JOHANISI 4:10 - BIVHILI KHETHWA Mafhungo Madifha

¹⁰ Yesu a mu fhindula a ri, “Arali vho vha vha tshi ḓivha zwine Mudzimu a kona u ṋea muthu, na uri a no khou vha humbela maḓi ndi nnyi, vho vha vha tshi ḓo vha vhe vhone vha no khou mu humbela, Ene a vha ṋea maḓi a ṋeaho muthu vhutshilo.”

JOHANISI 4:10 Iomraidhean Croise

DZIPHISALEMA 10:17

Muṋe washu, Iwe wo pfa zwine muheḓana a zwi lila. U ḓo khwaṱhisa mbilu yawe, u dzula wo thetshelesa,

DZIPHISALEMA 46:4

Hu na mulambo wa milonga u takadzaho muḓi wa Mudzimu hu re na nnḓu khethwa ya Waṱaḓuluṱaḓulu.

EKISODA 17:6

Ndi ḓo vha ndo ima phanḓa hau hafhaḽa nṱha ha tombo, thavhani ya Horebe. U rwe tombo, maḓi a ḓo gubunyea a tshi bva khaḽo uri vhathu vha nwe.” Mushe a mbo ita zwenezwo vhahulwane vha Israele vha tshi zwi vhona.

LUIMBOIMBO 4:15

Ni tshisima tshi sheledzaho muṱanga; ni dzivha ḽa maḓi a elaho; ni milambwana i gubunyeaho i tshi bva thavhani ya Libanoni.

YESAYA 12:3

Ni ḓo pembela na ka maḓi zwisimani zwi ṋeaho vhutshilo.”

YESAYA 35:6

zwihole zwa thamuwa unga thutha, zwimuma zwa ṱavha mukosi nga dakalo, maḓi a gubunyea phangani, sogani ha ela milambo;

YESAYA 42:6

u ri, “Ndi Nṋe Yahavee, a thi pfuki mulanga wanga, ndi zwe nda u vhidza; ndi ḓo u fara nga tshanḓa, nda u londola, nda vhofha mulanga na vhathu vhanga nga iwe, nda u ita tshedza tsha dzitshakha,

YESAYA 43:20

Na phukha dza ḓaka, phunguhwe na mphwe, dzi ḓo nkhulisa, ngauri ndi phula maḓi sogani, milambo ya ela phangani, uri vhathu vhanga vhe nda vha nanga vha dzimule ḓora.

YESAYA 44:3

shango ḽo farwaho nga ḓora ndi ḓo ḽi nisela mvula, mavuni o omelelaho ha ela milambwana; ndi ḓo shululela Muya wanga kha vhana vhau, nda shudufhadza vhaḓuhulu vhau.

YESAYA 49:10

a vha tsha ḓo farwa nga nḓala kana vha pfa ḓora; a vha tsha ḓo swa nga ḓuvha na biso ḽa phangani; vha ḓo endedzwa nga ane a vha pfela vhuṱungu, a vha isa zwisimani zwa maḓi.

YESAYA 9:6

Ro bebelwa Ṅwana, ro ṋewa Mutuka. Muvhuso ndi wawe. U pfi Mueletshedzi a kanukisaho, Mudzimu Ramaanḓa, Khotsi wa lini na lini, Khosi ya mulalo.

JEREMIA 2:13

Vhathu vhanga vho ita zwivhi zwivhili: vho furalela Nṋe tshisima tsha maḓi a seluwaho, vha ḓivhumbela nkho dzi re na mitwe dzi sa koni u fara maḓi.”

ESEKIELE 16:35

Zwino-ha iwe phombwe, ipfa ipfi ḽa Muṋe washu.

ZAKARIA 13:1

Muṋe washu Mulangazwoṱhe u ri, “Musi ḓuvha ḽeneḽo ḽi tshi swika hu ḓo phulea tshisima tsha u ṱanzwa nnḓu ya Dafita na vhadzulapo vha Jerusalema, tsha vha ṱanzwa vhutshinyi na dzitshika.

ZAKARIA 14:8

Musi wonoyo hu ḓo ela maḓi a tshilaho a tshi bva Jerusalema, hafu yao a ela a tshi ya lwanzheni lwa vhubvaḓuvha, hafu yao a ela a tshi ya lwanzheni lwa vhukovhela, a ḓo ela tshilimo na vhuriha.

LUKASI 11:13

Arali inwi na vhuvhi haṋu ni tshi kona u ṋea vhana vhaṋu zwivhuya, Khotsi aṋu wa ṱaḓulu u ḓo kundwa ngani u ṋea Muya Mukhethwa vha mu humbelaho?”

JOHANISI 16:3

Vha ḓo ni ita zwithu izwo ngauri hu Nṋe, hu Khotsi, a vha ri ḓivhi.

JOHANISI 17:3

Zwino vhutshilo vhu sa fheli ndi u ḓivha Iwe u re Mudzimu wa ngoho u woṱhe, na Yesu Khristo we Iwe wa mu ruma.

JOHANISI 3:16

Mudzimu shango o ḽi funa zwihulu lwe a vhuya a kumedza Murwa wawe muthihi fhedzi, uri muṅwe na muṅwe ane a mu fulufhela a si lovhe, tshawe hu vhe u wana vhutshilo vhu sa gumi.

JOHANISI 4:14

hone ane a nwa ane Nṋe nda mu fha one ha tsha ḓo dovha a pfa ḓora lini na lini. Ndi uri maḓi ane nda mu ṋea a ḓo vha tshisima tshi no gubunyea maḓi a ṋeaho muthu vhutshilo vhu sa gumi.”

JOHANISI 6:35

Yesu a vha vhudza a ri, “Vhuswa vhu tshidzaho ndi Nṋe; ane a ḓa ha Nṋe ha tsha ḓo dovha a farwa nga nḓala, ane a mpfulufhela ha tsha ḓo dovha a pfa ḓora.

JOHANISI 6:51

Ndi Nṋe honoho vhuswa vhu tshidzaho he ha tou tsa vhu tshi bva ṱaḓulu. Arali muthu a ḽa vhuswa honoho u ḓo tshila lini na lini. Vhuswa vhune nda ḓo mu ṋea ndi muvhili wanga une nda u kumedzela shango uri ḽi kone u tshila.”

MISHUMO 9:11

Muṋe washu a amba nae a ri, “Takuwa u ye nḓuni ya Judasi kha Tshiṱaraṱatswititi. Henefho u humbele u amba na muṅwe munna wa Tharasisi a no pfi Saulo. Nga tshifhinga hetshi u khou rabela,

VHAROMA 8:32

Ene we a si tshivhe na Murwa wawe muthihi fhedzi, a tou mu kovha a tshi ri a fele roṱhe; a tshi ri ṋea Murwa wawe ndi zwine a nga kundwa ngani u ri ṋea zwoṱhe-zwoṱhe naa?

1 VHAKORINTA 1:30

Hone inwi Mudzimu o ni ita vhathihi na Khristo Yesu, we a mu ita vhuṱali hashu, ngauri ndi Ene vhuvhuya hashu na vhukhethwa hashu na u rengululwa hashu.

1 VHAKORINTA 10:4

vhoṱhe vha nwa tshenetsho tshinwiwa tsha muya, vha nwa zwi tshi gubunyea kha tombo ḽa muya ḽe ḽa vha ḽi tshi tshimbila navho. Tombo iḽo o vha e Khristo Ene muṋe.

2 VHAKORINTA 9:15

Nga ri livhuhe Mudzimu we a ri ṋea tshifhiwa tshine luambo lwa vhathu lwa kundwa u tshi ṱalutshedza!

VHAEFESA 2:8

Asizwo-ha, no tshidzwa nga khathutshelo ya Mudzimu, nga u fulufhela Ene; a zwi bvi kha inwi, i tou vha mpho ya Mudzimu.

VHAHEBERU 6:4

Ndi uri havho vhe vha vhuya vha vhonetshelwa, vha thetshedzwa muḓifho wa mpho dza ṱaḓulu vha ṱanganedza-vho Muya Mukhethwa,

1 JOHANISI 5:20

Hone ri dovha ra ḓivha uri Murwa wa Mudzimu o ḓa shangoni, huno Ene o ri ṋea ṱhalukanyo ya u ṱalukanya Mudzimu wa ngoho. Zwenezwo ro no vha vhathihi na Mudzimu wa ngoho na Murwa wawe Yesu Khristo. Ene ndi Ene Mudzimu wa ngoho, ndi Ene a no ri fha vhutshilo vhu sa gumi.

NZUMBULULO 21:6

A dovha a ri, “Zwo khunyelela! Ndi Nṋe Alfa na Omega, ndi Nṋe mathomo na magumo. A re na ḓora ndi ḓo mu tendela u nwa tshisimani tsha maḓi a ṋeaho vhutshilo, á songo bvisa tshithu.

NZUMBULULO 22:17

Muya na muselwa vha ri, “Iḓa!” Ane a zwi pfa nga a ri, “Iḓa!” A no pfa ḓora kha a ḓe! Ane a funa a ṱangandedze maḓi a ṋeaho vhutshilo; a wanala nga fhedzi!

NZUMBULULO 7:17

“Ngwana i re vhukati ha khuluṋoni i ḓo vha lisa, ya vha endedza ya vha isa zwisimani zwa maḓi a ṋeaho vhutshilo. Mudzimu Ene u ḓo vha fhuluṱa miṱodzi.”