JOHANISI 3:21 - BIVHILI KHETHWA Mafhungo Madifha

²¹ ane a ita zwi re zwone, ene u a ḓa tshedzani, uri hu vhonale uri zwe a ita o zwi ita zwi tshi bva ha Mudzimu.”

JOHANISI 3:21 Iomraidhean Croise

DZIPHISALEMA 119:105

Ipfi ḽau ḽi vhonetshela hune nda tshimbila, ḽa vha luvhone nḓilani yanga.

DZIPHISALEMA 119:80

Ngavhe mbilu yanga i sa pfuki zwe wa vhofha, ndi sa ḓo shoniswa.

YESAYA 26:12

Muṋe washu, u ri ladzela shango; zwoṱhe zwe ra shuma ro koniswa nga Iwe.

YESAYA 8:20

Inwi tshaṋu kha hu vhe u humela kha pfunzo ya Mudzimu na vhuṱanzi hawe. Vha sa tevhedzi zwenezwo a vha tsha ḓo vhona mapfuvhi a tshi tswuka.

HOSIA 14:8

Efraimi, u kha ḓi vha na mushumo-ḓe na midzimu? Ndi ḓo u fhindula nda u londola. Ndi nga muṱaululo u no dzula u mudala; mashudu au a bva kha Nṋe.”

JOHANISI 1:47

Yesu a tshi vhona Nathaniele a tshi khou ḓa khae a ri, “Muisraele vhukuma ngoyu-ha, muthu a si na vhufhura!”

JOHANISI 3:20

Ndi uri vhaitazwivhi vha vhenga tshedza nahone a vha ḓi khatsho, ngauri vha ofha uri mishumo yavho i nga ḓo vhonololwa;

JOHANISI 5:39

Ni fhenḓa Maṅwalo ni tshi ri ni ḓo wana vhutshilo vhu sa gumi khao, ngeno eneo Maṅwalo a tshi amba Nṋe!

JOHANISI 7:17

Ane a ḓiimisela u ita zwine Mudzimu a funa u ḓo zwi ḓivha uri zwine nda funza a si zwanga, ndi zwa Mudzimu.

1 VHAKORINTA 15:10

Ndi vhuthu ha Mudzimu fhedzi ni tshi mmbona ndo rali; nahone ho ngo nkhathutshela zwa guma henefho, nṋe ndo shuma u fhira vhoṱhe – hone hu si nṋe, ho shuma vhuthu ha Mudzimu he a nnyitela.

2 VHAKORINTA 1:12

Tshine ra zuwa ndi tshithihi asitshi: ngomu mbiluni dzashu ri ḓivha uri kutshilele kwashu fhano shangoni kwo vha ku si kwa tshidzumbe na vhufhura, kwo vha ku tshi sumbedza u fulufhedzea hune ha bva ha Mudzimu, zwihulu kha u tshilisana hashu na inwi. Hezwo a zwo ngo bva kha vhuṱali ha vhathu, vhu tou vha vhuthu ha Mudzimu.

VHAGALATA 6:8

Arali a zwala nyemulo dza tsiko yawe, u kaṋa lufu; hone arali a zwala zwa Muya Mukhethwa u kaṋa vhutshilo vhu sa gumi.

VHAEFESA 5:9

ngauri mitshelo ya tshedza ndi vhuthu na vhuvhuya na ngoho.

VHAFILIPI 1:11

mitshelo yaṋu i mishumo mivhuya fhedzi ye Yesu Khristo a ni aṋwisa ine ya ita uri Mudzimu a rendwe, a khoḓwe.

VHAFILIPI 2:13

ngauri ndi Mudzimu ane a zwi shuma kha inwi. Hu u funa u ita zwe Mudzimu a dzudzanya, hu u zwi khunyeledza, ndi Ene Mudzimu ane a ni konisa.

VHAKOLOSA 1:29

Ndi zwone zwine nda tou kakarika nga nungo dzoṱhe dze Mudzimu a mpha, dzine dza shuma kha nṋe.

VHAHEBERU 13:21

Ngavhe Ene a tshi ni konisa u ita zwivhuya zwoṱhe uri ni dzule ni tshi ita zwine a zwi funa, a ri ite zwine a funa ri tshi vha zwone nga Yesu Khristo, ane vhugala ha vha hawe lini na lini. Amen.

1 PITROSI 1:22

No thetshelesa ngoho ha vha u ṱamba mbilu na thoma u funana ni sa hoyi. Ndi zwone, funanani nga mbilu yoṱhe,

1 JOHANISI 1:6

Zwenezwo arali ri tshi ri ri vhathihi nae, hone ri tshi ḓi tshila swiswini, ndi mazwifhi fhedzi, ro no bva ngohoni.

3 JOHANISI 1:11

Khonani yanga, ni songo edzisa zwo vhifhaho, edzisani zwivhuya. Ane a ita zwivhuya ndi wa Mudzimu. A itaho zwo vhifhaho ha athu vhuya a vhona Mudzimu.

NZUMBULULO 3:15

Zwoṱhe zwine na ita ndi a zwi ḓivha: hu u fhisa a ni fhisi, hu u rothola a ni rotholi. Zwo vha zwi khwiṋe ni tshi fhisa kana ni tshi rothola zwaṋu.