JOHANISI 9:16 - BIVHILI KHETHWA Mafhungo Madifha

¹⁶ Vhaṅwe Vhafarisei vha ri, “Muthu we a ita zwithu izwo a nga si vhe a tshi bva ha Mudzimu; hufha a sa tevhedzi mulayo wa Sabatha!” Hone vhaṅwe vha ri, “Nṋa muthu wa mutshinyi a nga kona hani u ita maḓembe mangafhangafha?” Vha tshi ralo ha mbo ḓi vha u fhandekana havho.

JOHANISI 9:16 Iomraidhean Croise

MATIOSI 12:10

Henefho ho vha hu na munna o omaho tshanḓa. Vhafarisei vha tshi funa u hwelela Yesu vha mu vhudzisa vha ri, “Mulayo u a tenda muthu a tshi fhodzwa nga Sabatha naa?”

MATIOSI 12:2

Vhafarisei vha tshi zwi vhona vha mu vhudza vha ri, “Kha vha vhone zwine vhafunziwa vhavho vha khou ita! Mulayo a u tendi zwi tshi itwa nga Sabatha.”

LUKASI 13:14

Muhulwane wa tshivhidzo a sinyuwa nge Yesu a fhodza muthu nga Sabatha; a amba na vhathu a ri, “Hu na maḓuvha maṱanu na ḽithihi ane ra fanela u shuma ngao; iḓani nga eneo maḓuvha ni fhodzwe, hu si nga Sabatha!”

JOHANISI 10:19

Ayo maipfi a dovha a vusa phambano vhukati ha Majuda.

JOHANISI 14:11

Tendani zwenezwo zwine nda ri Nṋe ndi kha Khotsi, Khotsi u kha Nṋe. Arali zwa kunda, izwo tendani nga u vhona mishumo ine nda shuma.

JOHANISI 15:24

Vho vha vha tshi ḓo vha vha si na mulandu ngavhe ndi si ḓe khavho nda shuma mishumo i sa athu shuṅwa nga muṅwe muthu; zwino zwe nda shuma vho zwi vhona; naho zwo ralo, hu Nṋe, hu Khotsi anga, vha ḓi ri vhenga.

JOHANISI 2:11

Enea maḓembe Yesu o a ita muḓini wa Kana vunduni ḽa Galelia tsha vha tshiga tsha u thoma. Henefho ndi hone he a sumbedza vhugala hawe, na vhafunziwa vhawe vha mu fulufhela.

JOHANISI 3:2

Onoyo o vhuya a ya ha Yesu vhusiku a ri, “Vhafunzi vhanga, ri a zwi ḓivha uri vhone vho tou ruṅwa nga Mudzimu u ḓa u funza vhathu, ngauri a hu na muthu ane a nga kona u ita haya maḓembe ane vhone vha ita arali Mudzimu a si nae.”

JOHANISI 5:10

Vhahulwane vha lushaka vha vhudza uyo munna o fhodzwaho vha ri, “Ṋamusi ndi Sabatha, Mulayo a u tendi ni tshi hwala thovho yaṋu.”

JOHANISI 5:36

Huno-ha Nṋe ndi na vhuṱanzi vhune ha fhira ha Johanisi: Mishumo ine nda ita ndi tshi khunyeledza zwe nda laedzwa nga Khotsi anga, ndi yone i nṱanzilelaho ya sumbedza uri ndi Ene o nthumaho.

JOHANISI 6:52

Ḽeneḽo fhungo ḽa vusa khani khulu vhukati ha Majuda; vha hanedzana vha ri, “Nṋa uyu muthu a nga kona hani u ri ṋea muvhili wawe ra u ḽa?”

JOHANISI 7:12

Vhathu vho vha vha tshi khou mu sola nga tshavho, vhaṅwe vha tshi ri, “Ndi muvhuya,” vhaṅwe vha tshi ri, “A si muvhuya, u xedza vhathu.”

JOHANISI 7:23

Zwino arali muthu a tshi kona u fumbiswa nga Sabatha uri hu si pfukiwe Mulayo wa Mushe, Nṋe khezwi ni tshi ntsinyutshela nge nda fhodza muthu tshoṱhe nga Sabatha?

JOHANISI 7:43

Ha mbo ḓi vha u fhambana ha gogo tshilwelwa e Ene Yesu.

JOHANISI 9:24

Vha dovha vha vhidza uyo munna vha mu vhudzisa vha ri, “Ambani ngoho phanḓa ha Mudzimu! Riṋe ri ḓivha uri hoyo munna ndi mutshinyi.”

MISHUMO 14:4

Vhathu vha muḓi wonoyo vho bva zwigwada zwivhili, vhaṅwe vha tshi ima na Majuda vhaṅwe vha ima na vhaapostola.