JOHANISI 19:9 - BIVHILI KHETHWA Mafhungo Madifha

⁹ A vhuelela nḓuni a vhudzisa Yesu a ri, “Nṋa hone ni bva ni ngafhi?” Yesu a sokou fhumula.

JOHANISI 19:9 Iomraidhean Croise

YESAYA 53:7

O pfiswa vhuṱungu, a ḓiṱukufhadza a konḓelela, a si vhuye a amba tshithu. O nga ngwana i iswaho u ṱhavhiwa, a nga nngu i sa lili i tshi vheulwa; ho ngo vhuya a amba tshithu.

MATIOSI 26:63

Yesu a si fhindule tshithu. Ndi hone tshifhe muhulu a tshi mu anisa a ri, “Ndi ni anisa nga Mudzimu a tshilaho ndi ri ni ri vhudze arali e inwi Mesia, Murwa wa Mudzimu.”

MATIOSI 27:27

Maswole a muvhusi a dzhia Yesu a dzhena nae nḓuni ya khaṱhulo, a tou tangwa nga gomane yoṱhe.

LUKASI 23:9

Ndi zwe a vhudzisa Yesu tshino na tshiḽa, hone Ene a si mu fhindule.

JOHANISI 18:28

Nga matshelonitsheloni vha dzhia Yesu nḓuni ya Khayafasi vha mu isa pfamoni ya muvhusi. Majuda vhone vha si dzhene ngomu pfamoni ngauri vho vha vha tshi ofha u ḓikumadza vha vho ḓo kundwa u ḽa Paseka.

JOHANISI 18:33

Pilato a humela nḓuni a vhidza Yesu a mu vhudzisa a ri, “Nṋa inwi ni khosi ya Majuda?”

JOHANISI 18:34

Yesu a fhindula a ri, “Iyo mbudziso i tou bva kha vhone kana ndi zwe vha tou pfa vhathu vha tshi nnyamba?”

JOHANISI 18:37

Pilato ndi hone a tshi mu vhudzisa a ri, “Zwi amba uri u vha khosi ni khosi?” Yesu a fhindula a ri, “Ndi vhone vha no khou ri ndi khosi. Nṋe ndi tshi bebiwa na musi ndi tshi ḓa shangoni ndo ḓela tshithu tshithihi fhedzi: Ndo ḓela u ṱanzilela ngoho. Ane a vha wa ngoho u a mpfa.”

JOHANISI 19:10

Pilato a vhuya a dovha a ri, “Nṋa a ni ambi na nṋe? A ni zwi ḓivhi uri ndi na maanḓa a u ni vhofholola na a u ni vhamba kha tshifhambano naa?”

JOHANISI 19:8

Pilato a tshi pfa zwenezwo a tou ṋaṋa u ofha.

JOHANISI 8:14

Yesu a fhindula a ri, “Aiwa, matsina naho ndi tshi khou ḓiṱanzilela Nṋe muṋe, zwine nda amba zwi na vhuṱanzi ngauri ndi a ḓivha hune nda bva na hune nda ya. Inwi hune nda bva na hune nda ya a ni hu ḓivhi.

VHAFILIPI 1:28

Ni songo vhuya na litsha maswina a tshi ni shushedza; ni si ofhe tshithu tshifhinga tshoṱhe, uri a zwi vhone uri one a ḓo lovha, inwi ni ḓo tshidzwa, zwi tshi bva ha Mudzimu;

VHARANGAPHANḒA 13:6

Ndi hone uyo musadzi a tshi ṱuwa a ya ha munna wawe a ri, “Ho ḓa muḓinḓa wa Mudzimu kha nṋe; o vha a tshi ofhisa a tshi nga muruṅwa wa Mudzimu. A tho ngo mu vhudzisa hune a bva hone, na ene ho ngo mmbudza uri u pfi nnyi.