JOHANISI 8:43 - BIVHILI KHETHWA Mafhungo Madifha

⁴³ Ni a ḓivha uri ndi mini zwine nda amba ni sa zwi pfi? Ndi uri a ni funi u ṱanganedza pfunzo yanga.

JOHANISI 8:43 Iomraidhean Croise

MIRERO 28:5

Muvhi ha ṱalukanyi khaṱhulo mbuya; a no ṱoḓa Muṋe washu ene u i ṱalukanya nga vhuḓalo.

YESAYA 44:18

Vhathu vho raloho ndi matsilu, a vha ḓivhi tshine vha ita, vha ḓishatela maṱo uri vha si vhone, vha konḓisa mbilu dzavho uri vha si vhone ngoho.

YESAYA 6:9

Ndi hone a tshi ri, “Iyo vhudza vhathu havha u ri, “ ‘Sokonu dzula ni tshi thetshelesa, ni nga si ṱalukanye tshithu! Sokonu dzula ni tshi sedza, ni nga si vhone tshithu!’

JEREMIA 6:10

Nṋe nda fhindula nda ri, “Arali nda amba navho nda vha kaidza, ndi nnyi ane a nga nthetshelesa? Vha na tshipimbi, vha hana u thetshelesa zwine wa vha laedza; ndi tshi vha vhudza ipfi ḽau a vha ḽi funi, vha vhona unga ndi khou vha sema.

HOSIA 14:9

A re muṱali nga a ṱalukanye maipfi haya. Ngavhe a na ṱhalukanyo a tshi a dzhenisa mbiluni. Nḓila dza Muṋe washu dzo tou tswititi, vha fulufhedzeaho vha tshimbila ngadzo, hone mashandukwa a a khukhulwa.

MIKA 4:12

Hone a vha ḓivhi mihumbulo ya Yahavee; a vha ṱalukanyi zwe a dzudzanya: u vha kuvhanganya unga ṱhotshe luvhatani lwa u fhulela.

MATIOSI 13:15

Ndi uri mihumbulo ya havha vhathu yo gomala, vha konyolela matanda nḓevheni, vha bonya na maṱo. Vha sa ralo maṱo avho a nga ḓo vhona, na nḓevhe dzavho dzi nga ḓo pfa, na mbilu dzavho dzi nga ḓo ṱalukanya, vha rembuluwa vha vhuelela kha Nṋe, Nṋe nda vho ḓo vha fhodza.’

JOHANISI 5:25

Thetshelesani ndi ni vhudze: Hu ḓo ḓa tshifhinga – na zwino tsho no ḓi swika – tshine vhafu vha ḓo pfa ipfi ḽa Murwa wa Mudzimu, huno vhenevho vhane vha ḽi pfa vha ḓo tshila.

JOHANISI 5:43

Nṋe ndo ḓa ndó rumiwa nga Khotsi anga, inwi na si nṱanganedze, hone ha ḓa muṅwe o tou ḓiḓisa, ni ḓo ṱanganedza ene.

JOHANISI 6:60

Vhanzhi vha vhafunziwa vhawe vha tshi pfa a tshi ralo vha ri, “Pfunzo hei i konḓa nga maanḓa; i nga ṱanganedzwa nga nnyi?”

JOHANISI 7:17

Ane a ḓiimisela u ita zwine Mudzimu a funa u ḓo zwi ḓivha uri zwine nda funza a si zwanga, ndi zwa Mudzimu.

JOHANISI 8:27

Vhone vha si kone u pfa uri u khou vha vhudza nga Khotsi.

JOHANISI 8:33

Vhone vha fhindula vha ri, “Riṋe ri vhaḓuhulu vha Abrahamu; a ri athu vhuya ra vha phuli dza muthu. Zwino ni tshi ri ri ḓo vhofhololwa, ni khou amba mini?”

JOHANISI 8:39

Vhone vha fhindula vha ri, “Khotsi ashu ndi Abrahamu.” Yesu a ri, “Arali nangoho no vha ni vhana vha Abrahamu ndi musi ni tshi ḓo ita zwe ene a vha a tshi ita.

MISHUMO 7:51

“Nṋa ni tou vha na tshikhuna-ḓe! Khezwi mbilu dzaṋu na nḓevhe dzaṋu dzi tshi tou nga dza vhannḓa vha songo fumbaho! No tou dzhia zwone zwa vhomakhulukuku waṋu vhukuma. Na inwi tshifhinga tshoṱhe ni ḓi itela Muya Mukhethwa tshipimbi!

VHAROMA 3:11

a hu na a re na ṱhalukanyo; a hu na a no fungelela u ṱoḓa Mudzimu.