JOSHUA 1:5 - BIVHILI KHETHWA Mafhungo Madifha

⁵ A hu na ane a ḓo kona u imedzana na iwe vhutshilo hau hoṱhe. Ndi ḓo vha na iwe unga ndo vha ndi na Mushe. Ndi ḓo dzula ndi na iwe, ndi nga si vhuye nda u ṱutshela.

JOSHUA 1:5 Iomraidhean Croise

GENESI 39:2

Muṋe washu o vha e na Josefa, zwa mu nakela, a dzula muṱani wa muṋe wawe wa Muegipita.

1 MAHOSI 1:37

Vhunga Muṋe washu o vha e na thovhele muṋe wanga, ngavhe a tshi ḓi vha-vho na Solomoni, a ita uri muvhuso wawe u hule u fhira na wa muṋe wanga khosi Dafita!”

1 MAHOSI 11:38

Arali wa ita zwoṱhe zwine nda u laya, wa tshimbila nḓilani dzanga, wa ita zwi ntakadzaho nga u tevhedza ndayo dzanga na u vhulunga milayo yanga unga mukoma wanga Dafita, ndi ḓo vha na iwe. Ndi ḓo u fhaṱela muvhuso wa dzula u hone unga we nda fhaṱela Dafita, ndi ḓo u ṋea Israele.

1 MAHOSI 6:13

Ndi ḓo dzula na Vhaisraele, nda si ṱutshele vhathu vhanga Vhaisraele.”

1 MAHOSI 8:57

Ngavhe Muṋe washu Mudzimu washu a tshi vha na riṋe unga zwe a vha na vhokhotsi ashu, ngavhe a sa vhuyi a ri litsha kana a ri ṱutshela.

1 KORONIKA 28:20

Khosi Dafita a vhudza ṅwana wawe Solomoni a ri, “Khwaṱhani, ni vhe na nungo, ni shume mushumo hoyo. Ni songo ofha, ni songo kulea nungo; Mudzimu Muṋe washu Mudzimu wanga u na inwi. A nga si ni laṱedze, a nga si ni ṱutshele ha vhuya ha vuledzea mushumo woṱhe wa thembele ya Muṋe washu.

DZIPHISALEMA 46:11

Muṋe washu Mudzimu Mulangazwoṱhe u na riṋe, Mudzimu wa Jakopo ndi Ene dzhavhelo ḽashu.

EKISODA 3:12

Mudzimu a ri, “Ndi ḓo vha na iwe, tshiga tshine wa ḓo ḓivha ngatsho uri ndi Nṋe ndo u rumaho ngetshi: u ḓo ri wo no pfulusa vhathu Egipita, na ṋekedza Mudzimu nduvho thavhani heino.”

YESAYA 42:16

ndi ḓo endedza vhathu vhanga vha mabofu nḓilani ine vha sa i ḓivhe nda vha tshimbidza gondoni ḽe vha si ḽi ḓowele, nda vha shandukisela swiswi ḽa vha tshedza, hu sa tshimbilei nda ita uri hu tshimbilee. Hezwo ndi ḓo zwi ita, a thi nga litshi u zwi ita.

JEREMIA 1:8

U songo vhuya wa vha ofha, Nṋe ndi na iwe, ndi ḓo u lamukisa. Ho amba Nṋe Yahavee!”

DANIELE 11:16

Iyo khosi i ḓo ita zwine ya funa, a hu na ane a nga imedzana nayo. U ḓo ṱoka midzi henefho Shangoni ḽa vhugala, a vha na maanḓa a u ḽi phusukanya.

MATIOSI 28:20

Ni vha gudise u tevhedza zwoṱhe zwe nda ni laya. Nṋe muṋe ndi ḓo vha na inwi misi yoṱhe u swika zwi tshi guma.”

VHAROMA 8:31

Zwino ri nga dovha ra ri mini? Arali Mudzimu a tshi ima na riṋe, ane a nga kha ḓi ri pikisa ndi nnyi?

VHAROMA 8:37

Naho zwo ralo hezwo zwoṱhe ro zwi kunda tshoṱhe nga we a ri funa.

DOTORONOMIO 20:1

“Musi ni tshi bva pfumo ni tshi yo lwa na maswina aṋu, na vhona uri vha na bere na gariki dza nndwa, nahone vha a ni fhira nga u anda, ni songo vha ofha, hufha Muṋe washu Mudzimu waṋu e na inwi, ndi Ene we a ni pfulusa shangoni ḽa Egipita.

DOTORONOMIO 20:4

Muṋe washu Mudzimu waṋu u a ni fhelekedza uri a ni lwele a tshi lwa na maswina aṋu, u ḓo ita uri ni kunde.’

DOTORONOMIO 31:23

Ndi hone Muṋe washu a tshi laya Joshua ṅwana wa Nunu a ri, “Ndi iwe ane wa ḓo ranga Vhaisraele phanḓa wa vha swikisa shangoni ḽe nda vha fulufhedzisa; ima-ha u khwaṱhe, Nṋe muṋe ndi ḓo vha na iwe!”

DOTORONOMIO 4:31

Nahone Muṋe washu Mudzimu waṋu ndi Mudzimu wa tshilidzi, ha nga ni ṱutsheli, ha nga ni lozwi tshoṱhe, ha nga hangwi zwe a anela vhomakhulukuku waṋu musi a tshi vhofha mulanga navho.

DOTORONOMIO 7:24

U ḓo ni kumedza na mahosi avho na vha vhulaha, madzina avho a sala a si tsha pfala fhano fhasi. A hu na muthu ane a ḓo imedzana na inwi, ni ḓo vha fhedza vhoṱhe.

2 TIMOTI 4:17

Tenda Muṋe washu o ima na nṋe a nṋea nungo nda konou ḓivhadza mafhungo maḓifha ndi sa siedzi, uri tshakha dzoṱhe dza vhannḓa dzi a pfe. Nda vhuya nda tou ponyokiswa mulomoni wa ndau.

VHAHEBERU 13:5

Ni songo tshilela tshelede; ni fushee nga zwenezwo zwine na vha nazwo; Mudzimu Ene muṋe o ri, “A thi nga u litshi, a thi nga u laṱedzi.”

JOSHUA 1:17

Ri ḓo vha thetshelesa unga ro vha ri tshi ḓi thetshelesa Mushe. Ri ri ngavhe Muṋe washu Mudzimu wavho a tshi vha navho unga o vha e na Mushe!

JOSHUA 1:9

Asizwo-ha, ndo u vhudza nda ri u vhe na nungo u ime wo khwaṱha! U songo ofha tshithu, u songo kulea nungo, Nṋe Yahavee Mudzimu wau ndi na iwe hoṱhe-hoṱhe hune wa ya.”

JOSHUA 10:8

Muṋe washu a vhudza Joshua ri, “U songo vha ofha. Ndo no ḓi vha kumedza zwanḓani zwau. A hu na na muthihi wavho ane a ḓo kona u imedzana na iwe.”

JOSHUA 21:44

Muṋe washu a ladza shango ḽavho ḽoṱhe, nga he a fulufhedzisa vhomakhulukuku wavho. Ho vha hu si na na muthihi wa maswina avho oṱhe we a vha a tshi kona u imedzana navho, ngauri Muṋe washu o vha kumedza maswina avho oṱhe.

JOSHUA 3:7

Muṋe washu a vhudza Joshua a ri, “Ṋamusi ndi ḓo thoma u u hulisa Vhaisraele vhoṱhe vha tshi zwi vhona, ndi hone vha tshi ḓo zwi ḓivha uri ndi na iwe sa zwe nda vha ndi na Mushe.

JOSHUA 6:27

Muṋe washu o vha e na Joshua, bvumo ḽawe ḽa pfala shangoni ḽoṱhe.

VHARANGAPHANḒA 2:18

Misi yoṱhe musi Muṋe washu a tshi ḓi ṋea Vhaisraele murangaphanḓa muswa, o vha a tshi ḓi mu farisa, a lamukisa vhathu kha maswina avho musi onoyo murangaphanḓa a tshi kha ḓi tshila. Muṋe washu o vha a tshi vha khathutshela, ngauri vho vha vha tshi gomela musi vha tshi tambula vha tshi kandeledzwa.

VHARANGAPHANḒA 6:16

Muṋe washu a mu fhindula a ri, “U ḓo kona u zwi ita ngauri Nṋe ndi ḓo u farisa. U ḓo pwashekanya Vhamidiani zwi sa u konḓeli, zwa tou nga u pwashekanya munna muthihi fhedzi.”

1 SAMUELE 10:7

Musi zwiga izwo zwo no khunyelela, ni ite zwine na vhona zwi tshi ṱoḓea, ngauri Mudzimu u na inwi.