JOHANISI 9:34 - BIVHILI KHETHWA Mafhungo Madifha

³⁴ Vha fhindula vha ri, “Inwi we na tou bebelwa vhutshinyini na alutshela khaho, riṋe ni nga vhuya na ri funza mini-vho.” U ralo vha mbo ḓi mu tumula tshivhidzoni.

JOHANISI 9:34 Iomraidhean Croise

JOHANISI 9:22

Vhabebi vhawe vha tshi vhuya vha ralo ndi uri vho vha vha tshi ofha vhahulwane vha Majuda, vhunga vhenevho vho vha vho no ḓi vhofha ḽa uri ane a vhuya a bula ḽa uri Yesu ndi Mesia u ḓo thathiwa sinagogoni yavho.

JOHANISI 9:2

Vhafunziwa vhawe vha mu vhudzisa vha ri, “Vhafunzi, uyu muthu a tshi bebwa e bofu, hu nga vha ho tshinya nnyi? Ho tshinya ene muṋe kana ho tshinya vhabebi vhawe?”

YESAYA 66:5

Ipfani ipfi ḽa Muṋe washu, inwi vhane na ri a tshi amba na tetemela; u ri, “Mashaka aṋu vha a ni vhenga, vha a ni ṱalula nge na vha vhanga, vha ni goḓa vha ri, ‘Nga hu rendwe Yahavee, a ni tonde, ri vhone ni tshi pembela!’ Vhenevho vha ḓo shona.

LUKASI 18:17

Zwino ipfani-ha: ane a si tende u vhusiwa nga Mudzimu unga ṅwana, ha nga dzheni muvhusoni wawe na kathihi.”

DZIPHISALEMA 51:5

Nṋe ndo bebwa ndi muvhi; mme anga a tshi nṱanganedza muvhilini ndo vha ndi tshi ḓi vha mukhakhi.

JOBO 25:4

Muthu wa ṋama a nga kona hani-ha u vha muvhuya maṱoni a Mudzimu? Muthu o bebwaho nga musadzi a nga vhuya a pfi ha na mulandu naa?

GENESI 19:9

Vhone vha ri, “Ibva nḓilani! Wo ḓa fhano u mutsinda, zwino u vho ḓiita khosi! Ri ḓo u ita zwi no fhira zwa havho!” Vha tshi ralo vha ḓi kombetshedza Loto, vha sendela vha tshi ri vha pwashe vothi.

NZUMBULULO 13:17

A si na luswayo holwo lwa dzina ḽa heḽo ḽivhanda kana nomboro ya dzina ḽaḽo a dzivhiswa u renga kana u rengisa.

3 JOHANISI 1:9

Ndo no ḓi ṅwalela tshivhidzo, hone Diotrefesi ha ṱanganedzi zwine ra amba ngauri u funa u vha ene muhulwane.

1 PITROSI 5:5

Na inwi vhaṱuku ni thetshelese vhakalaha na vhakegulu. Noṱhe kha u tshilisana haṋu ni ḓipute nga u ḓiṱukufhadza. Maṅwalo a ri, “Mudzimu u lwa na vhane vha ḓihudza, hone vhane vha ḓiṱukufhadza u vha itela vhuthu.”

VHAEFESA 2:3

Na riṋe roṱhe ro vha ri tshi nga vhenevho, ri tshi tshila nga u langwa nga nyemulo dza tsiko yashu mmbi, ri tshi ita zwine zwa takadza mivhili yashu na mbilu dzashu. Zwenezwo-ha zwo vha zwo fanela uri Mudzimu a ri rwe-vho nga ṱhamu yawe sa vhenevhaḽa.

VHAGALATA 2:15

Riṋe ro bebwa ri Majuda, a ri vhannḓa vhaitazwivhi.

JOHANISI 9:40

Vhaṅwe Vhafarisei vhe vha vha vhe nae henefho vha tshi pfa a tshi ralo vha ri, “Ni songo vha ni tshi khou ṱoḓa u ri na riṋe ri mabofu.”

JOHANISI 9:35

Yesu a zwi pfa uri vho tumula uyo munna tshivhidzoni. A tshi mu wana a mu vhudzisa a ri, “Nṋa Mubebwa-nga-muthu ni a mu fulufhela naa?”

JOHANISI 8:41

Inwi no tou dzhia khotsi aṋu.” Vha fhindula vha ri, “Riṋe a ro ngo bebwa nga vhupombwe; a ri na muṅwe khotsi arali e si Ene Mudzimu.”

JOHANISI 6:37

Muṅwe na muṅwe we Khotsi a nkumedza u ḓo ḓa kha Nṋe; ane a ḓa kha Nṋe a thi nga mu pandeli,

LUKASI 14:11

Ane a ḓihudza u ḓo ṱukufhadzwa, ane a ḓiṱukufhadza u ḓo huliswa.”

LUKASI 11:45

Zwenezwo muṅwe wa vhaḓivhi vha Mulayo a ri, “Vha a ḓivha vhafunzi, vha tshi ralo vha khou sema na riṋe?”

LUKASI 6:22

Ni na mashudu arali vhathu vha tshi ni vhenga, vha tshi ni landula, vha tshi ni sema, vha tshi ni shata tshika nge na vha vha Mubebwa-nga-muthu!

YESAYA 65:5

vha ri, ‘Ima kule! U songo sendela tsini hanga! Zwi a ila!’ “Vhathu vho raloho vha a ntsinyusa; ndi tshi vha vhona mbiti dzanga dzi nga mulilo une wa endela u duga ḓuvha ḽoṱhe.

MIRERO 29:1

Muthu a no ri u kaidzwa lunzhi a ḓi ita tshipimbi, ha nga lengi u lozwiwa – a hu na ṅanga.

MIRERO 26:12

Ane a ḓiita muṱali u ḓo fhirwa na nga tsilu.

MIRERO 22:10

Wa thatha munyefuli, khakhathi i ḓo fhela; hu ḓo fhela mufhirifhiri na lunyadzo.

JOBO 14:4

Hufha u tshi ḓivha uri muthu ndi muri u vhavhaho, a nga aṋwa hani mitshelo i ḓifhaho?

2 KORONIKA 25:16

Musi a tshi kha ḓi amba khosi ya mu vhudza ya ri, “Vhone ro vha vhea uri vha vhe mueletshedzi wa khosi naa? Nga vha fhumule, nṋe ndi a vha vhulaha!” Ndi hone muporofita uyo a tshi fhumula, hone a ri, “Nṋe ndi a zwi ḓivha uri Mudzimu o ḓiimisela u vha lozwa, nge vha ita hezwo, nahone vha si thetshelese ndi tshi vha eletshedza.”

EKISODA 2:14

Uyo munna a fhindula a ri, “No vhewa nga nnyi uri ni vhe muvhusi na muhaṱuli washu? Kani ni ṱoḓa u mmbulaha-vho unga uḽa Muegipita?” Mushe a farwa nga nyofho. A elekanya a ri, “Vhukumakuma zwe nda ita zwi vho ḓivhiwa.”

3 JOHANISI 1:10

Hone musi ndi tshi ḓa nga tsha vhukoma ndi ḓo mu sengisa zwine a ita a tshi sokou ri pomoka zwithu zwivhi. Zwi si hezwo fhedzi: na musi Vhakhriste vha tshi ḓa henengeo ha vha ṱanganedzi, a dovha a dzivhisa na vhaṅwe u vha ṱanganedza, vhane vha ralo a vha thatha na tshivhidzoni.