JOHANISI 7:23 - BIVHILI KHETHWA Mafhungo Madifha

²³ Zwino arali muthu a tshi kona u fumbiswa nga Sabatha uri hu si pfukiwe Mulayo wa Mushe, Nṋe khezwi ni tshi ntsinyutshela nge nda fhodza muthu tshoṱhe nga Sabatha?

JOHANISI 7:23 Iomraidhean Croise

EKISODA 31:14

No fanela u vhulunga ḓuvha ḽa u awela ngauri ndi ḽikhethwa. Ane a si ḽi vhulunge, a shuma nga ḓuvha ḽeneḽo, a vhulawe, a songo tsha vhalwa kha lushaka.

MATIOSI 12:10

Henefho ho vha hu na munna o omaho tshanḓa. Vhafarisei vha tshi funa u hwelela Yesu vha mu vhudzisa vha ri, “Mulayo u a tenda muthu a tshi fhodzwa nga Sabatha naa?”

MATIOSI 12:2

Vhafarisei vha tshi zwi vhona vha mu vhudza vha ri, “Kha vha vhone zwine vhafunziwa vhavho vha khou ita! Mulayo a u tendi zwi tshi itwa nga Sabatha.”

MATIOSI 12:5

Kani-ha a ni athu vhala Mulayoni uri nga Sabatha vhotshifhe vha a ḓi pfuka zwavho mulayo wa Sabatha thembeleni, zwi si vhe na mulandu?

JOHANISI 5:10

Vhahulwane vha lushaka vha vhudza uyo munna o fhodzwaho vha ri, “Ṋamusi ndi Sabatha, Mulayo a u tendi ni tshi hwala thovho yaṋu.”

JOHANISI 7:21

Yesu a tshi fhindula a ri, “Ndo ri u ita maḓembe luthihi na vhilaela noṱhe.

JOHANISI 9:16

Vhaṅwe Vhafarisei vha ri, “Muthu we a ita zwithu izwo a nga si vhe a tshi bva ha Mudzimu; hufha a sa tevhedzi mulayo wa Sabatha!” Hone vhaṅwe vha ri, “Nṋa muthu wa mutshinyi a nga kona hani u ita maḓembe mangafhangafha?” Vha tshi ralo ha mbo ḓi vha u fhandekana havho.