JOHANISI 8:16 - BIVHILI KHETHWA Mafhungo Madifha

¹⁶ Naho ndo vha ndi tshi nga ri ndi a haṱula, khaṱhulo yanga yo vha i tshi ḓo vha ya ngoho, ngauri a thi ndoṱhe, ndi na Mudzimu Khotsi o nthumaho.

JOHANISI 8:16 Iomraidhean Croise

DZIPHISALEMA 98:9

dzi imbele Muṋe washu; u khou ḓa u haṱula ḽifhasi. U ḓo haṱula shango a sa ṱaluli, tshakha u ḓo dzi haṱula nga khaṱhulo ya ngoho.

DZIPHISALEMA 99:4

U Khosi ya maanḓa i funaho khaṱhulo mbuya, ndi Iwe wo teaho khaṱhulo ya ngoho, wa funza Jakopo zwi re zwone na u fulufhedzea.

YESAYA 9:7

Maanḓa awe a vhuhosi a ḓo ḓi hula a tshi ya, ḽa ḓi dzula ḽo lala. U ḓo dzula kha khuluṋoni ya Dafita, a vhusa vhuimoni hawe, a khwaṱhisa muvhuso, wa ima nga khaṱhulo mbuya na u sa ṱalula zwino na lini na lini. Muṋe washu Mulangazwoṱhe o ḓiimisela u ita zwoṱhe hezwo uri a huliswe.

ZAKARIA 9:9

Iwe ṅwananyana Tsioni, pembela nga mbilu yoṱhe! Iwe ṅwananyana Jerusalema, itou ṱavha mukosi nga dakalo! Khosi yau i khou ḓa ha iwe, i ḓa na gundo nga u fulufhedzea ha Mudzimu, i na vhulenda, a yo ngo namela meila, yo namela donngi mbelesa ya khosi.

JOHANISI 16:32

Hu khou ḓa tshifhinga – na zwino tsho no ḓi swika – tshine noṱhe na ḓo balanganywa muṅwe na muṅwe a ya hawe, Nṋe na ntsia ndi ndoṱhe. Hone Nṋe a thi ndoṱhe, Khotsi anga u na Nṋe.

JOHANISI 8:29

Zwino we a nthuma u na Nṋe; ha nndaṱedzi, ngauri ndi dzula ndi tshi ita zwine zwa mu takadza.”

MISHUMO 17:31

O vhea ḓuvha ḽine a ḓo haṱula shango ḽoṱhe ngaḽo a sa ṱaluli. Zwenezwo u ḓo zwi ita nga munna we a mu ta, a mu vusa vhafuni uri vhathu vha vhe na vhuṱanzi ha uri ndi Ene ane a ḓo haṱula shango.”

NZUMBULULO 19:11

Nda vhona ḽiṱaḓulu ḽo vulea, ha bvelela bere tshena. Munameli wayo u pfi Mufulufhedzea-wa-ngoho. A tshi haṱula na musi a tshi lwa nndwa dzawe ha khakhi.

1 SAMUELE 16:7

Hone Muṋe washu a vhudza Samuele a ri, “U songo sedza tshivhumbeo tshawe na vhulapfu hawe, uyo ndo mu landula. Yahavee ha sedzi zwithu zwine muthu a sedza. Muthu u sedza zwine a zwi vhona nga maṱo, Yahavee u sedza mbilu.”