JOHANISI 3:25 - BIVHILI KHETHWA Mafhungo Madifha

²⁵ Zwino ha vuwa khani vhukati ha vhafunziwa vha Johanisi na muṅwe Mujuda vha sa anḓani kha zwa mulayo wa u ḓikumulula.

JOHANISI 3:25 Iomraidhean Croise

MATIOSI 3:11

“Nṋe ndi ni lovhedza nga maḓi u sumbedza uri no laṱa vhuvhi haṋu, fhedzi hu si kale hu ḓo ḓa ane a mphira kule, lune ndi si vhuye nda fanela na u mu farela navhula dzawe; Ene u ḓo ni lovhedza nga Muya Mukhethwa na nga mulilo.

MARKOSI 7:8

“Na inwi ni ralo: ni litsha Mulayo wa Mudzimu, na fara zwidayo zwa vhathu.”

JOHANISI 2:6

Zwino henefho ho vha hu na nkho ṱhanu na nthihi dza matombo dze dza vha dzi tshi fara maḓi a u ḓikumulula nga maitele a Tshijuda. Nkho iṅwe na iṅwe yo vha i tshi ḓala nga litha dzine dza nga lingana 80 u swika dza 120.

VHAHEBERU 6:2

na u ṱanzwiwa dzitshika, na u vhewa zwanḓa, na u vuwa ha vhafu, na u haṱulelwa zwi sa gumi. Hone ri songo ṱwa ri tshi dovha na u dovha u tea muteo,

VHAHEBERU 9:10

Haya a tou vha mafhungo a zwiḽiwa na zwinwiwa na maitele o fhambanaho a u ḓikumulula; i tou vha milayo i kwamaho zwa nga nnḓa, ine ya shuma u swika Mudzimu a tshi ḓo vhekanya zwoṱhe nga huswa.

VHAHEBERU 9:23

Khezwo-ha, hezwino zwine zwa tou fanyisedza zwa ngei ṱaḓulu zwi kumululwa nga u ralo, zwone zwiṋe zwa ngei ṱaḓulu a zwi lili u kumululwa nga zwipfumelo zwa khwiṋe naa?

1 PITROSI 3:21

Hezwo zwi fanyisedza ndovhedzo, ine inwi na tshidzwa ngayo zwino. Ndovhedzo a si u ṱanzwiwa tshika dza muvhili, hu tou vha u humbela Mudzimu uri ri ṱanzwiwe vhutshinyi, luvalo lwa sala lwo ṱamba. Hezwo zwi a konadzea nge Yesu Khristo a vuwa vhafuni.