JOHANISI 3:32 - BIVHILI KHETHWA Mafhungo Madifha

³² Ene u ṱanzilela zwe a tou zwi vhona na zwe a tou zwi pfa, hu ro sa vha na ane a tenda vhuṱanzi hawe.

JOHANISI 3:32 Iomraidhean Croise

YESAYA 50:2

Khezwi ndi tshi ḓi ḓa ha inwi nda si wane muthu? Ndi tshi ḓi vhidzelela, ndi mini hu si na we a fhindula? Kani-ha tshanḓa tshanga ndi tshipfufhi, a tshi koni u ni vhofholola? A thi na nungo dza u ni tshidza naa? Ndi nadzo! Nda kaidza lwanzhe lu a xa, milambo ya oma ya nga phanga, khovhe dza fa nga ḓora dza sina nga u shaya maḓi.

YESAYA 53:1

Ndi nnyi ane a nga tenda zwe ra zwi pfa? Ndi nnyi we a dzumbululelwa uri ndi maanḓa a Muṋe washu ayo?

MATIOSI 7:8

Ane a dzula a tshi humbela, Mudzimu u ḓo vhuya a mu fha; ane a ṱoḓa u ḓo wana; ane a khokhonya u ḓo vhuya a vulelwa vothi.

JOHANISI 1:11

O ḓa shangoni ḽawe, hone vha hawe vha si mu ṱanganedze.

JOHANISI 15:15

A thi tsha tou ri ni dziphuli ngauri phuli a i vhudzwi zwine muṋe wayo a ita. Nṋe-ha ndi vho tou ri ni dzikhonani, ngauri ndo ni vhudza zwoṱhe zwe nda pfa nga Khotsi anga.

JOHANISI 18:37

Pilato ndi hone a tshi mu vhudzisa a ri, “Zwi amba uri u vha khosi ni khosi?” Yesu a fhindula a ri, “Ndi vhone vha no khou ri ndi khosi. Nṋe ndi tshi bebiwa na musi ndi tshi ḓa shangoni ndo ḓela tshithu tshithihi fhedzi: Ndo ḓela u ṱanzilela ngoho. Ane a vha wa ngoho u a mpfa.”

JOHANISI 3:11

Zwino kha vha dzou pfa-ha: riṋe ri amba tshine ra tshi ḓivha nahone ri ṱanzilela zwe ra tou vhona; hone inwi a no ngo ṱanganedza vhuṱanzi hashu.

JOHANISI 3:26

Ndi hone vha tshi ya ha Johanisi vha mu vhudza vha ri, “Vhafunzi, vha kha ḓi humbula uḽa munna we vha vha vhe nae zwiḽa ri ngei seli ha Jorodani? Ri amba uḽa we vha mu ṱanziela. Zwino onouḽa munna u khou lovhedza-vho nahone vhathu vhoṱhe vha vho khunyelela khae!”

JOHANISI 3:33

Hone we a tenda vhuṱanzi hawe o khwaṱhisa uri Mudzimu u a fulufhedzea.

JOHANISI 5:20

ngauri Khotsi u funa Murwa nahone u mu sumbedza zwoṱhe zwine Ene a ita. U kha ḓi ḓo mu itisa zwihulu zwi fhiraho hezwi, inwi na ḓo sala no kanuka.

JOHANISI 8:26

Hu tshee na zwinzhi zwe nda vha ndi tshi nga zwi amba nda ni haṱula ngazwo. Hone zwino shango ndi khou tou ḽi vhudza fhedzi zwe nda pfa nga o nthumaho; huno Ene u a fulufhedzea.”