JOHANISI 21:16 - BIVHILI KHETHWA Mafhungo Madifha

¹⁶ Yesu a dovha a mu vhudzisa lwa vhuvhili a ri, “Simoni murwa wa Johanisi, ni a mpfuna naa?” Ene a ri, “Ee, Muṋe wanga, na vhone vha a zwi ḓivha uri ndi a vha funa!” Yesu a ri, “Lisani nngu dzanga.”

JOHANISI 21:16 Iomraidhean Croise

DZIPHISALEMA 100:3

Ḓivhani uri Muṋe washu ndi Ene Mudzimu! Ndi Ene o ri vhumbaho, riṋe ri vhathu vhawe, ri nngu dzine a dzi lisa.

DZIPHISALEMA 95:7

Hufha e Ene Mudzimu washu, riṋe rí vhathu vhawe, rí sambi ḽine a ḽi londola. Ngavhe ṋamusi ni tshi pfa ipfi ḽawe nandi!

ZAKARIA 13:7

Muṋe washu Mulangazwoṱhe u ri, “Iwe pfumo, vuwa u runge mulisa wa nngu dzanga! Vhulaha mulisa, nngu dzi balangane! Tshanḓa tshanga tshi ḓo rwa na dzone ngwana.”

MATIOSI 2:6

“ ‘Matsina iwe Betlehema shangoni ḽa Juda, a si iwe muṱuku wa magota a Juda. Kha iwe hu ḓo bva murangaphanḓa ane a ḓo lisa vhathu vhanga vha Israele.’ ”

MATIOSI 25:32

Tshakha dzoṱhe dzi ḓo kuvhanganywa khoroni yawe. Ndi hone a tshi ḓo khethekanya vhathu sa mulisa a tshi khethekanya nngu na mbudzi.

MATIOSI 26:72

Pitrosi a dovha a hanedza a tou ana a ri, “Uyo munna thi mu ḓivhi!”

LUKASI 19:10

Nahone Mubebwa-nga-muthu o ḓa u ṱoḓa vho xelaho uri a vha tshidze.”

JOHANISI 18:17

Uyo musidzana a vhudzisa Pitrosi a ri, “Izwi na inwi a ni mufunziwa wa uyu munna?” Pitrosi a ri, “Hai.”

JOHANISI 18:25

Pitrosi a tshee o ḓi ima henefhaḽa a tshi khou ora mulilo, vhaṅwe vha mu vhudzisa vha ri, “Izwi na inwi a ni mufunziwa wawe?” Pitrosi a ri, “A thi mufunziwa wawe!”

JOHANISI 21:17

Yesu a dovha a mu vhudzisa lwa vhuraru a ri, “Simoni murwa wa Johanisi, ni a mpfuna naa?” Zwino Pitrosi a vho tou ṱungufhala nga u pfa Yesu o no mu vhudzisa lwa vhuraru a ri, “Ni a mpfuna naa?” Ndi hone a tshi ri, “Muṋe wanga, vhone vha ḓivha zwithu zwoṱhe; na uri ndi a vha funa vha a zwi ḓivha.” Yesu a ri, “Lisani nngu dzanga.

MISHUMO 20:28

Ḓilondeni-ha ni londole na sambi ḽoṱhe ḽe Muya Mukhethwa a ni ita vhalisa vhaḽo, uri ni lise tshivhidzo tsha Mudzimu tshe a ḓivhumbela nga malofha a Murwa wawe.

VHAHEBERU 13:20

Muṋe washu Yesu ndi Mulisa muhulu wa dzinngu. Mudzimu Ṋemulalo o mu vusa vhafuni nga malofha a khwaṱhisaho mulanga u sa gumi.

1 PITROSI 2:25

No vha ni tshi nga nngu dzo xelaho, hone zwino no rembulutshela ha Mulisa waṋu, Ene Mulondoli waṋu.

1 PITROSI 5:2

Lisani sambi ḽa Mudzimu ḽe a ni kumedza. Ni songo ḽi linda nga u tou kombetshedzwa, ni ḽi linde nga mbilu tshena, vhunga zwi zwenezwo zwine Mudzimu a zwi funa; ni songo zwi ita nga u funesa malamba, ni zwi ite ni tshi takadzwa nga mushumo wone uṋe;

NZUMBULULO 7:17

“Ngwana i re vhukati ha khuluṋoni i ḓo vha lisa, ya vha endedza ya vha isa zwisimani zwa maḓi a ṋeaho vhutshilo. Mudzimu Ene u ḓo vha fhuluṱa miṱodzi.”