JOSHUA 1:17 - BIVHILI KHETHWA Mafhungo Madifha

¹⁷ Ri ḓo vha thetshelesa unga ro vha ri tshi ḓi thetshelesa Mushe. Ri ri ngavhe Muṋe washu Mudzimu wavho a tshi vha navho unga o vha e na Mushe!

JOSHUA 1:17 Iomraidhean Croise

2 SAMUELE 14:17

Zwino ndi ri, ‘Ngavhe ipfi ḽa thovhele muṋe wanga ḽi tshi nthudza mbilu, ngauri thovhele muṋe wanga vha nga muruṅwa wa Mudzimu kha u ṱalukanya zwivhi na zwivhuya. Ngavhe Muṋe washu Mudzimu wavho a tshi vha navho.’ ”

1 MAHOSI 1:37

Vhunga Muṋe washu o vha e na thovhele muṋe wanga, ngavhe a tshi ḓi vha-vho na Solomoni, a ita uri muvhuso wawe u hule u fhira na wa muṋe wanga khosi Dafita!”

1 KORONIKA 28:20

Khosi Dafita a vhudza ṅwana wawe Solomoni a ri, “Khwaṱhani, ni vhe na nungo, ni shume mushumo hoyo. Ni songo ofha, ni songo kulea nungo; Mudzimu Muṋe washu Mudzimu wanga u na inwi. A nga si ni laṱedze, a nga si ni ṱutshele ha vhuya ha vuledzea mushumo woṱhe wa thembele ya Muṋe washu.

DZIPHISALEMA 20:1

Ngavhe Muṋe washu a tshi u aravha musi wa khombo, Dzina ḽa Mudzimu wa Jakopo nga ḽi vhe tshiṱangu tshau!

DZIPHISALEMA 20:4

Ngavhe a tshi u fha zwine mbilu yau ya tama, a vuledze zwoṱhe zwine wa funa u ita,

DZIPHISALEMA 20:9

Ṋea khosi gundo Muṋe washu, ri aravhe ḓuvha ri tshi u vhidzelela!

NUMERI 27:18

Muṋe washu a fhindula Mushe a ri, “Dzhia Joshua ṅwana wa Nunu, munna a na Muya wanga, u vhee zwanḓa zwau ṱhohoni yawe.

NUMERI 27:20

Iwe u mu kumedze maanḓa au uri vhathu vhoṱhe vha Israele vha mu thetshelese.

MATIOSI 21:9

Vhathu vhe vha vha vhe phanḓa hawe na vhe vha vha vhe murahu vha thoma u huvha mihuvho vha tshi ri, “Hosiana! Murwa' Dafita asuyu! Nga hu rendwe a ḓaho nga dzina ḽa Muṋe washu! Nga hu rendwe Waṱaḓuluṱaḓulu!”

DOTORONOMIO 34:9

Ndi hone Vhaisraele vha tshi thoma u thetshelesa Joshua ṅwana wa Nunu. O vha o ḓala muya wa vhuṱali, ngauri Mushe o vha o mu vhea zwanḓa; o tevhedza zwoṱhe zwe Muṋe washu a vha o laya Mushe.

JOSHUA 1:16

Vhone vha fhindula Joshua vha ri, “Ri ḓo ita zwoṱhe zwe vha ri vhudza; hoṱhe hune vha ri ruma ri ḓo ya.

JOSHUA 1:18

Muthu ane a vha vhangisa kana a nyadza zwine vha ri vhudza u ḓo vhulawa. Vhone nga vha vhe na nungo vha ime vho khwaṱha!”

JOSHUA 1:5

A hu na ane a ḓo kona u imedzana na iwe vhutshilo hau hoṱhe. Ndi ḓo vha na iwe unga ndo vha ndi na Mushe. Ndi ḓo dzula ndi na iwe, ndi nga si vhuye nda u ṱutshela.

JOSHUA 1:9

Asizwo-ha, ndo u vhudza nda ri u vhe na nungo u ime wo khwaṱha! U songo ofha tshithu, u songo kulea nungo, Nṋe Yahavee Mudzimu wau ndi na iwe hoṱhe-hoṱhe hune wa ya.”

JOSHUA 4:14

Zwe Muṋe washu a ita uyo musi zwo ita uri Vhaisraele vha vhone Joshua e munna muhulwane, vha mu hulisa vhutshilo hawe hoṱhe, zwa nga vha tshi hulisa Mushe.

1 SAMUELE 17:37

Muṋe washu we a nndamukisa kha shimba ḽa ndau na ḽa biara u ḓo nndamukisa zwanḓani zwa hoyu Mufilista.” Saulo a vhudza Dafita a ri, “Tshimbilani, Muṋe washu a vhe na inwi.”

1 SAMUELE 20:13

Hone arali khotsi anga vha tshi ṱoḓa u ni huvhadza, nṋe nda si ni ḓivhise, nda si ni ṋengise, izwo Muṋe washu ngavhe a tshi nṱungufhadza zwihulu. Ngavhe Muṋe washu a tshi vha na inwi u ḓi nga o vha na khotsi anga.