JOHANISI 3:18 - BIVHILI KHETHWA Mafhungo Madifha

¹⁸ “Ane a mu ṱanganedza ha nga haṱulwi; ane a mu landula, Ene o no ḓi haṱulwa nge a landula Murwa muthihi fhedzi wa Mudzimu.

JOHANISI 3:18 Iomraidhean Croise

MARKOSI 16:16

Ane a a tenda a lovhedzwa u ḓo tshidzwa. Ane a si a tende u ḓo laṱwa.

JOHANISI 1:12

Hone vhoṱhe vhe vha mu ṱanganedza vha mu fulufhedza, o vha ṋea pfanelo ya u vha vhana vha Mudzimu,

JOHANISI 1:18

A hu na na muthihi o no vhuyaho a vhona Mudzimu; we a ita uri vhathu vha mu ḓivhe ndi Mubebwa-e-eṱhe, Mudzimu ngae, ane a vha tsini-tsini ha Khotsi.

JOHANISI 20:31

Hezwi zwo ṅwalwaho hafha zwo ṅwalelwa uri inwi ni tende uri Yesu ndi Ene Mesia Murwa wa Mudzimu, na uri nga u tenda honoho ni kone u wana vhutshilo ngae.

JOHANISI 3:16

Mudzimu shango o ḽi funa zwihulu lwe a vhuya a kumedza Murwa wawe muthihi fhedzi, uri muṅwe na muṅwe ane a mu fulufhela a si lovhe, tshawe hu vhe u wana vhutshilo vhu sa gumi.

JOHANISI 3:36

Ane a fulufhela Murwa u na vhutshilo vhu sa gumi, hone ane a sa mu pfe ha nga tshili; ṱhamu ya Mudzimu a i mu ṱutsheli.

JOHANISI 5:24

“Zwino ipfani-ha: ane a thetshelesa maipfi anga, a tenda zwa we a nthuma, u na vhutshilo vhu sa gumi. Onoyo ha tsha haṱulwa, o bva lufuni a pfukela vhutshiloni.

JOHANISI 6:40

Zwine Khotsi anga a funa ndi uri vhoṱhe vhane vha vhona Murwa vha mu fulufhela, vha vhe na vhutshilo vhu sa fheli, Nṋe nda ḓo konou vha vusa vhafuni nga ḓuvha ḽa vhufhelo.”

JOHANISI 6:47

Zwino ipfani-ha: a mpfulufhelaho u na vhutshilo vhu sa gumi.

VHAROMA 5:1

Zwino ri tshi vho pfi vhavhuya nga u fulufhela Yesu, ro pfumedzanywa-ha na Mudzimu nga Muṋe washu Yesu Khristo.

VHAROMA 8:1

Zwino-ha vha re vhathihi na Khristo Yesu a vha tsha laṱwa.

VHAROMA 8:34

Ndi nnyi ane a vha laṱa? Hufha Khristo Yesu o fa; hufha na u vuwa o vuwa; hufha e thungo ya tshanḓa tshauḽa tsha Mudzimu a tshi khou ḓi ri pfumelela.

VHAHEBERU 12:25

Ni vhone-ha uri a tshi amba ni si dzingise nḓevhe. Vhaḽa vhe vha si thetshelese a tshi vha vhudza ndaela ya Mudzimu fhano fhasi a vho ngo ponyoka ṱhamu, zwino riṋe ri nga ponyoka hani arali ri sa zwi londi a tshi amba e ngei ṱaḓulu?

VHAHEBERU 2:3

Zwino-ha riṋe ri ḓo ponyoka hani arali ri sa londi u tshidzwa hohu hungafhangafha? Ro thoma u hu ḓivhadzwa nga Muṋe washu Ene muṋe, zwa sala zwi tshi khwaṱhiswa nga vhe vha mu pfa.

VHAHEBERU 3:19

Zwi khagala: tsho vha kundisaho u dzhena ndi u landula Mudzimu.

1 JOHANISI 3:23

Ndaela yawe ndi ya uri ri fulufhele Murwa wawe Yesu Khristo, na u funana roṱhe sa zwe Khristo a ri laya.

1 JOHANISI 4:9

Zwe Mudzimu a ri dzumbululela lufuno lwawe ngazwo asizwi: o ruma Murwa wawe muthihi fhedzi fhano shangoni uri riṋe ri wane vhutshilo ngae.

1 JOHANISI 5:10

Ane a fulufhela Murwa wa Mudzimu u pfa vhuṱanzi honoho mbiluni yawe. A sa tendi Mudzimu izwo u ri Mudzimu u a zwifha; hufha a songo tenda vhuṱanzi he Mudzimu a ṱanziela nga Murwa wawe Ene muṋe.

1 JOHANISI 5:12

A na Murwa u na vhutshilo; a si na Murwa wa Mudzimu ha na vhutshilo.