JOHANISI 3:14 - BIVHILI KHETHWA Mafhungo Madifha

¹⁴ “U nga Mushe o imisela ṋowa nṱha sogani yó fhahewa kha thanda, na Mubebwa-nga-muthu o fanela u ḓo imiselwa nṱha nga u ralo,

JOHANISI 3:14 Iomraidhean Croise

2 MAHOSI 18:4

O thutha zwitembele zwa zwikwarani, a pwashekanya matombo a zwitungulo, a remekanya thanda dza Ashera mudzimu wa musadzi. A ita na u vunḓekanya ṋowa ya musinaseṱha ye ya fuliwa nga Mushe, ngauri u swika zwenezwo Vhaisraele vho vha vha tshi ḓi i dubisela zwioro. Ṋowa iyo yo vha i tshi pfi Nehushthani.

DZIPHISALEMA 22:16

Mmbwa na dzone dzo ntinga, ndo thathedzwa nga tshigwada tsha vhavhi, vho rumbula zwanḓa zwanga na ṋayo dzanga,

YESAYA 11:10

Musi wonoyo Ḓadzwane ḽa Isai ḽi ḓo ima ḽa vha tshiga kha dzitshakha, a ṱoḓwa nga vhoṱhe, vha khunyelela musanda wawe vha mu hulisa.

MATIOSI 26:54

Hone arali nda ralo Maṅwalo a nga khunyeledzwa hani a tshi ri ndi fanela u itwa zwenezwi?”

MATIOSI 8:20

Yesu a mu fhindula a ri, “Phunguhwe dzi na milindi, na zwiṋoni zwi na zwiṱaha; a nga vha Mubebwa-nga-muthu ha na ha u siamedza ṱhoho a lala.”

LUKASI 24:20

Onoyo, vhotshifhe vhahulwane na vhahulwane vha lushaka lwa hashu vho mu kumedza uri a haṱulelwe lufu, vha mu vhamba kha tshifhambano.

JOHANISI 18:32

(Hezwo zwi tshi itea ho vha hu uri hu khunyelele zwiḽa zwe Yesu a amba a tshi ṱalutshedza uri u ḓo fa hani.)

JOHANISI 6:51

Ndi Nṋe honoho vhuswa vhu tshidzaho he ha tou tsa vhu tshi bva ṱaḓulu. Arali muthu a ḽa vhuswa honoho u ḓo tshila lini na lini. Vhuswa vhune nda ḓo mu ṋea ndi muvhili wanga une nda u kumedzela shango uri ḽi kone u tshila.”

JOHANISI 8:28

Ndi hone Yesu a tshi vha vhudza a ri, “Musi no no imisela Mubebwa-nga-muthu nṱha ndi hone ni tshi ḓo ḓivha uri ‘Ndi ane nda vha Ene’; na ḓivha na uri a hu na tshine nda sokou ita nga ndoṱhe; ndi amba zwenezwo zwine Khotsi a ri ndi zwi ambe.

MISHUMO 2:23

Mudzimu o dzula o zwi dzudzanya o zwi ḓivha uri u ḓo mu kumedza inwi, na mu vhulahisa nga vhannḓa, vha tou mu vhamba kha tshifhambano.