JOHANISI 2:11 - BIVHILI KHETHWA Mafhungo Madifha

¹¹ Enea maḓembe Yesu o a ita muḓini wa Kana vunduni ḽa Galelia tsha vha tshiga tsha u thoma. Henefho ndi hone he a sumbedza vhugala hawe, na vhafunziwa vhawe vha mu fulufhela.

JOHANISI 2:11 Iomraidhean Croise

1 MAHOSI 17:24

Ndi hone uyo musadzi a tshi amba na Elia a ri, “Zwino ndi vho zwi ḓivha uri vha muḓinḓa wa Mudzimu na uri ipfi ḽine vha amba ndi ḽa Yahavee vhukuma.”

DZIPHISALEMA 72:19

Nga hu rendwe dzina ḽawe ḽa vhugala lini na lini! Ngavhe vhugala hawe vhu tshi ḓadza shango ḽoṱhe! AMEN! AMEN!

DZIPHISALEMA 96:3

Anḓadzani vhugala hawe tshakhani dzoṱhe, ni ḓivhadze vhathu vhoṱhe mishumo yawe i mangadzaho.

EKISODA 14:31

Vhaisraele vho vhona mishumo mihulu ye Muṋe washu a ita a tshi lifhedza Vhaegipita, vhathu vha ofha Muṋe washu, vha fulufhela Muṋe washu, na Mushe muḓinḓa wawe.

EKISODA 4:9

Hone arali vha sa tendi vha tshi vhona zwiga hezwo zwivhili, vha si thetshelese zwine wa amba, u ke maḓi mulamboni wa Nile u a shele fhasi, ayo maḓi e wa a ka mulamboni a ḓo shanduka a vha malofha henefho fhasi.”

MUFUNZI 9:7

Iyo ḽa vhuswa hau u takale, u nwe waini yau mbilu yau yo takala; ndi zwenezwo zwe Mudzimu a u tendela uri u zwi ite.

YESAYA 40:5

Ndi hone hu tshi ḓo dzumbululwa vhugala ha Muṋe washu; ḽifhasi ḽoṱhe ḽi ḓo vhu vhona. Ho amba Muṋe washu Ene muṋe!”

MALAKIA 2:2

Zwe na pfi ni zwi thetshelese, ni zwi sedze nga vhuronwane, ndi u hulisa dzina ḽanga. Zwino na sa zwi ita ndi ḓo ni teketela, ndi ḓo shandukisa mashudu aṋu a vha u teketelwa. Vhukuma ndo no ḓi ni teketela ngauri a no ngo sedza nga vhuronwane uri ni nkhulise.

JOHANISI 1:14

Ipfi a vha muthu wa ṋama, a dzula na riṋe, ra vhona vhugala hawe, vhune Khotsi a ṋea Murwa wawe muthihi fhedzi, e na vhuthu vhuhulu, na u fulufhedzea tshoṱhe.

JOHANISI 1:17

Mulayo Mudzimu o u ṋea vhathu nga tshanḓa tsha Mushe; vhuthu hawe na ngoho yawe zwa ḓa nga Yesu Khristo.

JOHANISI 1:43

Nga matshelo Yesu a vhona uri ndi khwiṋe a tshi ya Galelia. A wana Filipi a mu vhudza a ri, “Kha ri ṱuwe roṱhe ni vhe mufunziwa wanga.”

JOHANISI 1:50

Yesu a ri, “Nṋa ni vho tenda nge nda ri ndo ni vhona ni tshi kha ḓi vha fhasi ha muhuyu? Ni kha ḓi ḓo vhona zwihulu zwi fhiraho izwo kule.”

JOHANISI 10:41

Vhathu vhanzhi vha ḓa khae vha tshi ri, “Johanisi a hu na tshiga tsha maḓembe e a ita; naho zwo ralo zwoṱhe zwe a amba nga uyu munna ndi zwone.”

JOHANISI 11:15

hone ndi tshi humbula inwi ndi a takala nge zwa itea ndi siho, ngauri zwino ndi hone ni tshi ḓo kona u mpfulufhela. Nḓarieni khae.”

JOHANISI 11:47

Ndi hone Vhafarisei na vhotshifhe vhahulwane vha tshi ramba Khoro ya Majuda vha ri, “Nṋa ri nga tou zwi ita hani? Edzonu vhona maḓembe ane munna uyu a khou ita!

JOHANISI 12:18

Ndi zwe vhathu vha yo mu ṱanganedza, nge vha pfa hu tshi pfi o ita maḓembe mangafhongafho.

JOHANISI 12:37

Naho o vha o vha sumbedza zwiga zwa maḓembe mangafho, vha tshi tou zwi vhona nga maṱo, a vho ngo mu fulufhela,

JOHANISI 12:41

Yesaya a tshi ralo o vha o vhona vhugala ha Yesu a ṱanzilela ngae.

JOHANISI 14:13

Zwino tshiṅwe na tshiṅwe tshine na humbela nga dzina ḽanga ndi ḓo ni ṋea, uri Khotsi a rendwe nga zwine Murwa a ita.

JOHANISI 16:27

ngauri Khotsi Ene muṋe u a ni funa, vhunga na inwi no mpfuna na tenda na uri ndi bva ha Mudzimu.

JOHANISI 16:30

Zwino ri vho zwi vhona uri vha ḓivha zwithu zwoṱhe; a vha vhuyi vha thoma u vhudziswa, ndi zwine ra tenda uri vha bva ha Mudzimu.”

JOHANISI 2:1

Ho no fhela maḓuvha mavhili ha vha na munyanya wa mbingano muḓini wa Kana vunduni ḽa Galelia. Mme a Yesu na vhone vho vha vhe hone,

JOHANISI 2:23

Musi Yesu e Jerusalema nga tshifhinga tsha vhuṱambo ha Paseka, vhanzhi vho mu fulufhela vha tshi vhona zwiga zwa maḓembe ane a ita.

JOHANISI 3:2

Onoyo o vhuya a ya ha Yesu vhusiku a ri, “Vhafunzi vhanga, ri a zwi ḓivha uri vhone vho tou ruṅwa nga Mudzimu u ḓa u funza vhathu, ngauri a hu na muthu ane a nga kona u ita haya maḓembe ane vhone vha ita arali Mudzimu a si nae.”

JOHANISI 4:3

Yesu a tshi pfa zwenezwo a ṱuwa Judia a vhuelela Galelia.

JOHANISI 4:46

Ndi hone Yesu a tshi vhuelela muḓini wa Kana kha ḽa Galelia, fhaḽa he a vhuya a shandukisa maḓi a vha waini. Zwino Kapernaumi ho vha hu na muṅwe mukoma we a vha e na ṅwana wa mutukana a no lwala.

JOHANISI 4:54

Enea ndi one maḓembe a vhuvhili e Yesu a ita musi o no vhuelela Galelia a tshi bva Judia, tsha vha tshiga.

JOHANISI 5:23

uri vhoṱhe vha hulise Murwa nga hune vha hulisa Khotsi ngaho. A sa hulisi Murwa u nyadza Khotsi we a mu ruma.

JOHANISI 6:14

Vhathu vha tshi vhona maḓembe e Yesu a ita vha thoma u ri, “Vhukuma hoyu ndi onouḽa muporofita we a pfi u ḓo ḓa shangoni.”

JOHANISI 6:2

A tevhelwa nga gogo ḽihulu vhunga vho vha vha tshi vhona maḓembe awe a tshi fhodza vhalwadze.

JOHANISI 6:26

Yesu a vha fhindula a ri, “Zwino ipfani-ha: a ni khou nṱoḓa nge na vhona maḓembe anga, ni nṱoḓa nge na ḽa vhuswa na fura.

JOHANISI 6:30

Vhone vha ri, “Zwino vhone vha nga si ri sumbedze tshiga tsha maanḓa avho uri ri kone u vha tenda? Vha nga ita mini ra vhona?

JOHANISI 7:31

Hone vhanzhi kha gogo ḽeneḽo vha mu fulufhela vha ri, “Kani Mesia a tshi ḓa u kha ḓi ḓo ita maṅwe maḓembe a fhiraho e uyu a ita?”

JOHANISI 9:16

Vhaṅwe Vhafarisei vha ri, “Muthu we a ita zwithu izwo a nga si vhe a tshi bva ha Mudzimu; hufha a sa tevhedzi mulayo wa Sabatha!” Hone vhaṅwe vha ri, “Nṋa muthu wa mutshinyi a nga kona hani u ita maḓembe mangafhangafha?” Vha tshi ralo ha mbo ḓi vha u fhandekana havho.

2 VHAKORINTA 3:18

Riṋe roṱhe ro no khurumuwa zwifhaṱuwo, ri vho tou vhona vhugala ha Muṋe washu. Ri ḓi shandukiswa ri tshi ya uri ri fane na Khristo, lupenyo lwashu lwa ḓi engedzea lu tshi ya, izwo zwi tshi itwa nga Muṋe washu, Ene Muya.

2 VHAKORINTA 4:17

U tambula hohu huṱuku ha tshifhinganyana hu khou ri ḓisela vhugala vhu sa gumi, vhune ha fhira hezwi kule-kule; a zwi vhuyi zwa vhambedzwa;

2 VHAKORINTA 4:6

Mudzimu we a ri, “Swiswi kha ḽi ṱuwe hu vhe na tshedza,” ndi Ene we a vhonetshela mbilu dzashu a ri ṋea tshedza tsha uri ri ḓivhe vhugala ha Mudzimu vhu penyaho tshifhaṱuwoni tsha Yesu Khristo.

DOTORONOMIO 5:24

na ri, ‘Mudzimu Muṋe washu o ri sumbedza vhugala hawe na vhuhulu hawe, ra pfa na ipfi ḽawe ḽi tshi amba e muliloni! Ṋamusi ra zwi vhona uri muthu u a ḓi tshila naho Mudzimu o amba nae, ra akhamala.

1 JOHANISI 5:13

Luṅwalo ulu ndi khou ni ṅwalela uri ni kone u ḓivha uri ni na vhutshilo vhu sa gumi – ndi amba inwi ni fulufhelaho Murwa wa Mudzimu.