JOSHUA 1:4 - BIVHILI KHETHWA Mafhungo Madifha

⁴ Mukano wa shango ḽaṋu thungo ya tshipembe u ḓo thoma phangani wa swika thavhani dza Libanoni thungo ya devhula; thungo ya vhubvaḓuvha u ḓo bva mulamboni muhulu wa Yufuratha, wa buḓekanya shango ḽa Vhahithi, u swika Lwanzheni lwa Phandamashango thungo ya vhukovhela.

JOSHUA 1:4 Iomraidhean Croise

1 MAHOSI 10:29

Vho vha vha tshi renga gariki nthihi i no bva Egipita nga mangwende a 600 a siliva, bere i tshi rengwa nga mangwende a 150 a siliva. Vho vha vha tshi ita na u dzi rengisela mahosi a Vhahithi na Vhaaramu.

1 MAHOSI 4:21

Solomoni o vha a tshi vhusa mivhuso yoṱhe u bva mulamboni wa Yufuratha u swika shangoni ḽa Vhafilista, u vhuya u swika masakhani a Egipita. Vhathu vha mashango hayo vho vha vha tshi thela muthelo, nahone vho vha vhalanda vha Solomoni vhutshilo hawe hoṱhe.

1 KORONIKA 18:3

Dafita a dovha a lwa na khosi Hadada Ezere wa Tsoba u vhuya u swika shangoni ḽa Hamathi, musi Hadada Ezere a tshi khou ya u dovha u luvhisa iḽo shango u navha na mulambo wa Yufuratha.

1 KORONIKA 5:9

Thungo ya vhubvaḓuvha vho vha vha tshi dzula shangoni ḽe ḽa vha ḽi tshi guma nga lumeme lwa phanga ye ya vha i tshi swika mulamboni wa Yufuratha, ngauri zwifuwo zwavho zwo vha zwo anda kha ḽa Giliadi.

ESRA 4:20

Jerusalema ho vhuya ha vha na mahosi a maanḓa a tshi vhusa ḽoṱhe ḽa Seli-ha-Yufuratha, a tshi thelisa vhathu mithelo na nduvho dza tshakha-tshakha.

EKISODA 23:31

Mikano ya shango ḽau ndi ḓo i vhea ya guma nga Lwanzhe lwa Dziṱhanga na lwanzhe lwa Vhafilista na phanga na mulambo wa Yufuratha. Ndi ḓo kumedza vhadzulapo vha iḽo shango zwanḓani zwau, wa vha pandela vha u shavha.

DOTORONOMIO 1:7

Takuwani ni fare lwendo lwa u ya thavhani dza Vhaamori na thungo dza tshakha dzo ṋekanaho masakha navho, vha no dzula govhani ḽa Jorodani na dzithavhani na zwigodini na Negeve na tsini ha lwanzhe – shango ḽoṱhe ḽa Kanana khathihi na Libanoni, u swika mulamboni muhulu wa Yufuratha.

DOTORONOMIO 11:24

Hoṱhe hune ṋayo dzaṋu dza kanda hu ḓo vha haṋu; masakha aṋu a ḓo guma nga phanga na Libanoni na mulambo wa Yufuratha, vhukovhela a guma nga Lwanzhe lwa Phandamashango.

DOTORONOMIO 3:25

A thi weli zwanga Jorodani nda vhona-vho shango ḽavhuḓi ḽi re seli na ḽiḽa, thavha hedzi dzavhuḓi nandi, na dza Libanoni?’

NZUMBULULO 9:14

ḽa amba na muruṅwa wa 6 o faraho phalaphala ḽa ri, “Vhofholola vhaḽa vharuṅwa vhaṋa vho vhoxwaho ngei mulamboni muhulu wa Yufuratha.”