JOHANISI 6:6 - BIVHILI KHETHWA Mafhungo Madifha

⁶ A tshi ralo ho vha hu u ṱoḓa u tou pfa uri Filipi u ḓo ri mini, ngauri Ene o vha o no ḓivha zwine a ḓo ita.

JOHANISI 6:6 Iomraidhean Croise

GENESI 22:1

Ngavhuya Mudzimu a linga Abrahamu, a mu vhudza a ri, “Abrahamu!” Abrahamu a fhindula a ri, “Ndi fhano.”

2 KORONIKA 32:31

Hone musi hu tshi ruṅwa vhaḓinḓa nga vhavhusi vha Babele u ḓa u mu vhudzisa nga tshiga tshi kanukisaho tsho iteaho afho shangoni, Mudzimu a mu litsha uri a mu linge, a ḓivhe zwoṱhe zwe zwa vha zwi mbiluni yawe.

2 VHAKORINTA 13:5

Inwi vhaṋe ṱolani mbilu dzaṋu ni ḓisedze, ni vhone arali vhukuma ni na lutendo. Kani-ha a ni zwi ṱalukanyi uri Yesu Khristo u kha inwi? Arali ni sa zwi ṱalukanyi zwi amba uri no wanala ni vhatendi vha khole-khole.

DOTORONOMIO 13:3

ni songo thetshelesa zwiambo zwa uyo muporofita kana muṱalutshedzi wa miloro; ndi Muṋe washu Mudzimu waṋu ane a tou ni linga uri a vhone arali ni tshi mu funa nga mbilu yoṱhe na nga zwoṱhe zwine na vha zwone.

DOTORONOMIO 33:8

A tshi amba Livi o ri, “Madeṅwa au makhethwa wo a kumedza ene, munna a fulufhedzeaho. Wo mu linga kusini kwa Milingo, wa mu sengisa maḓini a Tsengo.

DOTORONOMIO 8:16

Hafhu ndi Ene we a ni fusha nga mana musi ni phangani, na ḽa zwiḽiwa zwe vhomakhulukuku waṋu vha vha vha sa zwi ḓivhi. O itela u ni ṱukufhadza na u ni linga uri zwi sale zwi tshi ni nakela.

DOTORONOMIO 8:2

Ni elelwe lwendo lwoṱhe lwe Muṋe washu Mudzimu waṋu a ni tshimbidza phangani miṅwaha hei ya 40 yo fhelaho. O itela u ni ṱukufhadza na u ni linga uri zwi re mbiluni dzaṋu zwi ḓivhee, arali ni tshi ḓo vhulunga milayo yawe kana ni tshi ḓo i nyadza.

NZUMBULULO 2:2

Zwoṱhe zwine na ita ndi a zwi ḓivha: ndi ḓivha u ḓinetisa haṋu, na u konḓelela haṋu, na u sa kona u konḓelela vhavhi, na u ṱalula vhane vha sokou ḓiita vhaapostola ngeno vhe si vhone, vhe vha khole-khole – ndi zwi ḓivha zwoṱhe.