JOHANISI 3:2 - BIVHILI KHETHWA Mafhungo Madifha

² Onoyo o vhuya a ya ha Yesu vhusiku a ri, “Vhafunzi vhanga, ri a zwi ḓivha uri vhone vho tou ruṅwa nga Mudzimu u ḓa u funza vhathu, ngauri a hu na muthu ane a nga kona u ita haya maḓembe ane vhone vha ita arali Mudzimu a si nae.”

JOHANISI 3:2 Iomraidhean Croise

1 MAHOSI 17:24

Ndi hone uyo musadzi a tshi amba na Elia a ri, “Zwino ndi vho zwi ḓivha uri vha muḓinḓa wa Mudzimu na uri ipfi ḽine vha amba ndi ḽa Yahavee vhukuma.”

YESAYA 51:7

“Nthetsheleseni, inwi vhane na ḓivha zwi re zwone, inwi vhane pfunzo yanga ya dzula mbiluni dzaṋu! Vhathu vha tshi ni kolela, vha tshi hi sema, ni songo tshenuwa, ni songo ofha;

JEREMIA 38:16

Hone khosi Tsedekia a anela Jeremia tshiphirini a ri, “Ndi ana nga Muṋe washu a tshilaho we a ri ṋea mufemo, ndi ri, ndi nga si u vhulahe, ndi nga si u kumedze vhane vha khou ṱoḓa u u vhulaha.”

MATIOSI 22:16

Vha ruma vhaṅwe vha vhafunziwa vhavho khathihi na vhaṅwe vha ḽihoro ḽa Herude. Vhenevho vha mu vhudzisa vha ri, “Vhafunzi, ri a zwi ḓivha uri vhone vha munna a fulufhedzeaho, tshavho ndi u funza nḓila yone-yone ine Mudzimu a funa vhathu vha tshi tshila ngayo; vha tshi amba a vha thomi u sedza uri ndi nnyi, ngauri a vha ṱaluli muthu.

MATIOSI 23:7

Vha funa u loshwa khoroni na u pfi ‘Vhafunzi!’

MATIOSI 23:8

Fhedzi inwi ni songo tenda u pfi ‘Vhafunzi’; mufunzi waṋu ndi muthihi, inwi noṱhe ni tou vha vharathu na vhakomana.

MARKOSI 12:14

Vha swika khae vha ri, “Vhafunzi, ri a zwi ḓivha uri vhone vha munna a fulufhedzeaho; vha tshi amba a vha thomi u sedza uri hu na nnyi; a vha ṱaluli muthu; tshavho ndi u funza nḓila yone-yone ine Mudzimu a funa vhathu vha tshi tshila ngayo. Kha vha ri vhudze-vho: Nṋa zwo tendelwa u thela muthelo wa Khisara naa? Ro fanela u thela kana a ro ngo fanela naa?”

JOHANISI 1:38

Yesu a tshi rembuluwa a vhona vha tshi khou mu tevhela, a vha vhudzisa a ri, “Nṋa ni khou ṱoḓa mini?” Vhone vha fhindula vha ri, “Rabi, nṋa vha dzula ngafhi?” (Rabi ndi u ri Vhafunzi).

JOHANISI 10:38

Hone arali ndi tshi khou ita yone, fulufhelani-ha yone mishumo, naho Nṋe ni sa mpfulufheli, ndi hone ni tshi ḓo vhona na mbo ḓi ḓivha tshoṱhe uri Khotsi u kha Nṋe, Nṋe ndi kha Khotsi.”

JOHANISI 12:37

Naho o vha o vha sumbedza zwiga zwa maḓembe mangafho, vha tshi tou zwi vhona nga maṱo, a vho ngo mu fulufhela,

JOHANISI 14:10

Kani inwi a ni tendi uri Nṋe ndi kha Khotsi, Khotsi u kha Nṋe? Maipfi ane nda ni vhudza ha bvi kha Nṋe muṋe; ndi a Khotsi ane a dzula kha Nṋe a tshi shuma mishumo yawe.

JOHANISI 15:24

Vho vha vha tshi ḓo vha vha si na mulandu ngavhe ndi si ḓe khavho nda shuma mishumo i sa athu shuṅwa nga muṅwe muthu; zwino zwe nda shuma vho zwi vhona; naho zwo ralo, hu Nṋe, hu Khotsi anga, vha ḓi ri vhenga.

JOHANISI 2:11

Enea maḓembe Yesu o a ita muḓini wa Kana vunduni ḽa Galelia tsha vha tshiga tsha u thoma. Henefho ndi hone he a sumbedza vhugala hawe, na vhafunziwa vhawe vha mu fulufhela.

JOHANISI 20:16

Yesu a ri, “Maria!” Ene a rembuluwa a aravha nga Tshiheberu a ri, “Rabuni!” (Zwine zwa amba uri “Mufunzi wanga!”)

JOHANISI 3:26

Ndi hone vha tshi ya ha Johanisi vha mu vhudza vha ri, “Vhafunzi, vha kha ḓi humbula uḽa munna we vha vha vhe nae zwiḽa ri ngei seli ha Jorodani? Ri amba uḽa we vha mu ṱanziela. Zwino onouḽa munna u khou lovhedza-vho nahone vhathu vhoṱhe vha vho khunyelela khae!”

JOHANISI 4:31

Vhafunziwa vhone vho vha vha tshi khou humbela Yesu vha tshi ri, “Vhafunzi, a vha thomi u ṅwata zwavho?”

JOHANISI 5:36

Huno-ha Nṋe ndi na vhuṱanzi vhune ha fhira ha Johanisi: Mishumo ine nda ita ndi tshi khunyeledza zwe nda laedzwa nga Khotsi anga, ndi yone i nṱanzilelaho ya sumbedza uri ndi Ene o nthumaho.

JOHANISI 6:2

A tevhelwa nga gogo ḽihulu vhunga vho vha vha tshi vhona maḓembe awe a tshi fhodza vhalwadze.

JOHANISI 7:31

Hone vhanzhi kha gogo ḽeneḽo vha mu fulufhela vha ri, “Kani Mesia a tshi ḓa u kha ḓi ḓo ita maṅwe maḓembe a fhiraho e uyu a ita?”

JOHANISI 9:16

Vhaṅwe Vhafarisei vha ri, “Muthu we a ita zwithu izwo a nga si vhe a tshi bva ha Mudzimu; hufha a sa tevhedzi mulayo wa Sabatha!” Hone vhaṅwe vha ri, “Nṋa muthu wa mutshinyi a nga kona hani u ita maḓembe mangafhangafha?” Vha tshi ralo ha mbo ḓi vha u fhandekana havho.

MISHUMO 10:38

Ndi amba zwa Yesu wa Nazaretha we Mudzimu a mu ta a mu ṋea Muya Mukhethwa na maanḓa, a tshimbila hoṱhe a tshi tonda vhathu khathihi na u fhodza vhoṱhe vhe vha vha vho tsikeledzwa nga diabolo, ngauri Mudzimu o vha e nae.

MISHUMO 2:22

“Vhaisraele vha hashu, edzonu pfa! Yesu wa Nazaretha ndi munna we Mudzimu a sumba nga maḓembe na mishumo i kanukisaho na zwiga zwe a ita ngae uri ni mu ḓivhe; hezwi inwi vhaṋe ni a zwi ḓivha vhunga zwo itwa ni tshi zwi vhona.

VHAFILIPI 1:14

Nahone u vha hanga dzhele zwo ita uri vhunzhi ha vhatendi vha fulufhelaho Muṋe washu vha khwaṱhele u amba ipfi ḽa Mudzimu vha sa ofhi.

VHARANGAPHANḒA 6:27

Ndi hone Gidioni a tshi dzhia vhashumi vhawe vha fumi a ita zwe Muṋe washu a mu vhudza. O vha a tshi ofha vha muṱa wawe na vhathu vha muḓana wa hawe, ndi zwe a zwi ita vhusiku hu si masiari.