JOHANISI 4:23 - BIVHILI KHETHWA Mafhungo Madifha

²³ Hone hu ḓo ḓa tshifhinga – na zwino tsho no ḓi swika – tshine vha rabelaho Mudzimu Khotsi lwa ngoho vha ḓo fanela u mu rabela zwi tshi tou bva mbiluni vhe kha ngoho. Khotsi u funa vhathu vha tshi mu rabela nga u ralo.

JOHANISI 4:23 Iomraidhean Croise

1 KORONIKA 29:17

Mudzimu wanga, ndi a zwi ḓivha uri Iwe u ṱola mbilu ya muthu, u takalela u fulufhedzea ha muthu. Zwithu zwoṱhe hezwi ndo bvisa nga u tou zwi funa, nga mbilu u fulufhedzeaho. Zwino nda takala ndi tshi vhona vhathu vhau vha re fhano, na vhone vha tshi u ṋea vha tshi tou zwi funa.

DZIPHISALEMA 147:11

Muṋe washu u takadzwa nga vhane vha mu ofha, vhane vha fulufhela lufuno lwawe lu sa dzinginyei.

DZIPHISALEMA 17:1

Muṋe washu mpfe! Hufha ndi si na mulandu, ipfa tshililo tshanga! Nḓevhe yau nga i thetshelese thabelo yanga, hufha mulomoni wanga hu si na vhufhura.

DZIPHISALEMA 32:2

Wa mashudu ndi uyo ane Muṋe washu a si tsha mu vhalela milandu, a si na vhufhura mbiluni.

DZIPHISALEMA 51:6

Iwe u tama mbilu ya muthu i tshi vha na ngoho, mpfunze vhuṱali, mbilu yanga i kame ngaho.

MIRERO 15:8

Tshiṱhavhelo tsha muvhi tshi nengisa Muṋe washu; u takalela thabelo ya a si na vhufhura.

LUIMBOIMBO 2:14

Ni songo nnzumbama unga ḽiivha ḽi no dzumbama mapakoni a dzinngwa. Edzonu ri ndi vhone tshifhaṱuwo tshaṋu; tsho naka hani! Ndi pfe ipfi ḽaṋu: ḽi takadza hani!

YESAYA 10:20

Musi wonoyo Vhaisraele vho salaho, tsalela dza nnḓu ya Jakopo, a vha tsha ḓo ḓitika nga lushaka lwe lwa vha lozwa, vha vho ḓo fulufhedzea, vha ḓitika nga Muṋe washu Mukhethwa wa Israele.

YESAYA 29:13

Muṋe wa zwoṱhe o ri, “Havha vhathu vha nnduvha nga milomo, vha nkhulisa nga maipfi, hone mbilu dzavho dzi kule na Nṋe. U nnduvha havho ndi ha zwidayo fhedzi zwe vha funzedzwa nga vhathu.

YESAYA 43:21

Ndi lushaka lwe nda ḓivhumbela lwone; nyimbo dzavho dzi ḓo ḓivhadza zwe nda ita.”

YESAYA 58:2

Misi yoṱhe vha nga vha ṱoḓa Nṋe, vha ḓiita unga vha takalela nḓila dzanga, vha ḓiita lushaka lu no ita zwi re zwone, lu songo furalelaho milayo ya Mudzimu walwo; vha ri vha funa ndi tshi vha sumbedza khaṱhulo i sa ṱaluli, vha nga vha takalela Mudzimu a tshi vha tsini navho.

JEREMIA 3:10

Naho zwo ralo, Juda murathu wawe a sa fulufhedzei ho ngo vhuya kha Nṋe nga mbilu yawe yoṱhe, wo vha u tshi tou vha muhoyo. Ho amba Nṋe Yahavee.”

JEREMIA 4:2

Arali wa ana wa ri, ‘Nga Yahavee a tshilaho’, u ane u ngohoni, u ite zwi re zwone, u haṱule nga khaṱhulo mbuya; ndi hone tshakha dzi tshi ḓo shudufhadzana nga Nṋe dza zuwa Nṋe.”

ESEKIELE 22:30

“ ‘Ndo ṱoḓa muṅwe vhukati havho uri a vuse mutsheṱo, a ime phanḓa hanga he mutsheṱo wa wa, a lwele shango, a nkundise u ḽi lozwa; hone a hu na na we nda mu wana.

JOHANISI 1:17

Mulayo Mudzimu o u ṋea vhathu nga tshanḓa tsha Mushe; vhuthu hawe na ngoho yawe zwa ḓa nga Yesu Khristo.

JOHANISI 12:23

Ene a tshi vha fhindula a ri, “Zwino ndi hone tshifhinga tsho swika tsha uri hu vhonale vhugala ha Mubebwa-nga-muthu.

JOHANISI 16:2

Vha ḓo ni tumula zwivhidzoni. Nahone tshifhinga tshi khou ḓa tshine muthu a ḓo ri a tshi ni vhulaha a vhona unga ndi hone a tshi khou ṋekedza Mudzimu nduvho.

JOHANISI 16:32

Hu khou ḓa tshifhinga – na zwino tsho no ḓi swika – tshine noṱhe na ḓo balanganywa muṅwe na muṅwe a ya hawe, Nṋe na ntsia ndi ndoṱhe. Hone Nṋe a thi ndoṱhe, Khotsi anga u na Nṋe.

JOHANISI 4:21

Yesu a ri, “Vhone musadzi, kha vha tende zwine nda amba: Hu khou ḓa tshifhinga tshine Mudzimu Khotsi na si tsha ḓo mu rabela hafha thavhani hei kana Jerusalema.

JOHANISI 5:25

Thetshelesani ndi ni vhudze: Hu ḓo ḓa tshifhinga – na zwino tsho no ḓi swika – tshine vhafu vha ḓo pfa ipfi ḽa Murwa wa Mudzimu, huno vhenevho vhane vha ḽi pfa vha ḓo tshila.

JOHANISI 5:28

Hezwi zwi songo ni kanukisa; tshifhinga tshi khou ḓa tshine vhafu vha ḓo pfa ipfi ḽawe

VHAROMA 1:9

Mudzimu ndi ṱhanzi: a thi ni hangwi misi yoṱhe ndi tshi rabela. Ene Mudzimu ane nda mu shumela nga mbilu yanga yoṱhe ndi tshi ḓivhadza mafhungo maḓifha a Murwa wawe, u a zwi ḓivha. Tshine nda mu humbela ndi uri arali a tshi funa ndi vhuye ndi vulelwe nḓila ya u ni dalela-vho.

VHAROMA 8:15

Muya we Mudzimu a ni ṋea ha ri iti phuli dzine dza sokou dzula dzi na nyofho, u ri ita vhana vha Mudzimu a ri konisa u vhidzelela ra ri, “Baba, Muṋe wanga!”

VHAROMA 8:26

Nga nḓila yeneyo Muya u ri ṱhaḓula kha u shaya nungo hashu. Riṋe a ri ḓivhi u rabela nga nḓila yo fanelaho. Hone Muya Ene muṋe u tou fhihamelwa a tshi swikisedza zwine maipfi ashu a kundwa u bula.

VHAGALATA 4:6

Huno-ha Mudzimu a ruma Muya wa Murwa wawe a dzhena mbiluni dzashu uri zwi vhonale uri ni vhana vhawe. Ndi onoyo Muya ane a vhidzelela a ri, “Baba, Khotsi anga!”

VHAEFESA 6:18

Zwoṱhe hezwo zwi humbeleni nga thabelo. Dzulani ni tshi rabela ni tshi endedzwa nga Muya Mukhethwa. Zwenezwo dzulani no fhaṱuwa ni sa neti, ni tshi rabelela vhakhethwa vhoṱhe vha Mudzimu,

VHAFILIPI 3:3

A si vhone vho fumbaho lwa ngoho havhaḽa, vho fumbaho lwa ngoho ndi riṋe vhane ra shumela Mudzimu nga maanḓa a Muya wawe ra zuwa Khristo Yesu, ri sa ḓitiki nga hezwo zwa u fumbisa muvhili zwawo,

JOSHUA 24:14

Joshua a isa phanḓa a ri, “Zwinoha, hulisani Muṋe washu ni mu shumele ni tshi fulufhedzea ni si na muhoyo. Laṱani midzimu ye vhomakhulukuku waṋu vha vha vha tshi i luvha ngei seli ha Yufuratha na ngei Egipita, ni shumele Muṋe washu fhedzi.

1 PITROSI 2:9

Hone inwi ni lushaka lwo nangwaho, ni vhotshifhe vha khosi, ni lushaka lukhethwa, ni lushaka lwe Mudzimu a lu ita lwawe; o ni nangela u ḓivhadza mishumo yawe mihulu, ngauri ndi Ene we a ni vhidza na bva swiswini na ḓa tshedzani tshawe tshi kanukisaho.

1 SAMUELE 12:24

Hone ni ofhe Muṋe washu, ni mu shumele nga u fulufhedzea na nga mbilu yoṱhe. Elelwani zwihulu zwe a ni itela zwone.