JOHANISI 4:19 - BIVHILI KHETHWA Mafhungo Madifha

¹⁹ Musadzi uyo a ri, “Muṋe wanga, ndi khou zwi vhona uri vhone vha muporofita.

JOHANISI 4:19 Iomraidhean Croise

2 MAHOSI 5:26

Huno Elisha a mu vhudza a ri, “Muya wanga wo vha u si na inwi zwiḽa uḽa munna a tshi tsa kha gariki yawe a ḓa a ni ṱanganedza? Tshino ndi tshone tshifhinga tsha u dzhia tshelede kana tsha u ṱanganedza zwiambaro na masimu a miolivi na a minḓirivhe na masambi a nngu na masambi a kholomo na phuli dza vhanna na vha vhasadzi?

2 MAHOSI 6:12

Muṅwe wa magota awe a ri, “Thovhele muṋe wanga, a hu na na muthihi washu ane a ima na khosi ya Israele, muporofita Elisha ane a vha Israele ndi ene ane a vhudza khosi ya Israele maipfi e vha amba vhe pfamoni yavho.”

MATIOSI 21:11

Ḽiḽa gogo ḽa fhindula ḽa ri, “Ndi uḽa muporofita, Yesu wa Nazaretha kha ḽa Galelia.”

LUKASI 24:19

Yesu a vhudzisa a ri, “Nṋa ndi zwifhio?” Vhone vha fhindula vha ri, “Ri khou amba zwe zwa itea kha Yesu wa Nazaretha, muporofita we a ḓisumbedza kha zwe a shuma na zwe a amba phanḓa ha Mudzimu na vhathu vhoṱhe e na maanḓa.

LUKASI 7:16

Vhathu vhoṱhe vha farwa nga nyofho, vha khoḓa Mudzimu vha ri, “Ho bvelela muporofita muhulu kha riṋe; Mudzimu o vhavhalela vhathu vhawe!”

LUKASI 7:39

Uyo Mufarisei we a vhidza Yesu a tshi zwi vhona, a ambela mbiluni a ri, “Ngavhe hoyu muthu a vhe muporofita vhukuma o vha a tshi ḓo zwi ḓivha uri uyu musadzi ane a khou mu kwama ndi muthu-ḓe na uri vhutshilo hawe ho tou ita hani, ngauri ndi mutshinyi.”

JOHANISI 4:18

Vhó rali hufha vho no ḓi vha musadzi wa vhanna vhaṱanu. Huno uyo ane vha vha nae zwino, a si munna wavho vhukuma. Vho tou mmbudza yone ngoho.”

JOHANISI 4:29

“Iḓani ni vhone munna we a mmbudza zwoṱhe zwe nda vhuya nda zwi ita. Nṋa a nga vha izwi e si Ene Mesia?”

JOHANISI 6:14

Vhathu vha tshi vhona maḓembe e Yesu a ita vha thoma u ri, “Vhukuma hoyu ndi onouḽa muporofita we a pfi u ḓo ḓa shangoni.”

JOHANISI 7:40

Vhaṅwe vhathu henefho kha gogo ḽeneḽo vha tshi pfa a tshi ralo vha ri, “Nangoho hoyu munna ndi onouḽa Muporofita we a pfi u ḓo ḓa.”

JOHANISI 9:17

Ndi hone vha tshi vho tou dovha vha vhudzisa uyo munna vha ri, “Zwino inwi ni ri mini ngae? Ri amba ngauri ndi inwi we na swinguluswa!” Ene a fhindula a ri, “Nṋe ndi ri ndi muporofita.”

DOTORONOMIO 18:15

“Muṋe washu Mudzimu waṋu u ḓo ni ṋea muporofita a no nga nṋe, Muisraele nga inwi; ni thetshelese ene.