JOHANISI 5:22 - BIVHILI KHETHWA Mafhungo Madifha

²² Nahone Khotsi ha haṱuli muthu, maanḓa oṱhe a u haṱula o a kumedza Murwa

JOHANISI 5:22 Iomraidhean Croise

DZIPHISALEMA 96:13

i ḓo imbela Muṋe washu ngauri u a ḓa; u ḓa u haṱula ḽifhasi. U ḓo haṱula shango a sa ṱaluli, dzitshakha u ḓo dzi haṱula nga khaṱhulo ya ngoho.

DZIPHISALEMA 98:9

dzi imbele Muṋe washu; u khou ḓa u haṱula ḽifhasi. U ḓo haṱula shango a sa ṱaluli, tshakha u ḓo dzi haṱula nga khaṱhulo ya ngoho.

MUFUNZI 11:9

Inwi vhane na kha ḓi vha nga haṋu, diphiṋeni ni tshi kha ḓi vha vhaṱuku; takalani nga u vha vhaswa; itani zwine na tama u ita; itani zwine mbilu yaṋu ya funa; hone ni songo hangwa uri Mudzimu u ḓo ni haṱula a tshi tevhedza zwoṱhe zwine na ita.

MUFUNZI 12:14

Mudzimu u ḓo ri haṱula a tshi tevhedza zwoṱhe zwe ra ita, zwivhuya na zwivhi, na zwo itwaho tshiphirini.

MATIOSI 11:27

“Khotsi anga o nkumedza zwithu zwoṱhe; a hu na ane a ḓivha Murwa arali e si Khotsi; nahone a hu na ane a ḓivha Khotsi arali e si Murwa, na onoyo ane Murwa a takalela u mu dzumbululela.

MATIOSI 16:27

Mubebwa-nga-muthu u khou ḓa e kha vhugala ha Khotsi awe e na vharuṅwa vhawe; ndi hone a tshi ḓo ṋea muṅwe na muṅwe nga he a shuma ngaho.

MATIOSI 28:18

Ndi hone Yesu a tshi sendela a amba navho a ri, “Ndo ṋewa maanḓa oṱhe ngei ṱaḓulu na fhano fhasi.

JOHANISI 17:2

ngauri wo mu kumedza maanḓa a u vhusa vhathu vhoṱhe uri vhoṱhe vhe wa mu kumedza a vha ṋee vhutshilo vhu sa fheli.

JOHANISI 3:35

Khotsi u funa Murwa; o mu kumedza zwoṱhe.

JOHANISI 5:27

O kumedza Murwa maanḓa a u haṱula, ngauri Murwa ndi Ene Mubebwa-nga-muthu.

JOHANISI 9:39

Yesu a ri, “Tshe Nṋe nda ḓela tshone fhano shangoni ndi u haṱula; mabofu a ḓo swinguluwa; vha vhonaho vha ḓo pofula.”

MISHUMO 10:42

O ri laya uri ri ḓivhadze lushaka lwa Majuda mafhungo maḓifha, na u ṱanzilela uri ndi Ene o vhewaho nga Mudzimu uri a vhe Muhaṱuli wa vha tshilaho na vho faho.

MISHUMO 17:31

O vhea ḓuvha ḽine a ḓo haṱula shango ḽoṱhe ngaḽo a sa ṱaluli. Zwenezwo u ḓo zwi ita nga munna we a mu ta, a mu vusa vhafuni uri vhathu vha vhe na vhuṱanzi ha uri ndi Ene ane a ḓo haṱula shango.”

VHAROMA 2:16

Ndi zwone zwine nda amba ndi tshi ḓivhadza mafhungo maḓifha, nda ri zwi ḓo ralo nga ḓuvha iḽo ḽihulu ḽine Mudzimu a ḓo sengisa vhathu zwo dzumbamaho mbiluni dzavho, nga Yesu Khristo.

2 VHAKORINTA 5:10

Hufha roṱhe ro fanela u ima phanḓa ha Khristo uri ri haṱulwe ngae. Ndi hone muṅwe na muṅwe a tshi ḓo wana zwo fanelaho zwiito zwawe zwa musi a tshi kha ḓi tshila fhano shangoni, zwivhuya kana zwivhi.

2 TIMOTI 4:1

Ṱhanzi dzanga ndi Mudzimu na Khristo Yesu ane a ḓo ḓa u haṱula vha tshilaho na vho faho. Ndi ni laya lwa u tou ana nga u ḓa hawe na muvhuso wawe ndi ri:

1 PITROSI 4:5

Ndi zwone, vha ḓo sengiswa nga onoyo o no ḓilugiselaho u haṱula vha tshilaho na vho faho.