JOHANISI 8:21 - BIVHILI KHETHWA Mafhungo Madifha

²¹ Yesu a dovha a vha vhudza a ri, “Nṋe ndi ḓo ṱuwa, na sala ni tshi nndila, na fhedza nga u fela vhutshinyini haṋu. Hune Nṋe nda khou ya hone inwi ni nga si ntevhele.”

JOHANISI 8:21 Iomraidhean Croise

1 MAHOSI 18:10

Nga Yahavee Mudzimu wavho a tshilaho, muṋe wanga vho ruma vhathu kha tshakha dzoṱhe na kha mashango oṱhe u yo ṱoḓa vhone. Arali muvhusi wa ulwo lushaka a ri vhone a vhaho, Ahaba o vha a tshi mu anisa uri vhone a vha wanali.

JOBO 20:11

Muvhili wawe wo vha u muswa, u na nungo, hone u ḓo ṱuwa u tshi vha buse.

MIRERO 11:7

Zwe muvhi a zwi fulufhela, a tshi fa zwi lovha nae; maanḓa e a ḓitika ngao ndi mahandana.

MIRERO 14:32

Muvhi u wiswa nga vhuvhi hawe; wa u thetshelesa Mudzimu u wana vhushavhelo naho hu tshi fiwa.

YESAYA 65:20

Ngomu hawo a hu tsha ḓo vha na lutshetshe lu no ḓo tshila maḓuvha a si gathi fhedzi; a hu tsha ḓo vha na mukalaha ane a sa ḓo lalama a khunyeledza maḓuvha awe; ane a ḓo fa e na ḓana ḽa miṅwaha u ḓo pfi o fa a tshee muṱuku; a sa swiki ḓana ḽa miṅwaha u ḓo pfi o teketelwa.

MATIOSI 23:39

Ndi a ni vhudza ndi ri, a ni tsha ḓo mmbona hu vhuye hu ḓe musi une na ḓo ri, ‘Nga hu rendwe a ḓaho nga dzina ḽa Muṋe washu!’ ”

MATIOSI 25:41

“A konou ḓo amba-vho na vhaḽa vha thungo ya tshanḓa tshamonde a ri, ‘Nṱutsheleni inwi no teketelwaho nga Mudzimu ni ye muliloni wo vhaselwaho diabolo na vharuṅwa vhawe.

MATIOSI 25:46

Zwenezwo ndi hone vha tshi ḓo ṱuwa vha ya tshengeloni i sa gumi, vhavhuya vha tshi ya vhutshiloni vhu sa gumi.”

JOHANISI 12:33

A tshi ralo o vha a tshi khou amba lufu lune a ḓo lu fa.

JOHANISI 12:35

Yesu a fhindula a ri, “Tshedza tshi kha ḓi ḓo vha na inwi tshifhinga tshiṱukuṱuku. Tshimbilani zwino tshedza tshi tshee hone uri swiswi ḽi sa ḓo ni fara nḓilani. Hafhu ane a tshimbila swiswini ha ḓivhi hune a ya.

JOHANISI 13:33

Vhananga, ndi kha ḓi tou vha na inwi tshifhinga tshiṱukuṱuku. Ni ḓo nṱoḓa, hone zwiḽa zwe nda vhudza Majuda ndi vhudza na inwi ndi ri, ‘Hune nda ya hone inwi ni nga si ntevhele.’

JOHANISI 7:34

Ni ḓo nṱoḓa ni si nngwane, ngauri hune nda vha hone inwi ni nga si kone u swika.”

JOHANISI 7:36

Ri amba ngauri u ri, ‘Ni ḓo nṱoḓa ni si nngwane,’ a dovha a ri, ‘Hune nda vha hone inwi ni nga si kone u swika.’ A tshi ralo u amba mini?”

JOHANISI 8:24

Ndi zwe nda ni vhudza nda ri ni ḓo fela vhutshinyini haṋu. Nangoho ni ḓo fela vhutshinyini haṋu arali ni sa tendi uri ‘Ndi ane nda vha Ene’.”

VHAEFESA 2:1

Na inwi kale no vha ni vhafu, ni vhapfuki vha mulayo, ni vhatshinyi.