JOHANISI 8:41 - BIVHILI KHETHWA Mafhungo Madifha

⁴¹ Inwi no tou dzhia khotsi aṋu.” Vha fhindula vha ri, “Riṋe a ro ngo bebwa nga vhupombwe; a ri na muṅwe khotsi arali e si Ene Mudzimu.”

JOHANISI 8:41 Iomraidhean Croise

EKISODA 4:22

Zwenezwo u vhudze Farao u ri, ‘Yahavee u ri: Israele ndi tanzhe ḽanga ḽa mutuka.

YESAYA 63:16

Khotsi ashu ndi Iwe; Abrahamu ha ri ḓivhi, Israele ha ri londi; Khotsi ashu ndi Iwe Muṋe washu; u ḓi pfi Mutshidzi washu tsha kale na kale.

YESAYA 64:8

Naho zwo ralo, Iwe Muṋe washu u Khotsi ashu; riṋe ri vumba, Iwe u Muvhumbi; roṱhe ri mushumo wa zwanḓa zwau.

JEREMIA 3:19

Muṋe washu u ri, “Israele, ndo vha ndi tshi ṱoḓa u u ṱanganedza uri u vhe ṅwananga, ndi u fhe shango ḽi takadzaho, wone mukovhe wo nakaho u fhira ya tshakha dzoṱhe. Ndo vha ndi tshi vhona unga u tshi nnyamba u do ri ‘Baba’, wa si tsha mpfuralela.

JEREMIA 31:20

“Khezwi Efraimi a tshi nga ṅwana wanga ane nda mu funa. Khezwi a tshi nga u takadza mbilu yanga! Ndi tshi mu amba a thi tsha kona u mu hangwa. Mbilu yanga yo mu ṱuvha hani; vhukuma ndi ḓo mu khathutshela.”

HOSIA 1:2

Musi Muṋe washu a tshi thoma u amba nga mulomo wa Hosia, Muṋe washu a mu vhudza a ri, “Ṱuwa u yo ḓivhingela musadzi wa phombwe; u ḓo u bebela vhana nga vhupombwe, ngauri vhukuma shango ḽo ita vhupombwe nga u furalela Nṋe Yahavee.”

MALAKIA 1:6

Yahavee Mulangazwoṱhe u amba na inwi vhotshifhe vha nyadzaho dzina ḽawe, u ri, “Ṅwana u hulisa khotsi awe, mushumi u hulisa muṋe wawe. Arali Nṋe nangoho ndi khotsi aṋu, khezwi ni sa nkhulisi? Arali nangoho ndi Muṋe waṋu, khezwi ni sa nnyofhi? “Hone ni vhudzisa na ri, ‘Dzina ḽau ro ḽi nyadza nga zwifhio?’

MALAKIA 2:11

Vhathu vha Juda vho shandukela Muṋe washu; ho itwa zwi nengisaho kha ḽa Israele na Jerusalema: Vhathu vha Juda vho kumadza hukhethwa hune ha funwa nga Muṋe washu nga u funana na vhasadzi vha no luvha midzimu isili, vha ita na u vha vhinga.

JOHANISI 8:38

Nṋe ndi amba zwe Khotsi anga a tou ntsumbedza; inwi ni ita zwe na vhudzwa nga khotsi aṋu.”

JOHANISI 8:44

Inwi ni vhana vha khotsi aṋu diabolo; ni funa u ita zwine khotsi aṋu a tama. Ene o ḓi vha mupondavhathu u bva henengei mathomoni. Ho ngo vhuya a kona u ima kha ngoho; tshawe o ḓi vha mazwifhi. Musi a tshi zwifha u khou tou ita zwo mu fanelaho, ngauri ndi muzwifhi; ndi ene khotsi a mazwifhi.

DOTORONOMIO 14:1

“Inwi ni vhana vha Muṋe washu Mudzimu waṋu; zwenezwo ni tshi lilela mufu ni songo ḓitshetshekanya kana na vheula mavhudzi a phanḓa a ṱhohoni unga vhannḓa.

DOTORONOMIO 32:6

Ndi zwone zwine na livhuha Muṋe washu ngazwo, inwi matsilu ni si na mihumbulo? A si Ene Khotsi aṋu kani? A si Ene Muvhumbi waṋu naa? A si Ene we a ni ita a ni ṋea vhutshilo?

1 JOHANISI 3:12

Ni songo nga Kaini. Ene o vha e wa Muvhi, ndi zwe a ponda murathu wawe. Hone a tshi mu vhulahelani-ha? Ndi uri ene Kaini o vha a tshi ita zwivhi, murathu a tshi ita zwivhuya.