JOHANISI 4:42 - BIVHILI KHETHWA Mafhungo Madifha

⁴² Vhenevho vha vhudza uyo musadzi vha ri, “Zwino a ri tsha tenda nga zwiḽa zwe na tou ri vhudza, ri tenda nge ra tou ḓipfela nga roṱhe a tshi funza; nahone ri vho ḓivha uri vhukuma ndi Ene Mutshidzi wa shango.”

JOHANISI 4:42 Iomraidhean Croise

YESAYA 45:22

“Vhuyani ha Nṋe zwino ni tshidzwe, inwi tshakha dzoṱhe dza shango nga he ḽa guma! Ndi Nṋe Mudzimu a re hone ndi ndoṱhe.

YESAYA 52:10

Muṋe washu u ḓo angaladza tshanḓa tshawe tshikhethwa, tshakha dzoṱhe dza tshi vhona, migumo yoṱhe ya ḽifhasi ya vhona Mudzimu washu a tshi tshidza vhathu vhawe.

MATIOSI 1:21

Nazwino u ḓo beba ṅwana wa mutukana. U mu rine ḽa Yesu, a ngauri ndi Ene ane a ḓo tshidza vhathu vhawe vhutshinyini havho.”

LUKASI 2:32

Ndi Ene tshedza tsha u vhonetshela na dziṅwe tshakha, tsha ṋea vhathu vhau vha Israele thendo.”

JOHANISI 1:29

Nga matshelo Johanisi a vhona Yesu a tshi khou ḓa khae, a ri, “Khoyu-ha Ene Ngwana ya Mudzimu, o hwalaho vhutshinyi ha shango!

JOHANISI 11:17

Yesu a tshi sala a tshi swika a wana uri ho no ḓi fhela maḓuvha maṋa Lazaro o swiṱwa.

JOHANISI 17:8

Ndo vha vhudza mafhungo e Iwe wa mmbudza, vha a ṱanganedza; vha a zwi ḓivha uri ndi ngoho uri ndi bva ha Iwe nahone vha a tenda uri ndi Iwe wo nthumaho.

JOHANISI 4:29

“Iḓani ni vhone munna we a mmbudza zwoṱhe zwe nda vhuya nda zwi ita. Nṋa a nga vha izwi e si Ene Mesia?”

JOHANISI 4:41

Ho dovha ha ḓi vha na vhaṅwe vhanzhi vhe vha tenda nge vha tou pfa pfunzo ya Yesu Ene muṋe.

MISHUMO 13:23

Zwino Yesu we Mudzimu a mu ita Mutshidzi wa vhathu ndi muḓuhulu wa onoyo Dafita, vhunga o fulufhedzisa nga u ralo.

MISHUMO 4:12

“A hu na muṅwe ane a nga ri tshidza; a hu na ḽiṅwe dzina fhasi ha lutombo ḽe Mudzimu a ri ri tshidzwe ngaḽo.”

MISHUMO 5:31

Mudzimu o mu vusa a mu vhea thungo ya tshauḽa tshawe uri vha vhuse vhoṱhe, e Murangaphanḓa na Mutshidzi, uri vhathu vha Israele vha rembuluwe vha hangwelwe.

2 VHAKORINTA 5:19

Mafhungo ane ra a ḓivhadza ngea: Khristo a tshi ḓa ndi Mudzimu we a vha a tshi khou pfumedzanya shango na Ene muṋe, a si tsha vhala u khakha havho, a ri kumedza mafhungo ayo a uri vhathu vha pfumedzane nae.

1 TIMOTI 4:10

“Ni tshi vhona ri tshi kakarika ro tou futelela, ndi uri ro ṱulutshela Mudzimu a tshilaho a re Mutshidzi wa vhathu vhoṱhe, zwihuluhulu vhatendi.”

1 JOHANISI 2:2

Ndi Ene tshipfumelo tsha vhutshinyi hashu, nahone vhu si hashu fhedzi, na ha shango ḽoṱhe.

1 JOHANISI 4:14

Khotsi o ruma Murwa wawe u tshidza shango; ri ṱhanzi dzazwo, ro zwi vhona nga ashu maṱo.

1 JOHANISI 5:20

Hone ri dovha ra ḓivha uri Murwa wa Mudzimu o ḓa shangoni, huno Ene o ri ṋea ṱhalukanyo ya u ṱalukanya Mudzimu wa ngoho. Zwenezwo ro no vha vhathihi na Mudzimu wa ngoho na Murwa wawe Yesu Khristo. Ene ndi Ene Mudzimu wa ngoho, ndi Ene a no ri fha vhutshilo vhu sa gumi.