JOSHUA 1:6 - BIVHILI KHETHWA Mafhungo Madifha

⁶ Ivha na nungo u ime wo khwaṱha, ndi iwe ane wa ḓo vha murangaphanḓa wa vhathu havha musi vha tshi dzhia shango ḽe nda fulufhedzisa vhomakhulukuku wavho uri ndi ḓo vha ṋea ḽone.

JOSHUA 1:6 Iomraidhean Croise

GENESI 12:7

hone Muṋe washu a ḓa ha Abramu a ri, “Shango heḽi ndi ḓo ḽi ṋea vhana vhau.” Henefho a fhaṱela Mune washu we a ḓa khae aḽiṱari.

GENESI 26:3

Dzula hafhano shangoni heḽi tshifhinganyana, Nṋe ndi ḓo vha na iwe nda u shudufhadza. Mashango haya oṱhe ndi ḓo a ṋea iwe na vhaḓuhulu vhau, nda khwaṱhisa muano we nda anela khotsi au Abrahamu.

2 SAMUELE 10:12

Khwaṱhani ri lwele vhathu vha hashu na miḓi ya Mudzimu washu ri sa ofhi. Muṋe washu u ḓo ita zwine a vhona zwi zwavhuḓi!”

1 MAHOSI 2:2

“Hu si kale ndi ḓo tevhela vhanzhi. Inwi ni vhe na nungo, ni vhonale ni munna,

1 KORONIKA 22:13

Arali ni tshi tevhedza ndayo na milayo ye Muṋe washu a i fha Mushe uri a fhe Vhaisraele na zwi vhulunga nga vhusedzi, ndi hone zwi tshi ḓo ni nakela. Khwaṱhani-ha, ni vhe na nungo. Ni songo ofha, ni songo kulea nungo.

1 KORONIKA 28:10

Elekanyani zwino, ngauri Muṋe washu o nanga inwi uri ni fhaṱe thembele khethwa. Ivhani na nungo, ni shume uyo mushumo.”

1 KORONIKA 28:20

Khosi Dafita a vhudza ṅwana wawe Solomoni a ri, “Khwaṱhani, ni vhe na nungo, ni shume mushumo hoyo. Ni songo ofha, ni songo kulea nungo; Mudzimu Muṋe washu Mudzimu wanga u na inwi. A nga si ni laṱedze, a nga si ni ṱutshele ha vhuya ha vuledzea mushumo woṱhe wa thembele ya Muṋe washu.

2 KORONIKA 15:7

Hone inwi ni khwaṱhe, ni songo kulea nungo, ngauri ni ḓo wana pfufho ya mushumo waṋu.”

2 KORONIKA 20:11

Vhona uri vha khou ri lifhedza hani nga u ḓa vha ri thatha shangoni ḽe wa ri ṋea uri ḽi vhe ḽashu.

2 KORONIKA 20:7

Yawee Mudzimu washu, ndi Iwe wo thathaho vhadzulapo vha ḽino shango u swikani ha vhathu vhau Vhaisraele, wa ḽi ṋea vhaḓuhulu vha Abrahamu khonani yau uri ḽi vhe ḽavho lini na lini.

DZIPHISALEMA 27:14

Lindela Muṋe washu, ima u khwaṱhe, u songo kulea nungo, lindela Muṋe washu!

DANIELE 10:19

a ri, “U songo ofha, mufunwa-nga-Mudzimu, mulalo u vhe na iwe, ivha munna, khwaṱha!” A tshi khou amba na nṋe nda pfa ndo khwaṱha nda dovha nda ri, “Amba muṋe wanga, ndo no vha na nungo.”

HAGAI 2:4

Hone zwino, iwe Zerubabele, u songo kulea nungo,’ hu amba Yahavee. ‘Iwe Joshua tshifhe muhulu ṅwana wa Jehotsadaka, u songo kulea nungo. Noṱhe inwi vhathu vha shango ni songo kulea nungo, shumani,’ hu amba Yahavee. U ri, ‘Nṋe ndi na inwi,’ hu amba Yahavee Mulangazwoṱhe.

ZAKARIA 8:9

Muṋe washu Mulangazwoṱhe u ri, “Inwi vhane zwino na khou pfa maipfi haya o ambiwaho nga vhaporofita musi hu tshi tewa muteo wa nnḓu ya Yahavee Mulangazwoṱhe, khwaṱhisani zwanḓa zwaṋu uri thembele i fhaṱiwe.

NUMERI 26:53

“Vha kovhele shango ḽi vhe ḽavho zwi tshi ya nga tshivhalo tshavho.

NUMERI 33:53

Ni dzhie iḽo shango ni dzule khaḽo, ngauri Nṋe ndi khou ni ṋea ḽone.

1 VHAKORINTA 16:13

Fhaṱuwani ni khwaṱhe kha lutendo, ni vhe na tshivhindi na nungo.

VHAEFESA 6:10

Ndi fhedza nga ḽa uri: ḓitikeni nga Muṋe washu na nga maanḓa awe mahulu.

DOTORONOMIO 1:21

Asizwo-ha, Muṋe washu Mudzimu waṋu u khou ni ṋea shango, gonyani-ha ni ḽi dzhie ḽi vhe ḽaṋu, nga he Muṋe washu Mudzimu wa vhomakhulukuku waṋu a ni vhudza; ni songo ofha, ni songo timatima.’

DOTORONOMIO 1:8

Shango heḽo ndo ni ṋea, iyani ni ḽi dzhie ḽi vhe ḽaṋu; Nṋe Yahavee ndo ḽi fulufhedzisa vhomakhulukuku waṋu Abrahamu na Isaka na Jakopo nda tou khwaṱhisa nga muano nda ri ndi ḓo ḽi ṋea vhone na vhaḓuhulu vhavho.’

DOTORONOMIO 11:8

“Ndi zwone, tevhedzani ndayo dzoṱhe dzine nda khou ni laya ṋamusi, ndi hone ni tshi ḓo vha na maanḓa, na dzhena shangoni ḽine na khou wetshela khaḽo zwino, na ḽi dzhia ḽa vha ḽaṋu,

DOTORONOMIO 31:23

Ndi hone Muṋe washu a tshi laya Joshua ṅwana wa Nunu a ri, “Ndi iwe ane wa ḓo ranga Vhaisraele phanḓa wa vha swikisa shangoni ḽe nda vha fulufhedzisa; ima-ha u khwaṱhe, Nṋe muṋe ndi ḓo vha na iwe!”

2 TIMOTI 2:1

Zwino-ha ṅwananga, khwaṱhiswani nga vhuthu he Mudzimu a ri itela nga Khristo Yesu.

JOSHUA 1:18

Muthu ane a vha vhangisa kana a nyadza zwine vha ri vhudza u ḓo vhulawa. Vhone nga vha vhe na nungo vha ime vho khwaṱha!”

JOSHUA 1:7

Ivha na nungo u ime wo khwaṱha tshoṱhe, u tevhedze ndayo dzoṱhe dze muḓinḓa wanga Mushe a u ṋea. U songo litsha kupiḓa na kuthihi kwadzo, ndi hone zwi tshi ḓo u nakela hoṱhe hune wa ya.

JOSHUA 1:9

Asizwo-ha, ndo u vhudza nda ri u vhe na nungo u ime wo khwaṱha! U songo ofha tshithu, u songo kulea nungo, Nṋe Yahavee Mudzimu wau ndi na iwe hoṱhe-hoṱhe hune wa ya.”

JOSHUA 10:25

Joshua a konou vhudza vhahulwane vhawe a ri, “Ni songo ofha, ni songo kulea nungo. Ivhani na nungo ni ime no khwaṱha, ngauri hezwo ndi zwine Muṋe washu a ḓo ita maswina oṱhe ane a lwa na inwi.”

JOSHUA 13:6

Hu katelwa na shango ḽoṱhe ḽa Vhasidoni, vhane vha dzula tshivhangani vhukati ha thavha dza Libanoni na Misirifotho Maimi. Vhathu vhoṱhe havho ndi ḓo vha thatha musi Vhaisraele vha tshi swika. U kovhekanye Vhaisraele iḽo shango nga mamvaṱe nga he nda u laya.

JOSHUA 18:3

Ndi hone Joshua a tshi amba na Vhaisraele a ri, “Ni ḓo lindela u swika lini ni sa dzheni na dzhia shango ḽe na ṋewa nga Muṋe washu Mudzimu wa vhomakhulukuku waṋu?

JOSHUA 21:43

Zwo tou ralo Muṋe washu a tshi ṋea Vhaisraele shango ḽoṱhe ḽe a vha o fulufhedzisa vhomakhulukuku wavho nga muano uri u ḓo vha ṋea. Huno vha ḽi dzhia, vha dzula henefho.

1 SAMUELE 4:9

Vhafilista, imani ni khwaṱhe! Ivhani vhanna ni sa ḓo vha phuli dza Vhaheberu unga vhone vho vha vhe phuli dzaṋu. Ivhani vhanna ni lwe!”