JOHANISI 21:12 - BIVHILI KHETHWA Mafhungo Madifha

¹² Yesu a ri, “Iḓani ni ḽe!” Kha vhafunziwa vhawe hu si vhe na we a linga u mu vhudzisa a ri, “Ndi vhone vhonnyi?” Vho vha vha tshi ḓivha uri ndi Muṋe washu.

JOHANISI 21:12 Iomraidhean Croise

MATIOSI 22:46

A hu na na muthihi we a kona u fhindula Yesu na ipfi na ḽithihi, nahone u bva heḽo ḓuvha a hu tshee na we a edzisa u mu vhudzisa mbudziso.

MARKOSI 9:32

Hone vhone vha sa pfe uri iḽo ipfi ḽawe ḽi amba mini, vha dovha vha ofha na u mu vhudzisa.

LUKASI 9:45

Hone vhone vha si ṱalukanye zwe a amba; Mudzimu o vha o zwi dzumba vha kundwa u zwi ṱalukanya, vha dovha vha ofha na u mu vhudzisa.

JOHANISI 16:19

Yesu o zwi ḓivha uri vha khou ṱoḓa u mu vhudzisa; ndi zwe a vha vhudza a ri, “Ndo ri hu si kale a ni tsha ḓo mmbona, hone hu ḓo dovha he hu si kale na mmbona. A si zwenezwo zwine na khou vhudzisana zwone kani?

JOHANISI 21:11

Simoni Pitrosi a mbo ḓi dzhena tshikepeni a kokodzela aḽa mambule nnḓa o ḓala nga khovhe khulwane dza 153; hone naho dzo ḓala nga u ralo mambule a si kheruwe.

JOHANISI 21:15

Musi vho no ḽa, Yesu a vhudzisa Simoni Pitrosi a ri, “Simoni Murwa wa Johanisi, ni mpfuna u fhira avha vhaṅwe vhoṱhe naa?” Ene a fhindula a ri, “Ee Muṋe wanga, na vhone vha a zwi ḓivha uri ndi a vha funa.” Yesu a ri, “Lisani ngwana dzanga.”

JOHANISI 4:27

Zwenezwo vhafunziwa vhawe vha vha vha a vhuya. Vha kanuka nga u vhona a tshi khou amba na muthu wa musadzi, hone hu si vhe na we a vhudzisa uyo musadzi a ri, “Nṋa vha khou ṱoḓani?” kana a vhudzisa Yesu a ri, “Vha khou amba mini nae?”

MISHUMO 10:41

u ralo ndi sa ambi vhathu vhoṱhe – o vhonwa nga riṋe fhedzi ri re ṱhanzi dze Mudzimu a vha o dzula o dzi nanga, ra ita na u ḽa nae ra nwa nae musi o no vuwa vhafuni.