JOHANISI 3:3 - BIVHILI KHETHWA Mafhungo Madifha

³ Yesu a fhindula a ri, “Zwino kha vha pfe-ha: a hu na muthu ane a nga kona u vhona muvhuso wa Mudzimu arali a songo tou thoma a bebwa nga huswa, zwi tshi bva ṱaḓulu.”

JOHANISI 3:3 Iomraidhean Croise

JEREMIA 5:21

‘Yahavee u ri: Edzonu pfa, inwi matsilu a sa ṱalukanyi tshithu: ni na maṱo, ha vhoni, ni na nḓevhe, a dzi pfi.

ESEKIELE 36:26

Ndi ḓo ni ṋea mbilu ntswa, nda dzhenisa muya muswa ngomu haṋu; ndi ḓo bvisa mbilu ya tombo muvhilini waṋu, nda ni ṋea mbilu ya ṋama.

MATIOSI 16:17

Yesu a mbo ri, “Ni na mashudu Simoni ṅwana wa Jonasi; a si muthu wa ṋama o ni dzumbululelaho hezwo, ndi Khotsi anga wa ṱaḓulu.

MATIOSI 19:24

Ndi khou dovha nda khwaṱhisa nda ri: u dzhena ha mupfumi muvhusoni wa Mudzimu zwi ḓo konḓa u fhira gamela i tshi edzisa u fhira nga buli ḽa ṋeleṱe.”

MATIOSI 21:31

Zwino kha havha vhavhili ndi nnyi we a ita zwine khotsi awe a zwi funa?” Vhaḽa vha fhindula vha ri, “Ndi uḽa wa u thoma.” Yesu a vha vhudza a ri, “Thetshelesani ndi ni vhudze: vhathelisi vhadzia-u-ṱangula vhathu, na dziphombwe, vha ḓo dzhena muvhusoni wa Mudzimu inwi ni sa athu.

MATIOSI 5:18

Zwino ipfani-ha: ḽiṱaḓulu na ḽifhasi zwi nga kha ḓi lovha, hone kha Mulayo hu nga si lovhe na ‘i’ nthihi kana kuswayo zwakwo; zwi ḓo khunyeledzwa zwoṱhe.

MARKOSI 10:14

Yesu a tshi zwi vhona a dinalea, a vhudza vhafunziwa vhawe a ri, “Litshani vhana vha ḓe kha Nṋe. Ni songo vha dzivhisa, ngauri vhane vha ḓo dzhena muvhusoni wa Mudzimu ndi vha no nga vhenevha.

MARKOSI 9:47

Arali iṱo ḽau ḽi tshi ita uri u shandukele Mudzimu, ḽi nongole! Ndi khwiṋe u dzhena muvhusoni wa Mudzimu u na iṱo ḽithihi, u fhira u poswa heleni u na maṱo mavhili.

JOHANISI 1:13

vhá songo tsha tou bebwa nga malofha kana nga u tamana ha vhathu zwavho kana nga u funa ha munna, vho tou bebwa nga Mudzimu Ene muṋe.

JOHANISI 1:5

Tshedza tshi vhonetshela swiswini, hone swiswi a ḽo ngo vhuya ḽa tshi dzima.

JOHANISI 1:51

A vha vhudza a ri, “Zwino ipfani-ha: ni ḓo vhona ḽiṱaḓulu ḽo vulea, vharuṅwa vha Mudzimu vha tshi gonya vha tshi tsela kha Mubebwa-nga-muthu!”

JOHANISI 12:40

“Mudzimu o swingisa maṱo avho, mbilu dzavho a rindidza, uri maṱo avho a si vhone, mbilu dzavho dzi si ṱalukanye, vha sa vho ḓo rembuluwa vha vhuelela ha Nṋe, Nṋe nda vho ḓo vha fhodza.”

JOHANISI 3:4

Ṋegodima a fhindula a ri, “Nṋa zwi nga itea hani uri muthu a dovhe a bebwe o no ḓi vha mukalaha? Kani-ha zwi a konadzea uri a vhuelele muvhilini wa mme awe a bebwe lwa vhuvhili?”

2 VHAKORINTA 4:4

Vhenevho a vha tendi, ngauri mihumbulo yavho yo swifhadzwa nga mudzimu wa misi ino mivhi, uri vha si vhonetshelwe nga tshedza tsha mafhungo maḓifha. One a amba vhugala ha Khristo a re Ene tshifanyiso tsha Mudzimu.

2 VHAKORINTA 5:17

Zwino-ha arali muthu o vha muthihi na Khristo ndi tsiko ntswa; ya kale yo fhela, ho ḓa ntswa.

VHAGALATA 6:15

U fumba na u sa fumba a zwi na mushumo; tshililelwa ndi tshithihi: ndi u vha tshisikwa tshiswa.

VHAEFESA 2:1

Na inwi kale no vha ni vhafu, ni vhapfuki vha mulayo, ni vhatshinyi.

DOTORONOMIO 29:4

Naho zwo ralo, Muṋe washu ha athu ni ṋea ṱhalukanyo na maṱo a u vhona na nḓevhe dza u pfa, na ṋamusi.

TITOSI 3:5

o ri tshidza. Ho ngo ri tshidza nge ra ita zwivhuya, ndi tshilidzi tshawe. O zwi ita nga u ri ṱanzwa vhutshinyi a tshi ri beba nga huswa, na nga Muya Mukhethwa ane a ri ṋea vhutshilo vhuswa.

JAKOPO 3:17

Hone vhuṱali vhu bvaho kha Mudzimu tsha u ranga ho kuna, nahone vhu na mulalo, vhu na vhuthu, vhu ṱanganedza mihumbulo ya muṅwe, vhu na tshilidzi tshihulu na mishumo mivhuya minzhi, a vhu na tshiṱalula, a vhu na muhoyo.

1 PITROSI 1:3

Kha ri rende Mudzimu, Khotsi a Muṋe washu Yesu Khristo. O ri khathutshela zwihulu a ri beba nga huswa uri ri vhe na zwe ra fulufhela zwine zwa ḓo vha vhutshilo hashu, ri vhe na ifa ḽi sa ṱahali, ḽi sa siḓufhali, ḽi sa haluluwi, ḽe a ni vhulungela ngei ṱaḓulu. Hezwo ro kona u zwi wana nge Yesu Khristo a vuswa vhafuni.

1 JOHANISI 2:29

Vhunga ni tshi ḓivha uri Ene ndi muvhuya, ni ḓo zwi ḓivha-vho uri ane a ita zwi re zwone o bebwa nga Mudzimu.

1 JOHANISI 3:9

O bebwaho nga Mudzimu ha tsha endela u tshinya, ngauri mbeu ye Mudzimu a mu beba ngayo i dzula i ngomu hawe. Nahone a zwi tsha konadzea uri a endele u tshinya; hufha o bebwa nga Mudzimu.

1 JOHANISI 5:1

Ane a tenda uri Yesu ndi Mesia, onoyo o bebwa nga Mudzimu; huno ane a funa Mudzimu o mu bebaho, tshawe ndi u funa na vhaṅwe vho bebwaho nga Khotsi onoyo muthihi.

1 JOHANISI 5:18

Ri a ḓivha uri o bebwaho nga Mudzimu ha endeli u tshinya; Murwa wa Mudzimu u ḓi mu tsireledza uri Muvhi a si mu kone.

1 JOHANISI 5:4

hufha o bebwaho nga Mudzimu a tshi kunda zwa shango. Tshine ra kunda ngatsho ndi lutendo lwashu.

NZUMBULULO 3:14

“Ṅwalela muḓinḓa a re tshivhidzoni tsha Laodikia u ri, ‘Uḽa Amen, a re ṱhanzi i fulufhedzeaho ine ya ḓi amba ngoho, we Mudzimu a sika zwoṱhe ngae, u ri: