Henefho hu ḓo vha na gondo ḽine ḽa pfi “Nḓila khethwa”; a hu na o kumalaho a no ḓo tshimbila ngayo, i ḓo tshimbilwa nga vhathu vha Mudzimu fhedzi; na tsilu a i nga ḽi xedzi.
Nga ri ḓivhe Muṋe washu, nga ri futelele u mu ḓivha. Vhukuma u ḓo bvelela unga ḓuvha ḽi tshi tsha, u ḓo ḓa ha riṋe unga mvula ya mibvumbi, u ḓo ḓa unga mvula dza tseula dzine dza ṋukadza ḽifhasi.”
Tshakha nnzhi dzi ḓo ḓa dza ri: Iḓani ri gonye thavha ya Yahavee, ri ye nḓuni ya Mudzimu wa Jakopo. U ḓo ri funza nḓila dzawe, ra tshimbila ngadzo. Ndi uri ndayo i ḓo bva i Tsioni, ipfi ḽa Muṋe washu ḽi ḓo bva Jerusalema.
Hone inwi vhane na ofha dzina ḽanga ni ḓo penyelwa nga ḓuvha ḽi re u fulufhedzea, ḽa ni fhodza nga maṱalazaza aḽo. Ni ḓo khana unga ṋamana dzi tshi bva dangani.
Inwi ni vhana vha khotsi aṋu diabolo; ni funa u ita zwine khotsi aṋu a tama. Ene o ḓi vha mupondavhathu u bva henengei mathomoni. Ho ngo vhuya a kona u ima kha ngoho; tshawe o ḓi vha mazwifhi. Musi a tshi zwifha u khou tou ita zwo mu fanelaho, ngauri ndi muzwifhi; ndi ene khotsi a mazwifhi.
Afho vha wana vhathu vha no pfesesa u fhira vha Thesalonika. Vho vha vha tshi tou thetshelesa nga mbilu yoṱhe nahone ḓuvha ḽiṅwe na ḽiṅwe vha tshi sedzulusa Maṅwalo uri vha vhone arali zwine Paulo a amba zwi zwone.