JOHANISI 8:23 - BIVHILI KHETHWA Mafhungo Madifha

²³ Yesu a fhindula a ri, “Inwi ni vha fhano fhasi; Nṋe ndi bva ṱaḓulu. Hayani haṋu ndi fhano shangoni, hone kha Nṋe a zwo ngo ralo.

JOHANISI 8:23 Iomraidhean Croise

DZIPHISALEMA 17:4

ndi tshi vhona mishumo ya vhathu. Ndi tinya nḓila dza vhadzia-u-levha ndi tshi tevhedza zwe wa amba.

JOHANISI 1:14

Ipfi a vha muthu wa ṋama, a dzula na riṋe, ra vhona vhugala hawe, vhune Khotsi a ṋea Murwa wawe muthihi fhedzi, e na vhuthu vhuhulu, na u fulufhedzea tshoṱhe.

JOHANISI 17:14

Ndo vha vhudza maipfi au, shango ḽa vha vhenga, ngauri a si vha ḽino shango, vhunga na Nṋe ndi si wa ḽino shango.

JOHANISI 17:16

Vhunga Nṋe ndi si wa ḽino shango, na vhone a si vha ḽino shango.

JOHANISI 3:13

A hu na muthu o no gonyaho ṱaḓulu arali e si onoyo we a tou tsa a tshi bva hone, ndi amba Ene Mubebwa-nga-muthu.

JOHANISI 3:31

A khou ḓaho a tshi bva ṱaḓulu ndi Ene a re muhulwane kha zwoṱhe, hone wa ḽino shango ndi wa shango, na zwine a amba ndi zwa fhano shangoni. A bvaho ṱaḓulu ndi muhulwane kha zwoṱhe.

JAKOPO 4:4

Mashandukwa ndinwi! A ni zwi ḓivhi uri u funa zwa shango ndi u vhenga Mudzimu naa? Ngauralo ane a ḓiimisela u pfana na zwa shango u vha swina ḽa Mudzimu.