JOHANISI 3:4 - BIVHILI KHETHWA Mafhungo Madifha

⁴ Ṋegodima a fhindula a ri, “Nṋa zwi nga itea hani uri muthu a dovhe a bebwe o no ḓi vha mukalaha? Kani-ha zwi a konadzea uri a vhuelele muvhilini wa mme awe a bebwe lwa vhuvhili?”

JOHANISI 3:4 Iomraidhean Croise

JOHANISI 3:3

Yesu a fhindula a ri, “Zwino kha vha pfe-ha: a hu na muthu ane a nga kona u vhona muvhuso wa Mudzimu arali a songo tou thoma a bebwa nga huswa, zwi tshi bva ṱaḓulu.”

JOHANISI 3:5

Yesu a ri, “Zwino kha vha dzou pfa: a hu na ane a ḓo dzhena muvhusoni wa Mudzimu arali a sa athu bebwa zwi tshi bva kha maḓi na Muya Mukhethwa.

JOHANISI 6:53

Yesu a vha vhudza a ri, “Zwino ipfani-ha: Na sa ḽa muvhili wa Mubebwa-nga-muthu, na nwa na malofha awe, a ni nga koni u vha na vhutshilo kha inwi.

JOHANISI 6:60

Vhanzhi vha vhafunziwa vhawe vha tshi pfa a tshi ralo vha ri, “Pfunzo hei i konḓa nga maanḓa; i nga ṱanganedzwa nga nnyi?”

1 VHAKORINTA 1:18

Vha re nḓilani ya u lovha, mafhungo a tshifhambano vha pfa hu u fhafhaḓa, hone riṋe vhane ra khou ya u tshidzwa ri vhona e one a sumbedzaho maanḓa a Mudzimu,

1 VHAKORINTA 2:14

Muthu nga tsiko yawe ha ṱanganedzi zwa Muya wa Mudzimu. Ene u vhona zwi zwa vhutsilu. Na u kona ha koni u zwi ṱalukanya, zwi ṱanḓulukanywa nga we a funzedzwa nga Muya.