JOHANISI 3:11 - BIVHILI KHETHWA Mafhungo Madifha

¹¹ Zwino kha vha dzou pfa-ha: riṋe ri amba tshine ra tshi ḓivha nahone ri ṱanzilela zwe ra tou vhona; hone inwi a no ngo ṱanganedza vhuṱanzi hashu.

JOHANISI 3:11 Iomraidhean Croise

YESAYA 50:2

Khezwi ndi tshi ḓi ḓa ha inwi nda si wane muthu? Ndi tshi ḓi vhidzelela, ndi mini hu si na we a fhindula? Kani-ha tshanḓa tshanga ndi tshipfufhi, a tshi koni u ni vhofholola? A thi na nungo dza u ni tshidza naa? Ndi nadzo! Nda kaidza lwanzhe lu a xa, milambo ya oma ya nga phanga, khovhe dza fa nga ḓora dza sina nga u shaya maḓi.

YESAYA 53:1

Ndi nnyi ane a nga tenda zwe ra zwi pfa? Ndi nnyi we a dzumbululelwa uri ndi maanḓa a Muṋe washu ayo?

YESAYA 55:4

Ndo mu ita ṱhanzi yanga vhathuni, a vha murangaphanḓa na mulangi wa dzitshakha.

YESAYA 65:2

Ndo ṱwa ndi tshi khou vhidza vhathu vha tshikhuna, vha no tshimbila nḓilani dzi si dzavhuḓi, vha tshi tevhedza mihumbulo yavho.

MATIOSI 11:27

“Khotsi anga o nkumedza zwithu zwoṱhe; a hu na ane a ḓivha Murwa arali e si Khotsi; nahone a hu na ane a ḓivha Khotsi arali e si Murwa, na onoyo ane Murwa a takalela u mu dzumbululela.

MATIOSI 23:37

“Hee iwe Jerusalema! Ndi amba Jerusalema, hewe une we u vhulaha vhaporofita, vhaḓinḓa vha Mudzimu vho rumiwaho kha inwi na vha kanḓa nga matombo! Nṋa ndi kangana ndi tshi ri ndi kuvhatedze vhana vhau vhoṱhe sa khuhu i tshi kuvhatedza khukhwana dzayo nga phapha, hone iwe u si tende!

LUKASI 10:22

“Zwithu zwoṱhe Khotsi anga o zwi kumedza Nṋe; a hu na ane a ḓivha Murwa arali e si Khotsi; nahone a hu na ane a ḓivha Khotsi arali e si Murwa, na onoyo ane Ene Murwa a takalela u mu dzumbululela.”

JOHANISI 1:11

O ḓa shangoni ḽawe, hone vha hawe vha si mu ṱanganedze.

JOHANISI 1:18

A hu na na muthihi o no vhuyaho a vhona Mudzimu; we a ita uri vhathu vha mu ḓivhe ndi Mubebwa-e-eṱhe, Mudzimu ngae, ane a vha tsini-tsini ha Khotsi.

JOHANISI 12:49

ngauri a thi sokou ḓiambela, Ene Khotsi anga o nthumaho o nndaya zwine nda fanela u amba nda zwi vhudza vhathu.

JOHANISI 14:24

Ane a sa mpfune, na pfunzo yanga ha i tevhedzi. Mafhungo e na a pfa ha bvi kha Nṋe, a bva ha Khotsi we a nthuma.

JOHANISI 3:12

Nṋa arali ni sa tendi ndi tshi ni vhudza zwa fhano shangoni, nda ni vhudza zwa ṱaḓulu ni ḓo tenda hani?

JOHANISI 3:13

A hu na muthu o no gonyaho ṱaḓulu arali e si onoyo we a tou tsa a tshi bva hone, ndi amba Ene Mubebwa-nga-muthu.

JOHANISI 3:3

Yesu a fhindula a ri, “Zwino kha vha pfe-ha: a hu na muthu ane a nga kona u vhona muvhuso wa Mudzimu arali a songo tou thoma a bebwa nga huswa, zwi tshi bva ṱaḓulu.”

JOHANISI 3:5

Yesu a ri, “Zwino kha vha dzou pfa: a hu na ane a ḓo dzhena muvhusoni wa Mudzimu arali a sa athu bebwa zwi tshi bva kha maḓi na Muya Mukhethwa.

JOHANISI 5:43

Nṋe ndo ḓa ndó rumiwa nga Khotsi anga, inwi na si nṱanganedze, hone ha ḓa muṅwe o tou ḓiḓisa, ni ḓo ṱanganedza ene.

JOHANISI 7:16

Yesu a tshi fhindula a ri, “Nṋe pfunzo ine nda funza a si yanga ndi ya o nthumaho.

JOHANISI 8:14

Yesu a fhindula a ri, “Aiwa, matsina naho ndi tshi khou ḓiṱanzilela Nṋe muṋe, zwine nda amba zwi na vhuṱanzi ngauri ndi a ḓivha hune nda bva na hune nda ya. Inwi hune nda bva na hune nda ya a ni hu ḓivhi.

JOHANISI 8:26

Hu tshee na zwinzhi zwe nda vha ndi tshi nga zwi amba nda ni haṱula ngazwo. Hone zwino shango ndi khou tou ḽi vhudza fhedzi zwe nda pfa nga o nthumaho; huno Ene u a fulufhedzea.”

JOHANISI 8:38

Nṋe ndi amba zwe Khotsi anga a tou ntsumbedza; inwi ni ita zwe na vhudzwa nga khotsi aṋu.”

2 VHAKORINTA 4:4

Vhenevho a vha tendi, ngauri mihumbulo yavho yo swifhadzwa nga mudzimu wa misi ino mivhi, uri vha si vhonetshelwe nga tshedza tsha mafhungo maḓifha. One a amba vhugala ha Khristo a re Ene tshifanyiso tsha Mudzimu.

NZUMBULULO 1:5

na Yesu Khristo, Ene ṱhanzi i fulufhedzeaho, tanzhe ḽa vha vuwaho vhafuni, Muvhusi wa mahosi a shango. U a ri funa, o ri vhofholola vhutshinyini nga lufu lwawe,

NZUMBULULO 3:14

“Ṅwalela muḓinḓa a re tshivhidzoni tsha Laodikia u ri, ‘Uḽa Amen, a re ṱhanzi i fulufhedzeaho ine ya ḓi amba ngoho, we Mudzimu a sika zwoṱhe ngae, u ri: