JOHANISI 9:3 - BIVHILI KHETHWA Mafhungo Madifha

³ Yesu a fhindula a ri, “Vhupofu ha hoyu muthu a ho ngo bva kha vhutshinyi ha ene muṋe kana ha vhabebi vhawe; ho vha u itela fhedzi uri Mudzimu a sumbedze vhathu maanḓa awe khae.

JOHANISI 9:3 Iomraidhean Croise

JOBO 21:27

Nṋe ndi ḓivha mihumbulo yaṋu, na maano ane na ṱoḓa u mmbaisa ngao ndi a a ḓivha.

JOBO 32:3

A sinyutshela na khonani dza Jobo dziḽa tharu, nge vha kundwa ḽa u fhindula Jobo, ha vho nga ho khakha Mudzimu.

JOBO 42:7

Muṋe washu o no vhudza Jobo mafhungo ayo, a amba na Elifasi wa Themana, a ri, “Ndo sinyutshela iwe na khonani dzau mbili; ni tshi nnyamba a no ngo amba zwi re zwone, we a amba zwi re zwone ndi mulanda wanga Jobo.

MATIOSI 11:5

mabofu a vho vhona; zwihole zwi vho tshimbila; vha lwalaho lukanda vha khou fhodzwa; madzinganḓevhe a vho pfa; vhafu vha khou vuswa; vhashai vha khou funzwa mafhungo maḓifha.

JOHANISI 11:4

Yesu a tshi zwi pfa a ri, “Vhulwadze hovhu a si ha u isa lufuni; ndi ha u sumbedza vhugala ha Mudzimu, hu vhonale na ha Murwa wawe.”

JOHANISI 11:40

Yesu a mu vhudza a ri, “Nṋa a thi ri ndo ni vhudza nda ri arali ni tshi fulufhela ni ḓo vhona vhugala ha Mudzimu?”

MISHUMO 28:4

Vhathu vha henefho vha tshi vhona ṋowa yo nembelela kha tshanḓa tshawe, vha thoma u amba nga tshavho vha ri, “Ngoho hoyu munna u fanela u vha e phondi, zwino naho o ponyoka u fela lwanzheni, ṱhamu ya midzimu a i mu ṱutsheli.”

MISHUMO 4:21

Ndi hone khoro i tshi vha kaidza yo khwaṱhisa uri vha si dovhe; ye u ralo ya vha vhofholola. A yo ngo wana nḓila ya u vha laṱisa, ngauri vhathu vhoṱhe vho vha vha tshi renda Mudzimu nga u vhona zwo iteaho.

1 JOHANISI 4:16

Riṋe vhaṋe ri ḓivha uri Mudzimu u a ri funa, ra zwi tenda. Mudzimu ndi lufuno; ane a dzula e na lufuno u dzula e na vhukonani na Mudzimu, na Mudzimu e na vhukonani nae.

1 JOHANISI 4:9

Zwe Mudzimu a ri dzumbululela lufuno lwawe ngazwo asizwi: o ruma Murwa wawe muthihi fhedzi fhano shangoni uri riṋe ri wane vhutshilo ngae.