee.”

MATIOSI 12:35

Muthu muvhuya u bvisa zwivhuya tshisikuni tsha mbilu yawe i re mbuya, muthu muvhi u ḓi bvisa-vho zwithu zwivhi tshisikuni tsha mbilu yawe mmbi.

MATIOSI 28:20

Ni vha gudise u tevhedza zwoṱhe zwe nda ni laya. Nṋe muṋe ndi ḓo vha na inwi misi yoṱhe u swika zwi tshi guma.”

MATIOSI 7:21

“A si uri vhoṱhe vhane vha tshi nnyamba vha ri, ‘Muṋe washu! Muṋe washu!’ vha ḓo dzhena muvhusoni wa Mudzimu, hu ḓo dzhena vhane vha ita zwine Khotsi anga wa ṱaḓulu a zwi funa.

MATIOSI 7:24

“Zwenezwo onoyo ane a pfa maipfi anga haya a ya a zwi ita, u fana na muthu wa vhuṱali ane a fhaṱa nnḓu yawe kha lutombo.

LUKASI 11:28

Yesu Ene a fhindula a ri, “Mashudu mahulwane a na onoyo muthu ane a ri u pfa ipfi ḽa Mudzimu a ita zwine ḽa amba.”

JOHANISI 13:17

Zwino vhunga ni tshi zwi ḓivha ni ḓo vha na mashudu arali ni tshi nga zwi ita.

JOHANISI 14:21

“Ane a ṱanganedza ndaela dzanga a dzi tevhedza ndi ene ane a mpfuna, huno ane a mpfuna, Khotsi anga u ḓo mu funa-vho. Na Nṋe ndi ḓo mu funa nda ḓidzumbululela ene.”

VHAEFESA 4:29

Hu songo tsha pfala maṱamba a tshi bva mulomoni waṋu, kha hu pfale maipfi a u farisa vhaṅwe ane a vha fhaṱa, a ḓisela vhathetshelesi mashudu.

DOTORONOMIO 29:8

ra dzhia mashango avho ra a kovhela matsinde a Rubeni na Gadi na iṅwe hafu ya tsinde ḽa Manase uri ḽi vhe ḽavho.

DOTORONOMIO 29:9

Vhulungani-ha milayo ya mulanga uyu ni i tevhedze, ndi hone zwoṱhe zwine na ita zwi tshi ḓo ni nakela.

DOTORONOMIO 30:14

Ipfi ḽi tsini-tsini na inwi, no no ḽi dzhenisa mbiluni, ni a kona u ḽi bula, hone ni fanela u ḽi tevhedza.

DOTORONOMIO 31:11

musi Vhaisraele vhoṱhe vha tshi ḓa u dalela Muṋe washu Mudzimu waṋu fhethu he a ḓinangela, ni vhale mulayo uyu Vhaisraele vhoṱhe vha tshi zwi pfa nga nḓevhe dzavho.

DOTORONOMIO 31:24

Musi Mushe o fhedza u ṅwala mafhungo oṱhe a mulayo uyu buguni,

DOTORONOMIO 5:1

Mushe a vhidza Vhaisraele vhoṱhe a vha vhudza a ri, “Hee inwi Vhaisraele, thetshelesani milayo na ndaela dzine nda khou ni laya ṋamusi ni tshi zwi pfa nga nḓevhe, ni zwi gude, ni zwi tevhedze, ni zwi khunyeledze.

DOTORONOMIO 5:29

Ngavhe vha tshi dzula vhe na muya wonoyo wa u nnyofha na u tevhedza ndaela dzanga misi yoṱhe, zwa ralo ndi hone vhone na vhana vhavho zwi tshi ḓo vha nakela lini na lini.

DOTORONOMIO 5:32

“Ndi zwone, ivhani na vhusedzi uri ni ite zwoṱhe zwe Muṋe washu Mudzimu waṋu a ni laya, ni songo pambutshela kha tshamonde kana tshauḽa.

VHAKOLOSA 3:16

Ipfi ḽa Khristo na lupfumo lwaḽo lwoṱhe kha ḽi fhaṱele kha inwi, ni vhe na vhuṱali ha u kona u funzana na u layana. Ni imbele Mudzimu dziphisalema na nyimbo dza u mu renda na dzine na funzwa nga Muya, ni tshi imba nga mbilu dzi livhuhaho.

JOSHUA 1:7

Ivha na nungo u ime wo khwaṱha tshoṱhe, u tevhedze ndayo dzoṱhe dze muḓinḓa wanga Mushe a u ṋea. U songo litsha kupiḓa na kuthihi kwadzo, ndi hone zwi tshi ḓo u nakela hoṱhe hune wa ya.

JOSHUA 8:34

Zwenezwo Joshua a vhala Mulayo woṱhe a tshi tou ambela nṱha, a tshi vhala a mashudu khathihi na a u teketela, nga he zwa ṅwalwa buguni ya Mulayo.

NZUMBULULO 22:14

“Mashudu ane a kuvha nguvho dzawe dza sala dzi si na tshika. Onoyo u ḓo vha na pfanelo ya u ḽa muri u ṋeaho vhutshilo na u dzhena muḓini uyo nga khoro.