JOHANISI 9:7 - BIVHILI KHETHWA Mafhungo Madifha

⁷ a konou mu vhudza a ri, “Tshimbilani ni yo ṱamba khofheni ishani ḽa Silomu.” (Silomu ndi uri “Muḓinḓa”.) Ndi hone uyo munna a tshi ṱuwa a yo ṱamba khofheni, a vhuya a tshi vho vhona.

JOHANISI 9:7 Iomraidhean Croise

NEHEMIA 3:15

Shalumu ṅwana wa Kholohose, muvhusi wa dzingu ḽa Mitsipha, a vusa Khoro ya Tshisima. A fulela muṋango, a kwea dzigethe, a longa khoṋo na tswinga. Dzivhani ḽa Shela a fhaṱa mutsheṱo tsini ha tsimu ya musanda, u vhuya u swika zwiṱepisini zwine zwa tsela fhasi zwi tshi bva Muḓini wa Dafita.

DZIPHISALEMA 146:8

Muṋe washu u bonyolosa mabofu, Muṋe washu u vusa vho waho, Muṋe washu u funa vha fulufhedzeaho,

EKISODA 4:11

Muṋe washu a tshi mu fhindula a ri, “We a ṋea muthu mulomo wawe ndi nnyi? Ndi nnyi ane a mu ita uri a vhe tshimuma kana dzinganḓevhe, a mu ita uri a kone u vhona kana a mu litsha e bofu? A si Nṋe Yahavee naa?

YESAYA 32:3

Maṱo a vhane vha fanela u vhona ha tsha ḓo pofula, nḓevhe dza vhane vha fanela u pfa dzi vho ḓo thetshelesa.

YESAYA 35:5

Ndi hone mabofu a tshi ḓo kona u vhona, madzinganḓevhe a vho pfa,

YESAYA 42:7

wa swingulusa maṱo o swingaho, wa vhofholola vho farwaho, vho dzulaho swiswini wa vha bvisa dzhele.

YESAYA 43:8

Muṋe washu u ri, “Ḓisani vhathu vhanga khoroni; vha na maṱo, hone vho pofula; vha na nḓevhe, hone vho dzinga!

YESAYA 8:6

a ri, “Zwino avha vhathu vho lamba maḓi o dzikaho a no bva kudamboni kwa Silomu, vha takalela khosi Retsini na ṅwana wa Remalia,

MATIOSI 11:5

mabofu a vho vhona; zwihole zwi vho tshimbila; vha lwalaho lukanda vha khou fhodzwa; madzinganḓevhe a vho pfa; vhafu vha khou vuswa; vhashai vha khou funzwa mafhungo maḓifha.

LUKASI 13:4

Ni ri mini nga vhaḽa vha 18 vha Silomu vhe vha zhakiwa nga mutsheṱo wa vha vhulaha? Ni vhona unga ndi vhone vhe vha khakhela Mudzimu u fhira vhaṅwe vha dzulaho Jerusalema naa?

LUKASI 2:32

Ndi Ene tshedza tsha u vhonetshela na dziṅwe tshakha, tsha ṋea vhathu vhau vha Israele thendo.”

JOHANISI 10:36

Arali e Nṋe Khotsi o tou nta a nthuma shangoni. Zwino inwi ni nga amba hani na ri ndi tshi ri ndi Murwa wa Mudzimu ndi khou tamba nga Mudzimu?

JOHANISI 11:37

Hone vhaṅwe vha ri, “Hufha o swingulusa bofu! Zwino u thivhela lufu lwa Lazaro zwo mu kunda ngani?”

JOHANISI 9:11

A fhindula a ri, “Uḽa munna a no pfi Yesu o tou suka matope a nnḓodza kha maṱo a ri, ‘Tshimbilani ni yo ṱamba khofheni Silomu.’ Nangoho nṋe nda ya; ndi tshi tou fhedza u ṱamba nda wana ndi tshi vho kona u vhona.”

JOHANISI 9:39

Yesu a ri, “Tshe Nṋe nda ḓela tshone fhano shangoni ndi u haṱula; mabofu a ḓo swinguluwa; vha vhonaho vha ḓo pofula.”

MISHUMO 26:18

U vha bonyolose u vha bvise swiswini uri vha dzhene tshedzani, u vha bvise zwanḓani zwa Saṱhane vha luvhe Mudzimu, vha mpfulufhele vha hangwelwe vhutshinyi havho vha kone-vho u vha vhathihi na vhakhethwa vha Mudzimu.’

VHAROMA 8:3

Mudzimu o ita tshe Mulayo wa kundwa u ita nge muthu nga tsiko yawe a shaya nungo. O haṱula vhutshinyi nga u ruma Murwa wawe, uri a ḓe nga tshivhumbeo tsha muthu a vhuswaho nga vhutshinyi, a vhe tshipfumelo tsha vhutshinyi.

VHAGALATA 4:4

Hone musi tshifhinga tsho tiwaho tsho swika Mudzimu a konou ruma Murwa wawe, a bebwa nga mme a re muthu wa ṋama, u bva hanani hawe a ḓi vhuswa nga Mulayo,